ما يمكن أحن من تانى
وأرجع تانى احب الليل
وأشوفك وانتى بتغنى فى احلامى
ومركب حب تخطفنى فى حضن النيل
وارجع تانى اكتبلك اغانيكى
واجيب الحِنا م العطار
تحطى منها فى ايديكى
واخاف من وجهك الفتان
على الشبان
واخاف لا النسمه تأذيكى
واخاف من نظرة الحاسدين
تشوف روعة خطاويكى
واخاف م الحاكم المفتون
بعز الملك يغويكى
واخاف من صوت دعا الكروان
وانا نايم يصحيكى
وهرسم كل يوم صوره
وانا باملا كاسات الخمر واسقيكى
وهاغزل توب من الياسمين
شتا أو صيف يغطيكى
وهزرعلك جناين ورد
ارويها بدمع العين وراضيكى
وهكتبلك قصايد حب
تبيعى الشعر فى الاسواق فيغنيكى
او انساكى وادعى ربى وانا صايم
....ينسٍكى
.............................
