تفاجأ الدكتور الهلالى الشربينى، وزير التربية والتعليم والتعليم الفنى، أثناء تفقده فصول الصف الثالث الثانوى بمدرسة المعادى الثانوية للبنات بحضور 3 طالبات فقط فى أول يوم دراسى.
ووجه الدكتور الهلالى الشربينى وزير التربية والتعليم لـ3 طالبات رسالة قائلا: بلغوا زمايلكم انوا اللى مش هيحضر هيتفصل، كما طالب الوزير من مدير المدرسة بإرسال إنذارات إلى أولياء الأمور: قائلا: اللى مش عايز يحضر يحول منازل.
وطالب الدكتور الهلالى الشربينى فاطمة خضر وكيل وزارة التربية والتعليم بالقاهرة بمراجعة الغياب والحضور كل أسبوعين، قائلا: اللى هيتخطى نسبة الغياب المقررة قانونا يفصل، موجها حديثه لمديرية المدرسة انتوا للى هتتحاسبوا كما وجه رسالة إلى أولياء الأمور قائلا: مطلبنيش انى احسب ابنك حضور وهو نايم فى البيت، مشدد على أن الطالب اللى مش هيحصل منازل احنا هنحوله.
وطالب الدكتور الهلالى مديرة المدرسة بضرورة تخصيص باب لدخول الطالبات وباب آخر للعمال الذين يعملون على إنشاء مبنى جديد.
عدد الردود 0
بواسطة:
أحمد
مع السلامة
ببساطة كل الطلاب ستحول منازل ، لأن سعادتك أخذت القضية من جانب واحد ولم تتطرق لمليون جانب . مع السلامة .
عدد الردود 0
بواسطة:
وائل
لا والله
فوجئ لو معالي الوزير ما يعرفش ان طلبة الثانوية ما بيروحوش المدارس يبقي المفروض يستقيل واعنقد ان. ال3 دول اولياء امورهم مدرسين في. المدرسة ارحمونا من. الوزراء اللي بيجوا من دول تانية لان كده اكيد معالي الوزير كان عايش بره مصر !!!!!!!!!!!!!!!!!!!!!!!!!!!!!!!!!!!!! الله يكون في عون الرئيس والشعب من سيادة الوزراء اللي اول ما بيقعد علي الكرسي بينسي كل اللي كان يعرفه ويفاجآ بكل حاجة كان عارفها
عدد الردود 0
بواسطة:
داليا
سيادة الوزير عيش الواقع
المشكلة مش فى عدم حضور الطلاب فقط بل في تواجد المدرسين ايضا والاهم شرحهم للولاد بذمة وضمير وعدم توفير مجهودهم من اجل الدروس الخصوصية انا او لاقيت فى المدرسة شرح وانضباط مش هدى دروس وهبعت ولادى المدرسة كل يوم سيادة الوزير الواقع مختلف تماما عن تصوراتك المشكلة قديمة ولازم لها اصلاح المنظومة كلها بما فيها من طلاب ومدرسين ومدرسة
عدد الردود 0
بواسطة:
السيد عطيه
محتاجين وزير له رؤية واستراتيجية مش وزير له رد فعل فقط
مصر كلها رئيس وحكومة وبرلمان تعرف مشكلة التعليم - المنظمومة كلها محتاجة تقويم - الستة الدراسية بدأت - الباشا الوزير عارق أن ماتم تسليمه من كتب ثالثة ثانوى بمدارس اللغات اللى الشعب بيدفع دم قلبه فيها هو كتب اللغة العربية وهالو لغة انجليزية - اين كتب الرياضيات الخمسة اين الفزياء اين الكمياؤء اين اللغات - يدخل المدرس او المدرسة يدرس ايه للحاضريين ؟ فين المناهج ياوزير التعليم . انت عندك علم ان كتب الرياضيات بمدارس اللغات العام الماضى تم تسليمها خلال شهر مارس عارف يعنى ايه مارس يعنى باقى على الامتحان شهريين . عارف ياسيادة الوزير شخصية المدرس المصرى اللى كسرتوه يعمل ايه مع الاولاد الشقية وما اكثرهم هل هناك ما يحمى المدرس - عندك مدرسيين ( ليس هناك تعميم ) عندك مدرسيين كفء يدرسوا المواد بأمانة ونبطل الدروس الخصوصية - ماهم الاود بدل مايروحوا المدارس بيروحوا ياخدوا دروس - سيادتك حللت العام الماضى الاوائل كم منهم بياخذ دروس - سعادتك راجعت المدارس كلها وهى صالحة لاداء العمل اليومى - سعادتك بتدخل فى اكبر مشكلة ستقف امامها عاجزا غدا . ماتسيب المركب ماشية لحد ما يبقى هناك رؤية واضحة واستراتيجية للعمل وبعدين اقول اللى حيغيب ارفده - طب واللى حيروح المدرسة يعمل ايه . اذا كان بالفعل ماكتب اعلاه صادر من سيادتكم ارجو ان تكون هناك سعة صدر حرصا على اولادنا ولا سيادتك نسيت التوتر فى امتحانات الثانوية العامة ومشاكل الامتحانات - بالمناسبة لم نطلع على قرار حكيم بشأن تأمين الامتحانات ولا سيادتك مش طرف فى المنظومة ... البلد الوحيد فى العالم اللى عامل الثانوية العامة مشكلة دا عيب شعب بمختلف انتماءته وطوائفه ولا دا عيب منظمومة ولا أعنى أنك السبب فيها ولكن هناك أسباب كثيرة ليس مجالها - بلاش نحل بأسلوب التهديد ونبحث عن الحلول أن لم تكن للعام الحالى فلتكن للقادم .
