وزير التعليم يعلن اعتبار "بنى سويف" محافظة خالية من الدروس الخصوصية

عدد الردود 0

هههههههههههههههههه ياراجل اسناني وقعت بلاش ضحك ع الناس

انا شخصيا باخد دروس خصوصيه ومن اول مرحله الابتدائي الي مرحلة التعليم الثانوي ومابعد الثانوي كمان بياخد دروس خصوصية . فباللله كفايه ضحك ع الناس ولما يكون فيه برنامج محدد وروؤية واضحه لمنع الدروس وبعد تطبيق البرنامج ونجاحه في الوقت ده حط اعلان واكتب من انجازات الوزير ياعديم الصحافه

عدد الردود 0

ربنا يشفى

وزير التربية والتعليم ده مريض نفسى ،دروس خصوصية ايه اللى هيقضى عليها ، المدرسين مابتعملش حاجة ولابتعلم العيال حاجة فى المدارس عشان يدوا دروس خصوصية ،وولى الامر مطحون والدروس الخصوصية خربت بيتنا ، الدروس الخصوصية هتنتهى لما المدرسين تشتغل فى المدارس ولما كثافة الفصول تقل لما الناس تبطل الخلفة الكتير .

عدد الردود 0

مخالف

الاطفال ال في حضانة تاخد دروس خصوصيه ...كيف بني سويف خالية من دروس خصوصية

عدد الردود 0

تصدق انته وزير كداب

اتحدى الوزير لانه كداب حرام عليك تكون وزير وتكدب عيب ياراجل الدروس ابتدت من بعد رمضان الدروس الخصوصيه مثل فيروس الوباء الكبدى فيرس سى اعمل زى الصحه وحاول اقضى عليه لو عندك ضمير

عدد الردود 0

الدروس الخصوصية

الرجاء من سيادة الوزير ان يكون الكلام منطقى الدروس فى كل محافظات مصر شغالة وطلبة الثانوى بداو من شهر 8 عايز تبطل الدروس قلل كثافة الفصول اعطى للمدرس حقة من المرتب لا اقول وازية بمرتب ساعى البنك ولكن مرتب يعيشة هو واسرتة بكرامتة امام الطلاب والناس بعد كدة امنع الدروس المدرس مثلة مثل اى وظيفة اخرى كالدكتور اوامهندس لديهم مكاتب وعيادات وكلنا نعلم فايدة مجموعات المدرسة ليس لها قيمةوشكرا

عدد الردود 0

انا من بني سويف وابني وجموعات كتير جدا بتاخد دروس

ياااااااااااااااااه للكدب

عدد الردود 0

الله يخرب بيتك ...قولوا امين

ياعم بطلوا تلعبوا بعقول الناس ..بكده انت خليت الدروس الخصوصية علنى وفى المدارس بطلوا كدب ..المدرس اصبح الان اخطر من تاجر المخدرات ..بيسرق عرق الغلابة واللى مش عاجبة ابنه مش هاينجح ..ياناس ياعالم عاوزين وزير تعليم بيفهم وزير يعرف يلم شوية الحرامية اللى اسمهم مدرسين ..الله يخرب بيوتكم ..قولوا امين ياناس

عدد الردود 0

لابد من من يتعامل مع قطاع عريض من الناس ان يقيس رد فعل الناس على كلامة ومطابقتة للواقع الفعلي

لابد من عمل مجاميع مدرسية مسائية بالمدارس و الاشراف على مراكز الدروس الخصوصية..كيف سيفهم الطلبة المناهج الكثيفة و شديدة الصعوبة و الغير مناسبة لاعمار الطلبة..السبب فيماأقولة هو الواقع الفعلي الذي يعيشة أولادي...الصفوف مكتظة بالطلاب والبئة الصفية لاتساعد و صعوبة الاختبارات...أنا أنتخبت الرئيس المحترم عبد الفتاح السيسي فهل يوافق على مايفعلة الأستاذ الوزير بأولادي؟؟ أرجوكم نريد وزير من رجال القوات المسلحة الأكفاء لمسك الوزارة ةانا متأكد أن الوضع سيستقييم بها.. وهو الحل الوحيد...فهل من مجيب؟؟ أتمنىى

عدد الردود 0

اقتراح جديد للوزير

انتو تسلمو المدارس للاهالي واحنا نعين مدرسين اكفاء وندفع للمدرس 20 الف بالشهر توزع بالتساوى على الطلبة ونكتفي بشرح المدرس بالفصل ويتم تقيم ادائه من خلال مستوى الطلبة لازم يكون امتياز من خلال الامتحان الشهري باشراف من مجلس الاباء واكيد هو هايخاف على الوظيفة ويشتغل بضمير ولازم عشان الدخل العالي وتقيم الاداء يطلع ممتاز عشان يستمر واحنا في الاخر كاولاياء امور رابحنين جداً بمستوى اولادنا يعني زى المدارس الخاصة بالضبط بس بتكاليف اقل شوية على الغلابة وافضل من مافيا الدروس

عدد الردود 0

تعليم جيد يعنى مجتمع جيد

اعمل موجه بالتربية والتعليم ولي خبرة 36عام واري منذ وقت طويل التعليم ينهار ويتراجع فينهار المجتمع ويتراجع وتفسد معه اخلاق المجتمع فالغش ينتشر ويتزايد واصبح حقيقة والكل يهرب من هذه الحقيقة وكله تمام يافندم عندنا احلى نتائج والكل يعرف الحقيقة والدروس الخصوصية اصبحت واقع حتمي ومعه انهار وانتهت كل الاخلاق الجميلة في مجتمعنا ونظام الامتحانات يساعد علي ذلك والحل في اصلاح هذه المنظومة التعليمية والتربوية وبالتالي نهضة مصر موجود موجود موجود