قال نشأت علوانى، أحد أهالى ضحايا مركب رشيد، ان الأهالى أشعلوا النيران بمنزل أحد سماسرة المراكب الذين يقومون بتسفير الشباب عبر الهجرة غير الشرعية ويدعى "رمزى أحمد أبو ناصر"، من نفس القرية الجزيرة الخضراء بكفر الشيخ، وكذلك محل تجارى خاص بنفس الشخص.
وأضاف علوانى، خلال مداخلة هاتفية لبرنامج العاشرة مساء الذى يقدمه الإعلامى وائل الأبراشى، أن سماسرة تسفير الشباب معروفين بالاسم للأهالى، وهناك بعض العناصر المندسة من السماسرة وسط المواطنين، حاولوا الاعتداء على صحفية، وتابع:"كل يوم نقدم بلاغات ضدهم، وقوات حرس الحدود يوميا تضبط مراكب هجرة غير شرعية".
عدد الردود 0
بواسطة:
حاتم
الاهالى وضعوا الحل بانفسهم ودون اللجوء للقضاء
او انتظار احد المسؤلين والذى قد يصرح بان ماحدث مؤامره
عدد الردود 0
بواسطة:
وليد اسماعيل
مهو لو ملوش زباين عمره ما هيشتغل سمسار
رحم الله كل من مات فى هذه الفاجعه ولهم زويهم الصبر والسلوان .. بس من غير المعقول ان يكون كل من كان على هذه المركب بدون علم اهله .. اللى هما عرفين ان السفريات دى ياصابة يا اتنين عور وبرده نعيب عيلنا ونرجع نتحسر على فراقهم العمر كله ومافيش حد بيتعظ اصحوا يا بشر ربنا يرحمنا جميعا .. امين
عدد الردود 0
بواسطة:
فاطمه
انتى ياست
أنتى ياست ياللى في الصورة هان عليكي ضناكي كده تبعتيه للموت برجليه طيب هو عيل طايش وانتى قلبك وعقلك طاوعوه ازاي ده انتى لو مش لاقية تاكلي ماكنش المفروض توافقي .الله يسامحك ويعينك بقى الضرب في الميت حرام
عدد الردود 0
بواسطة:
سلمي
الله يصبرهم
كمان يحملو الدوله اللي حصل والله حرام اللي بيحصل عارفين انهم ممكن ميوصلوش وبيغامروفي حق نفسهم كلنا عايشين علي قدنا وبنقول الحمد لله
عدد الردود 0
بواسطة:
اديب عطا الله
يا رب ليس لنا سواك
يارب نطلب تعزية لكل أسرة فقدت شاب في المركب الغارق، نصلي يارب من أجل بلادنا العزيزة احفظ شبابها، نصلي من أجل اقتصاد بلادنا يارب بلادنا تحتاج إلي معجزة حقيقية، نصلي من أجل الاسر المطحونة تحت ضغط الفقر والاحتياج، نتضرع إليك يارب بقلوب مكسورة من أجل بلادنا العزيزة
عدد الردود 0
بواسطة:
الصعيدي الحر
قلوب بلا رحمه
ايام ليبيا الاول ايام القذافي رحمة الله عليه كان هناك مشاكل مع المصريين لكنها مكنتشي قتل ولا خطف يعني ذي دلوقتي مجرد احتكاكات فقط عرض عليا ابني ان يسافر الي ليبيا للعمل هناك اقسم بالله مع اني كنت في اشد الحاجه الي مساعدته لكني رفضت تماما وقلت له انا مش مستغني عنك مع انه مكانشي في المشاكل اللي فيها دلوقتي ومع ذلك رفضت ذهابه الي هناك خوفا عليه فما بالكن بركوب البحر والذهاب الي المجهول بعلم الاهل وتشجيعهم ارى ان يتم محاكمة اهالي الضحايا علي اهمالهم
عدد الردود 0
بواسطة:
المصرى الواعى
كل من يخالف القانون يستحق الموت بلا رحمة كفاية اسائة لمصر بقى مش ناقصين
الاهالى هم المجرمون الحقيقيون و بيدارا جرمهم هم من يزنوا و يضغطوا على اولادهم ليسافروا و يجبوا فلوس بدل ما الشحط من دول ما يتعب و يشتغل بيبعت اولادة من 12 سنة فى المراكب دى حاكموا الاباء و الامهات اللى ارسلوا اولادهم للموت البلد مليانة شغل لكن البهوات مش عايزين يتعبوا و يساعدوا فى تنمية مصر عايزين اوروبا و البهدلة يستاهلوا الموت و الحرق كفاية اساءة لمصر و اهانة للدولة
عدد الردود 0
بواسطة:
د. نبيه أحمد نبيه
الدنيا ثلاثة أيام
الدنيا ثلاثة أيام *الأمس : عشناه ولن يعود. وللأسف لم نستفد من سلبياته ونعدل القوانين لتحقق العدالة السريعة وتحد من الفساد. *اليوم : نعيشه ولن يدوم. وللأسف نتلقي يوميا خبر حادث مفجع بري ولا بحري ومئات الضحايا ولا نكتفي الا باعلان تعويضات مالية لكل ضحية بدل من الدراسة والتحليل لتجنب تكراره. احنا اللي قتلناها كمسئوليين بتدهور التعليم وأهمال الشباب ففقدوا الانتماء وهربوا الي التطرف فكريا وسياسيا ورياضيا حتي ان معظم الشباب شجع الوداد المغربي ضد فريق بلده الزمالك وهم نفسهم اللي هربوا من الواقع المؤلم في مركب رشيد اللي غرقت في بحر الفساد. *والغد : لا ندري أين سنكون ولكن الأمل في تخطيط جاد للأصلاح ومكافحة الفساد مازلنا ننتظره علي الرغم من تعارضه مع الأطماع الموجودة. وربنا يعين أي مسئول جاد في سعيه ويعينه بالبطانة الصالحة. #فكر_مواطن_نبيه