العلاج بقرص النحل.. أسرار لا تنتهى

قال تعالى : " يَخْرُجُ مِن بُطُونِهَا شَرَابٌ مُّخْتَلِفٌ أَلْوَانُهُ فِيهِ شِفَاء لِلنَّاسِ " صدق الله العظيم، إن سم النحل يحمل قيمة علاجية فى علاج أمراض خطيرة، وهو بديل قابل للتطبيق بدلا من الأدوية الصيدلانية، فعلاج النحل هو العلاج الشعبى التقليدى الذى تم استخدامه فى العديد من البلدان لعدة قرون، ويستفيد من قوة الشفاء الواردة فى نحل العسل، السم الذى يساعد على التخفيف من ظروف خطيرة مثل مرض التصلب المتعدد، وإلتهاب المفاصل، ومرض الذئبة.

 

فلدغ النحل يؤدى إلى تنشيط الدورة الدموية وزيادة عدد كرات الدم الحمراء مما ينعكس على نشاط الجسم وحيويته، ويقوم أيضا لدغ النحل بتنشيط الخلايا العصبية الموجودة فى الدماغ وذلك خلال إشارات حسية تنتقل من مكان القرص إلى الخلايا الحسية الموجودة أسفل الدماغ.

 

ويقول إبراهيم سيد السايح، وهو نجل المرحوم سيد السايح، وهو من أشهر أصحاب مناحل لدغ النحل التى يلجأ إليها من هم أصحاب الأمراض المزمنة، حيث يقول إبراهيم" الحاج سيد السايح كان عامل موضوع القرص والعلاج بلدغ النحل مجانا لوجه الله تعالى، وأحنا مستمرين على نفس النهج بتاع الحاج الله يرحمه، والعلاج بالقرص هو عبارة عن تقوية جهاز المناعة، الفكرة بتاعته لما مثلا بتتعور كرات الدم البيضاء وكرات الدم الحمراء هما اللى بيتجلطوا، فالقرصة بتعمل زى تجمع دموى كده صغير وبيحمر، ودة بيبقى تجمع لجهاز المناعة، وكل مرة بنقرصه على مسار جهاز المناعة، مثلا الكبد ليه اماكن للقرص معينة، وأمراض العضم والروماتيزم، والروماتيد، والغضروف، وخشونة الركب، وخشونة الرقبة، والجيوب الأنفية، والقاولون، وكل ده طبعا بيبقى ليه قرص بالنحل، وكل مكان بيبقى ليه القرص بتاعه، يعنى الاماكن بتاعت الركب بتتقرص جمب الصمولة واحدة يمين وواحدة شمال، والألام بتاعت المفاصل بتتقرص فى الوجع بتاع المفاصل نفسه، والقرصة بيبقى فيها مضاد حيوى قوى لتقوية جهاز المناعة، والنحلة مجرد ما بتقرصك بتموت، لان جزء من أمعائها بيخرج معاها، لأنها لو قرصتك وقرصت حد تانى ممكن يبقى فى مرض معدى ولا اى حاجة تنقله من شخص لشخص، لكن هى القرصة سبحان الله مجرد ما هى قرصتك مرة واحدة بتموت على طول.

 

ويضيف : "ربنا سبحانه وتعالى بيقول فى قرأنه الكريم"ويخرج من بطونها شراب مختلف ألوانه فيه شفاء للناس" ، بيخرج من بطن النحلة العسل والشمع وغذاء الملكات وسم النحل، والسم ده جزء من بطنها، يعنى جزء من بطنها هو اللى بيقرصك، والمريض بيجى بيتقرص وكله مجانا لوجه الله سبحانه وتعالى، وكل مرض بيبقى ليه عدد جلسات معينة، بس مبيتعداش الثلاث شهور وكل يوم جمعة فى الاسبوع".

 

وألتقطت "كاميرا فيديو7 قناة اليوم السابع المصورة" مع أحد المرضى الذين يعالجون بالمنحل حيث قال حسن محمد إبراهيم انه يأتى كل أسبوع للتقريص، فهو كان يعانى من اكثر من 4 او 5 شهور من مشكلة فى فقرات الظهر وكان هناك اتجاه لعمل عملية، ولكن هناك من دله على قرص النحل فتوجهه لهذا المكان ليبدأ علاجه بالتقريص، وأكد أن التقريص وفر عليه تكاليف اجراء العملية وبعدها قام بعمل الأشعات فوجد تحسن لحالته وتم الأستغناء عن عمل العملية.

 

ووجه حسن محمد نصيحة لكل من يعانى من أمراض أو من سيقوم بإجراء أى عملية جراحية، أن يتوجه لمتخصص فى الطب البديل ويكون متخصص فى قرص أو العلاج بسم النحل.