يتساءل الكثيرون عن إجراءات تجديد رخصة تسيير السيارة والخطوات الواجب اتباعها لإنهاء الأوراق بأسهل طريقة ممكنة، وبناءً عليه يقدم "اليوم السابع" كل الأمور المتعلقة باستخراج الرخصة من داخل وحدات المرور وكيفية الحصول عليها.
1- تقديم طلب التجديد على نموذج 251 أو 351
2- إيصال سداد الضرائب والرسوم المقررة والتأمين الإجبارى للتجديد
3- شهادة الاشتراك فى التأمينات الاجتماعية لمركبات النقل والأجرة والأتوبيس فقط وبالنسبة للملاكى فى حالة استخدامه لسائق
4- شهادة براءة ذمة خاصة بالمخالفات الصادرة من النيابة المختصة
5- نموذج الفحص الفنى لجميع المركبات سنويا ماعدا السيارات الخاصة والدراجات النارية والجرارات الزراعية كل ثلاث سنوات
6- نموذج الفحص البيئى
7- نموذج صلاحية جهاز الإطفاء الموجود بالمركبة
8- فحص العداد لسيارات الأجرة والميزان لسيارات النقل
9- استلام الرخصة المؤمنة
عدد الردود 0
بواسطة:
عبدالمقصود ابراهيم عبد المقصود
وحدة مرور ديرب نجم
الساده الافاضل المحترمين /السيد النائب العام /السيد وزير الداخليه / السيد الواء مدير الاداره العامه للمرور بعد التحيه نحن اصحاب سيارات ربع نقل لوط الاسكندريه سياراتنا مرخصه منذ تسع سنوات بها كل الاجراءات سليمه بحسب تراخيص السنوات الماضيه نحن اصحاب اولاد وهى المصدر الرئيسى لرزقنا ما ذنبنا نحن فى وقف تراخيص السيارات من اين نأكل وتعيش وهذه السيارات هى مصدر رزقنا الوحيد فنرجو من الساده المختصين فى شكوتنا هذه ربنا يكرمكم من احل الناس الغلابه يا رب نحن نعانى الامرين بسبب وقف التراخيص لايقل عن2000 سياره حرام والله انتم تعلمون غلو الحياه من اين تأكل اولادنا ونحن فى امس الحاحه للمال با من له فى الامر وصلو رسالتنا هذه الى المختصين والصواب والاجر من عند الله
عدد الردود 0
بواسطة:
احمد
معقوله ؟؟
فى دبى كل الموضوع بيخلص فى خلال ساعه تقريبا و انت قاعد مش غلط نقلد الناس الناجحه ليه لا
عدد الردود 0
بواسطة:
ناصر
مسخره
اه يعني 9 خطوات دا العالم بقت بتجدد الرخص بالنت واحنا لسا ورق وفواتير و مخالفات
عدد الردود 0
بواسطة:
بنت مصرية
الصيانة والمخالفات !!
نسبة كبيرة من المواطنين حاليا ماشيين من غير رخص, لسببين , أولهم ان علشان العربية تترخص لازم يتكشف عليها , وأقل خبطة فيها بتمنع ترخيصها , وقطع الغيار كلها غليت بعد ارتفاع أسعار الدولار , فبقى اللى كان بيعمل صيانة عربيته بخمس تلاف جنيه بقى عاوزله عشرة اتناشر الف , وطبعا مش عارف يوفرهم فمأجل الصيانة وطبعا مأجل معاها تجديد الرخصة , وثانيا المخالفات المبالغ فيها , دلوقتى انت ممكن تروح تخلص مخالفات العربية فتلاقى عليها عشرتلاف جنيه مثلا مخالفات , مش دى المشكلة , المشكلة انك لو رحت جبت كشف للمخالفات دى هتلاقى العربية عاملة مخالفات فى أماكن انت عمرك ما رحتها أصلا , يعنى ممكن تكون من القاهرة وتلاقى العربية عاملة مخالفات فى أسوان أو فى شرم الشيخ , وانت عمرك ما رحتهم أصلا !! وده للأسف بيحسس المواطن انه بيتسرق مش مجرد بيدفع غرامات عن مخالفات ارتكبها أثناء القيادة !! فده بيخليه يفكر الف مرة قبل ما يروح يدفع مخالفات عربيته وبالتالى قبل ما يجدد رخصتها !! فيا ريت بما ان المرور حريص على ان جميع العربيات تبقى مرخصة , تشوفوا حل للمشكلات اللى مانعة الناس انها ترخص , الناس مش بتمشى من غير رخص علشان مزاجهم كده , الناس ببساطة من قادرة تدفع تكاليف الترخيص !!