عدد الردود 0
بواسطة:
د/فاطمة
وزير ايـــــــــــــــــه
انا مش شايف اى وزير للتعليم كفايه لعب باعصاب الطلاب ارحمونــــــــــــــا وغيروا هذا الانسان كفايه اللى عملوا هذا العام بابناءنا
عدد الردود 0
بواسطة:
السيد الطحان
فكاكه
مش عارف ليه حاسس بأن الوزير ده يفتقد الموضوعية والنظرة الواقعية للامو وينظر للعملية التعليمية فى مصر بـ( فكاكه ) .. ياسيادته على رأى فؤاد المهندس التعليم منظومة متكاملة ومعنى كلمة منظومة ان بها اكثر من طرف ولابد للاصلاح ان يتم بشكل متوازى متساوى فى كافة الاتجاهات ومايحدث من شد الحزام على طرف واحد دون الاطراف الباقية يعنى انكم تفتقدون تماما صلاحية ان تكون حتى مسئولا فى التربية والتعليم ولكنك للاسف فى دولة مريضة على رأس المنظومة بالكامل .
عدد الردود 0
بواسطة:
مواطن
تامر أمين مش حيسبيك النهاردة :)
تامر أمين مش حيسبيك النهاردة :)
عدد الردود 0
بواسطة:
ابومحمد
التعليم فى مصر
اقسم بالله افشل وزير تعليم اتى لمصر حسبى الله ونعم الوكيل فشلت التعليم انت لازم تحاكم فشلت الثانويه تسريبات لم نسمع اى شى عن المتسبب انت لازم تكون وزير لمحو الاميه وبعدين هى مصر فقط القاهرة والجيزة لماذا لاتكون اليوم فى اسوان وغدا فى مطروح ثم كل يوم فى محافظه حلل الفلوس الى بتاخدها الى هتولع فيك وفى امثالك ايها الفاشل جميع الدول العربيه نحن مصر علمتهم الان يستهزاؤا من التعليم فى مصر بسببك انت ومن قبلك الى عهد قريب
عدد الردود 0
بواسطة:
مصطفى الرفاعى
اذا كان رب البيت بالدف ضاربا
كيف ينتظم الطلبة وأول من يشجعهم المدرسون وناظر المدرسة أنفسهم حتى يذهبوا الى مراكز الدروس الخصوصية الخاصة بهم انت تعرف ذلك جيدا ولكن للاسف تتنصل من المعرفة وتصريحات الكلام اكثر من فعلك الله يرحم ايام الوزير زكى البدر الذى كان يذهب سرا الى المدارس وفاجأها ولذلك أصبح نسبة الحضور خلال ثلاثة أشهر 90%
عدد الردود 0
بواسطة:
ابن مصر
اين التعليم ياوزير التعليم
قال الراحل زويل الغرب ليسو عباقرة ونحن اغبياء.. هم فقط يدعمون الفاشل حتى ينجح ونحن نحارب الناجح حتى يفشل وهذا ما اراه الان فى منظومة التعليم قبل ان تسال سيادتك اين الطلبة وكانك لاتعرف ان الطلبة منذ عام او اكثر نسبة حضورهم فى المدارس لا تتعدى 30% لانك لاتجيد السيطرة على مدارسك ومدراء مدارسك ومدرسيك سيادتك مافيا الدروس الخصوصية انتشرت بسبب الاهمال للمدارس وانتزعت الابناء من حضن الام اشبه المدرسة بالام التى تحتضن ابنائها والام تركت ابناءها للغير فهل تنتظر جيل واعد له مستقبل للاسف لا سترى جيل لايفقه شيئا