انتقد الدكتور طارق شوقى، وزير التربية والتعليم والتعليم الفنى، ثقافة الشعب المصرى تجاه الدروس الخصوصية، قائلا: "إحنا كوزارة مفلسين، ولما نطلب 20 جنيه بنشتم، ولما أستاذ حسن بتاع الكيمياء يطلب 2000 جنيه ياخدهم، وفى الآخر يتقال إن إحنا اللى بنلغى مجانية التعليم، مع إن الشعب قرر يمنح 30 مليار جنيه لأستاذ حسن بتاع الكيمياء".
وأضاف "شوقى"، فى كلمته بالجلسة العامة لمجلس النواب، المنعقدة الآن برئاسة السيد الشريف وكيل المجلس، لمناقشة 40 طلب إحاطة موجهة لرئيس مجلس الوزراء شريف إسماعيل، ووزير التعليم، حول ملفات وأوضاع القطاع، قائلا: "مجانية التعليم ليست قضية مزايدة، وزيادة المصروفات المدرسية للمدارس الحكومية 20 جنيها جاءت بعد تعديل قانون التأمين الصحى الجديد، الذى يفرض أعباء جديدة على الوزارة، وكل الأحلام ملهاش موازنة، والمصروفات استمرت 12 سنة على حالها، وعندنا 11 مليون وجبة مدرسية فى اليوم الواحد".
عدد الردود 0
بواسطة:
مهدى
وزير خايب
اولا مجانية التعليم يكفلها الدستور ثانيا الدروس بسبب خيبة المدرسين لأنهم الأسوة عالميا وكلهم مش بيشرحوا مما يطضرنا إلى اللجوء إلى الدروس الخصوصية والمنظمة فاشلة من اول التعليم الجامعى اللى بيخرج مدرسين على ما تفرج ومرورا بعدم تدريبهم وكذلك انعدام الرقابة فين الموجهين بتوع زمان اختفوا لية وعمرها ما سمعنا عن انهاء خدمات مدرس بسبب ضعف فنياتة أو ضعف شخصيته اللة يرحم مدرسين زمان ووزراء تعليم زمان وربنا ياخذك
عدد الردود 0
بواسطة:
فاعل خير و شاهد حق
حسن بياخد 30 مليار عشاااان
حسن بياخد 30 مليار عشاااان منظومتك فسدانة .. المدرسين مش بيروحوا المدرسة و المديرين بياخدوا نصف مرتبااااااات المدرسين و بيمضولهم عيني عينك و شايلني و اشيلك و أنت نايم في البدينجاااااااااااااااااااااااااااااااااان هذا النظام في مدارس اسيوط المدينة ياااااااااااااااااا سيادة الوزير
عدد الردود 0
بواسطة:
فاعل خير و شاهد حق
حسن بياخد 30 مليار عشاااان
حسن بياخد 30 مليار عشاااان منظومتك فسدانة .. المدرسين مش بيروحوا المدرسة و المديرين بياخدوا نصف مرتبااااااات المدرسين و بيمضولهم عيني عينك و شايلني و اشيلك و أنت نايم في البدينجاااااااااااااااااااااااااااااااااان هذا النظام في مدارس اسيوط المدينة ياااااااااااااااااا سيادة الوزير
عدد الردود 0
بواسطة:
.........
???
السطحية في ادارة مشاكل دولة ، ماهو لو الناس لقت تعليم كويس و انخفض العدد في الفصول ماكانش حد دور على بتاع الكيمياء ، بس هانقول ايه يعني هي جت عليك قطع فينا انت كمان زي زمايلك الفاشلين ، بس انت نسيت حاجة كان لازم تعمل زي بتاع النقل الفاشل و تقول انا عملت حوار مجتمعي و الناس رحبت جدا بالزيادة و قالت مفيش حاجه ابدا دي حاجة بسيطة ، توب علينا يارب
عدد الردود 0
بواسطة:
خالد رفقي
حسن بتاع الكيميا بياخدها لي زراع
ياريت تشوف طريقة تمنع بيها حسن بتاع الكيميا انة يلوي. زراع المصريين بيها
عدد الردود 0
بواسطة:
دمحمد
وزير التعليم
ردود غير مسؤله من شخص مسؤل مانت لو علمت الاولاد كويس في المدرسه محدش بياخد دروس ولو فردت اي استاذ بيدي دروس وخليت ااسءىله اختيار بدل الدش مكنش حد خد دروس . وكفاية انك فتحت مدارس ياباني من غير مدرسين ولولا حكمه الريءس كانت الناس ودتك المحكمه. خليك مسؤل في كلامك
عدد الردود 0
بواسطة:
شوية انصاف يا ناس
شوية انصاف
الوزير ده اصلا مهندس ميكانيكى يعنى مش متخصص ابدا طيب ازاى منتظرين منه تحقيق تقدم كمان الوزير كل معلوماته غلط فى غلط وبياخد اخباره من فيسبوك او من شوية مستشارين جاهلين وغير متخصصين فى العملية التعليمية كمان الوزير معين مستشارين برواتب تصل ل 45 الف جنيه فى الشهر ةملهمش اى 30 لازمة
عدد الردود 0
بواسطة:
Ahmed
الحل هو
التعليم الأساسى مجانى لغاية الثانوى أما التعليم الجامعى ليس مجانى . مجانى للمتفوق فقط علشان المنتج يكون جيد مش عاوزين نضحك على بعض
عدد الردود 0
بواسطة:
مهندس / صلاح
انى لا أكذب ولكنى اتجمل !
وزير فاشل مثل وزارته ، وزير لم نرى منه غير التصاريح الجوفاء والمنظرة، أين تطوير التعليم اللى قال عليه الوزير ؟ لن تستطيع منع الدروس الخصوصية لأن المدرسين لا يشرحون فى المدارس ، ولا يجدون من يحاسبهم ، وزير التعليم هو وزير عدى يا ليلة ، كعادة معظم الوزراء السابقين !
عدد الردود 0
بواسطة:
رزق
حسن بتاع الكيميا وشركاه - شركة مساهمة مصرية
حسن بتاع الكيميا مش حيبطل اعطاء دروس خصوصية لأنه ذاق متعة الفلوس واصبح من رجال الأعمال ، حسن بتاع الكيميا لو وجد متابعة من التربية والتعليم ما اعطى دروس خصوصية في السر ، وأولياء الأمور مجبرون على ذلك ، لأن تركيز حسن بتاع الكيميا وشركاه منصب في الدروس الخصوصية وكم سيجمعون من الأموال ، والمفروض حسن بتاع الكيميا وشركاه يظهرون في العلن ويدفعون للدولة نصيبها من الضرائب