حالة من الجدل وخفة الدم على مواقع السوشيال ميديا وخاصة موقع التدوينات القصيرة "تويتر" تسببها تغريدات اللاعب الكبير محمد أبو تريكة نجم المنتخب الوطنى والنادى الأهلي الأسبق من خلال صفحته الرسمية.
ولم يكتف أبوتريكة بالرد على متابعيه ومعجبيه فقط من خلال تغريداته بل فى بعض الأحيان كان يدخل معهم تحديات اتسمت بخفة الدم بطريقة جعلت رواد السوشيال يتابعون آخر تدبيسات أبو تريكة لجماهيره.
ففى إحدى التغريدات كتب له أحد معجبيه: "أنت مش بترد غير عشان تدبس الناس تقريبا" مما دفع فتاة أخرى للرد عليه "مش هيرد بشعرك دا" واضطر أن يرد قائلا "هحلقه لو رد" وفاجأه أبو تريكة بالرد على التغريده قائلا "على الزيرو".
وفى تحدٍ آخر أو "تدبيسة أخرى" طالب أحد الجماهير يدعى "أنس" أبو تريكة بالرد عليه وكتب له على موقع التدوينات القصيرة تويتر "أنت بترد على كل الناس ياماجيكو، طب وأنا" مما دفع أحد أصدقائه للرد عليه "لو عملها يا أنس وربنا لأعزمك على الغداء" وقام أبوتريكة بالرد فى النهاية وطلب منه أن يحاسب على الغداء.
وفى تغريدة أخرى طلب عمر منه الرد عليه وكتب له "تريكة عيد ميلادى كمان 6 أيام وغلبان وثانوية عامة ومفيش مصدر للفرحة والله أيه رأيك تدخل السرور فى قلب مسلم وتقول كل سنة وأنت طيب" وتابع مرة أخرى "ياتريكة والله عيد ميلادى النهارده بقالى 6 أيام بقولك ومافيش فايدة خالص" مما دفع هانيا للرد عليه "فيها كاميرا لو رد" وفاجأهم النجم أبو تريكة بالرد قائلا "مبروك عليك الكاميرا الهدية".
وكانت آخر مفاجآت أبو تريكة أنه قام بتوفيق راسين فى الحلال من خلال الرد على تعليقات الجماهير وحيث طالبته فتاة بالرد عليها فى التعليقات ورد عليها شاب قائلا "لو رد عليكى هاجى أكلم طنط وأخطبك" فما كان من تريكة إلا أن كتب تعليقا لهما قائلا: "مبروك الخطوبة".
عدد الردود 0
بواسطة:
مصراوي
لماذا
لماذا الاصرار علي اخبار هذا الكاره لوطنه
عدد الردود 0
بواسطة:
ايمن عبد الحى
هو فيه ايه بالضبط
ليه دايما عاملين تركيز على ابو تريكة ليه دايما مسلطيين الضؤ على اى حاجة يعملها حتى لو دخل الحمام -- هو ابو تريكة متعاقد معاكم على الشو الاعلامى اللى انتو بتعملوه ليه كل يوم
عدد الردود 0
بواسطة:
محمد
قدوة
هذا الرجل يستحق أن يقتدى به كل شباب مصر فهومثال للأخلاق والعمل الجاد اتمنى ان اجد اولادى فى اخلاقك وجديتك ورجولتك واخلاصك لاصدقائك.
عدد الردود 0
بواسطة:
ابو تريكة الخلوق الملتزم القدوة للجميع
ابو تريكة الخلوق الملتزم القدوة للجميع
كاره لوطنه؟ ابه التعليق المستفز ده كاره لوطنه ازاي وهو اللى رفع اسمه بلده لفوق لما جاب للاهلي بطولات افريقيا ولما عملنا مركز تالت فى كاس العالم للاندية و لما لاعبنا كاس القارات ادام البرازيل و عملنا ماطش عالي ولما لعب فى الاولمبياد 2012 ولما خدنا كاس الامم الافريقية 2006 وهو كان شايط اخر ضربة جزاء و كاس الامم 2008 وهو اللى كان جايب الجون فى النهائي ادام الكاميرون؟ كل ده و كاره لوطنه؟ اعتقد انت اللى كاره لوطنك مش هو لان هو عمل كتير لبلده بس بلده مش قدرته للاسف لان البلد مش بتمسك حد ذو قدوة و ذو عمل طيب و ذو اجتهاد ولكن بتعين اللى بيسمع الكلام و بيقول حاضر وبينافق وبس
عدد الردود 0
بواسطة:
خالد فرح
الجيزة المنيب
ابو تريكه صاحب الافراح وله ف الجبال علامات ومفيش زيه واالانتقادات ليه بتعلى من شانه ويبقى ابو تريكه الساحر وامير القلوب المصريه والعالميه ومفيش له مقارنه مع احد عشان التانلى هيتظلم
عدد الردود 0
بواسطة:
احمد رشدى
امير القلوب( الماجيكو)
ويبقى ابو تريكه مهما حدث هو امير القلوب و عم لاعيبة مصر و اللاعب الخلوق و جميع من ينتقده اما جاهل او منافق و هذا رايى و راى كل من راه و تعامل معه ويكفى ان امير الكويت طلب تكريمه و مصافحته و التصوير معه يا بلد تمدح الفاشل و تذم الناجح
عدد الردود 0
بواسطة:
Magdyahmed723@yahoo.com
ابوتريكه
بلاش النبى تنفخوا فى هذا الواطى لعب كوره واخد ملايين ومبسوط تعملوه وطنى وكبير لا والف لا بطلوا نفخ فى هذا الخاين الكارهه للوطن
عدد الردود 0
بواسطة:
مصرى غضبان
لمن يقول ........أن هذا الرجل كاره لوطنه !!!!
لا يوجد عربى أو مصرى بالاخص ......كاره لوطنه .....ممكن يكون كاره لاوضاع معيبة فى بلاده ...وهل تتذكروا ( ميدو ) عندما راهن على خسارة فريق ليستر سيتى للدورى الانجليزى ...ثم قص شعره .....أنا ايضا أراهن على منتخبنا الوطنى لو ...وصل لكأس العالم روسيا 2018 !!!! كده خلاص المواهب انقرضت !!!
عدد الردود 0
بواسطة:
محمود
ارهابى ملعون كاره لوطنه لا يستحق ذكر اسمه
واللى بيقولوا ياما فرحنا هو قبض الثمن ملايين بعد ما كان شحات ومكنش بيمن علينا ببلاش بلاش نفخ فى الارهابيين
عدد الردود 0
بواسطة:
أبوتريكة اسطوره لن تتكرر
أبوتريكة حبيب البسطاء
امير القلوب أبوتريكة