بالعقل نهزِم أهل قيل وقال
اللى بدماغهم نسخة م الأدغال
مسلك ديابة عالم الحيوان
تنهش ما ترحم والألم مرسال
بالعقل نهزِم أهل قيل وقال
*******
الدنيا أفضل لو يغادروها
وزهورها تفرح لمّا ينسوها
والنسمة تعبر تِفرح الإنسان
والكون بيهتف يسقط الدجال
بالعقل نهزِم أهل قيل وقال
*******
العِلم صحصح تانى فى الغُربة
ورموا جميع الجهل بالحَربة
والكيمياء شرّف نورها فى الأركان
إيّاك تفكّر أن بومة غزال
بالعقل نهزِم أهل قيل وقال
********
افهم لأن غيابه به موتك
والنهر تهرب ميّته تفوتك
الحق أعلى والحقيقة آمان
ربّى يا عالم إنت بالأحوال
بالعقل نهزِم أهل قيل وقال
عدد الردود 0
بواسطة:
سهام احمد
الله روعة جدا
زجل جميل جدا
عدد الردود 0
بواسطة:
السيد يوسف
قلم مبدع
ما احوجنا لهذا الزجل الرائع الهادف