لم تنجح علاقة الحب التى ظلت سنوات تحارب تقاليد مجتمع صعيد ينظر لعلاقات الحب قبل الزواج نظرة سيئة، ورغم ذلك تمكنت "هناء" من تحدى الجميع وتتزوج بمن أحبته، ولكن سرعان ما تغير الوضع بعد سنوات قليلة من الزواج انتهت قصة حبهما إلى الطلاق.
وتروى الزوجة، بمقر محكمة الأسرة بأسوان: كانت بتربطنى بجوزى قصة حب كبيرة قبل الجواز عمرها 7 سنين، وبالفعل اتجوزنا وكانت حياتنا كويسة جدا لحد ما جاتلى فرصة شغل كويسة جدا فى إدارة المرور ومن هنا بدأت كل المشاكل".
واستطردت قائلة: كان حلمى اشتغل شغلانه كويسة بشهادتى وبالفعل بقيت موظفة وبقبض مرتب ثابت، فى الوقت ده كان جوزى شغال عامل فى مصنع، وطبعا كان الفرق بالمرتب بينى وبينه واضح عشان كده بدأ يتخانق معايا لأنه حاسس أنه أحسن منى ".
وأشارت الزوجة قائلة: حياتى اتبدلت الى جحيم كل يوم خناق وفى الاخر طلب منى اسيب شغلى ومستقبلى عشان يرضى غروره، خاصة أن مرتبه قليل جدا ومينفعش اعيش انا وابنى بيه وبعد محاولات فشلت كلها لاقناعه بشغلى قررت ارفع دعوى خلع ضده عشان اخلص منه".
