أعرب أحمد الشناوى، حارس مرمى الزمالك، عن سعادته بالتأهل لنهائى دورى أبطال إفريقيا، رغم الهزيمة من الوداد المغربى بنتيجة 5/2 فى إياب قبل نهائى دورى أبطال إفريقيا التى جمعتهما أمس السبت، على ملعب "مولاى عبد الله".
وأضاف الشناوى، خلال تصريحاته لبرنامج "مساء الأنوار": "بشكر الجهاز الفنى ومجلس الإدارة، وفى ناس اتهمت اللاعبين بالتخاذل وهذا مرفوض، والناس معدنها بيبان فى مثل تلك الأوقات.. أنا وأحمد توفيق وإبراهيم صلاح وطارق حامد من نجوم الفريق الفترة الأخيرة، وساهمنا فى الوصول لنهائى إفريقيا بعد غياب 14 سنة، فمينفعش حد يطلع يتكلم علينا، لأننا بنراعى ربنا فى شغلنا، وأنا واحد من الناس مش هقبل إن حد يتكلم عليا ويقول إنى متخاذل".
عدد الردود 0
بواسطة:
محلل
?
كفاية مبروك انت فاشل في أي كرة عارضية وهذا عيب من زمان وليس بجديد الأفضل إنك تعالج هذا العيب فضلا إنك لا تجيد صد ضربات الجزاء هذا عيب أيضا فيك من زمان صلح من نفسك كنت هضيع الزمالك. أما خط الدفاع مازال يفتقد الضغط على الخصم وهذا العيب موجود من زمان 12 جهاز فني درب الزمالك ولم يتم علاج هذا العيب مأزال الخصم يستلم ويمشي ويرفع وعلى بيه جبر بيجيب وراء. الدوري العام نار وعيوب كم ستظهر للجميع وستندموا بعد ما تكون خسرتم كل شئ حتى أفريقيا. وعلى يا كابتن شناسي انتم كسبتم من فضل الله ثم فضل المستشار ربنا ما خذله أما أنت أنسى كنت فاشل بدرجة امتياز واحمد ربك
عدد الردود 0
بواسطة:
جحا
منتهي الغرور
تقدر تعرف الشخص من ردود افعاله لما يتم انتقاده. أخطاءك القاتلة ليست جديدة و محتاج تعالجها و تحسن من مستواك قبل مباراتي النهائي بدلا من اُسلوب العجرفة و الغرور و التعالي علي النقد البناء. عندما تجيد الناس بتشيد بيك و لكن عندما تخطيء واجب عليك تتقبل النقد و تعد بتطوير مستواك.
عدد الردود 0
بواسطة:
د.محمود
كفاية عليك كده
جنش احسن منك بكتيييير ومش عارف ليه بيكنش الحارس الاساسي ..مشكلتك انك بتخاف وبتتوتر في الماتشات المهمه..وانت السبب في ضياع الكونفدراليه...وكنت هضيع الزمالك...والله كنت بتمني انك تروح الاهلي...والله قبل الماتش كنت خايف منك
عدد الردود 0
بواسطة:
أبوحالد
يا راجل دة أنت طلعت شوربة
كنت هتضيعنا ولسه بتتكلم خلى بالك كل الفرق هتلعب معاك على العيوب اللى فيك وأهمهم الكرات العرضية
عدد الردود 0
بواسطة:
كيمو
الكلام غلط
يا اخ شناوى : حاشا لله اننا نتهمك بالتخاذل اصل المتخاذل معناه انك كنت قادر تصد لكنك كسلان أو مستهتر انما دا أخرك ياجدع قول لنا بقى ( هيا الفورة من كام ؟؟؟؟؟؟ )
عدد الردود 0
بواسطة:
السيد كيلانى
الغرور يقتل صاحبه
الافندى بتاع اول امبارح الغرور ركبه ومش عايز حد ينتقده وافتكر نفسه ياشين اوجيلمار(اساطير حراسه المرمى)وهو شايف نغسه تلات حبات والغرور ركبه وهومستواه زى الزفت ولو عايز يمشى ويروح الاهلى مع الف سلامه بس لازم يعرف ان هناك مفيش دلع وعلى فكره جنش احسن من الف مره و لازم المدرب يدفع بيه فى المباريات اللى جايه ويقعد الشناوى احتياطى ولو مش عاجبه مع الف سلامه ويبعتوا معاه واحد يوصله الاهلى يمكن ميعرفشى يوصل لوحده
عدد الردود 0
بواسطة:
أحمد حسين
القصة مش كده
تسمحلي أقلك السبب في مستواك السئ إمبارح والسبب ده إنت خايف تقوله هو إنك كنت بتلعب وإنت مصاب وده كان واضح جدا بس لاعيب الكورة الفاهم بس إللي يكشف النقطة دي وأنا لاعب كورة علي فكرة وكنت هداف بس التركيز في الدراسة بعدني عن اللعب إنت ياباشا كنت مصاب وبتقول إنك كويس علشان جنش مايخدش مكانك هي دي الحقيقة إنت مستواك أكبر من كده بكتير إنت مكنتش قادر تعمل أي جمب علشان كده مكنتش بتطلع للعرضيات لأنك مصاب في ركبتك...
عدد الردود 0
بواسطة:
زملكاوي
كل الزملكاويه عايزين جنش يلعب ماتشين النهائي
اتفق مع التعليقات السابقه .. عايزين جنش وعايزين حد مكان احمد توفيق وطارق حامد وابراهيم صلاح في النهائي
عدد الردود 0
بواسطة:
unfall
عيب والله انك تكلم
انت لاعيب و حارس مرمى كسلان و ميش عارف تعمل حاجه و كمنا بتكلم.خط الدفاع كان تعبان ماشى .مفروض تكون انت مركز و تشيل الدفاع بتاعك و على كل كوره تطلع.بس انت لاعيب كسلان و خسر واحد يكتب عليك كلمه واحد..
عدد الردود 0
بواسطة:
ahmed
الشناوي حارس منتخب مصر الاول
للعلم كل اللي علقوا علي هذا الخبر من رقم 1 الي رقم 7 كلهم اهلوية وعايزين اكرامى يرجع تانى للمنتخب وده بعدهم --ثم لاتنسوا ان معظم لاعبي الزمالك لم يكونوا فى مستواهم العادي وعذر المدرب انه ليس معه بدائل لضعف عدد القائمة الافريقية ودى غلطة رئيس النادى وجهاز التدريب اللي سمح لبعض اللاعبين الانتقال لاندية اخري وهم مسجلين افريقيا