طفلة تتعرض لخطأ طبى داخل مستشفى أحمد ماهر ووالدها يطالب تدخل وزارة الصحة

عدد الردود 0

د/ احمد طبيب جراحه اطفال بمستشفى احمد ماهر التعليمي

كل ما بالشكوى هو كذب بين من اهليه المريضه وافتراءات واضحه والدليل على كدا تقرير الاشعه اللي باعته والاشعه ذات نفسها اللي لو اتعرضت على اي طبيب هيتأكد انها خاليه تماما من اي مشكله كما ان الطفله المذكوره لم تقوم باجراء اي عمليات بمستشفى الدمرداش وعند التدخل الجراحي الثاني والوحيد بعد اجراء الزائده لم يتم العثور على اي شئ غير طبيعي سوى بعض الالتصاقات الطبيعيه الناتجه عن اي عمليه بالبطن والتي لا يمكن ان تؤثر عليها في شئ واحيط بالعلم ان الطفله ملك تعاني مش اضطرابات نفسيه وتم دخولها اكثر من مره بنوبات هلع بدون اي سبب وتم عرضها على استشاري نفسي بالمستشفى الاسبوع الماضي وللذكر اثناء محادثه وديه مع ملك قالت بالنص "انا مش عاوزة اروح البيت علشان ماما بتخليني اكنس وامسح واطبخ واذاكر لاخواتي وانا تعبانه" م الاخر كل الكلام اللي قريبها باعته دا هجص واحنا بنفسنا اللي مديينهم الاشعه والتقارير واشهد الله ان ملك تتلقى جميع الخدمات الطبيه على اكمل وجه وبدون اي تقصير وبدون تكلفه وحسبنا الله ونعم الوكيل في النفوس المريضه

عدد الردود 0

مش هنسيب حق ملك ماجد

اولا حضرتك مش عندك الشجاعة الأدبية عشان تقول اسمك بوضوح ثانيامستشفى احمد ماهر مش فندق 5 نجوم عشان المريض يقعد براحته والمفترض على كلام حضرتك ان البنت مش عندها حاجة خلاص لو عندك شجاعة أدبية خرجها من المستشفى حالا لو تقدر وبعدين يا دكتور خالى بالك من كلامك عشان انت المفروض طبيب ولما تتكلم كلام لازم هتتحاسب عليه عشان البنت دخلت المستشفى وتم تشخيصها باشتباه الزائدة وعملت العملية يوم 2 أكتوبر ومن ساعتها لم تخرج براز وممنوعة من الأكل والشرب حتى الآن ومتعلق لها رايل ودرنقة حتى الآن واتعمل لها عملية أخرى وفتحت بطنها والمستشفى جابت الدكتور ايمن البغدادي من مستشفى الدمرداش وعملها العملية فى مستشفى أحمد ماهر وهو اللى شخص لينا ان عندها التفاف والتصاقات ولو فى طفل صغير سنه الكلام ده هيعرف ان ده بسبب عملية الزائدة اللى اتعملت فى مستشفى أحمد ماهر وحضرتك بتقول ان البنت قالت لك مش عاوزة اروح البيت عشان كذا وكذا ده افتراء منك على طفلة لا حوله لها ولا قوة ومعنى كلامك ان المريض بيقعد بمزاجه مش لما حالته تتحسن اتقى الله فى ولاد الناس عشان احنا مش هنسيبك ولا هنسيب الدكتور اللى عملها العملية ،، ولازم نشكر الناس اللى تعبت مع ملك ماجد ونقصد الدكتور الاستشارى هانى امبابى والدكتور محمد نعيم ،،الناس دى تعبت مع ملك ماجد ومحدش فيهم مقصر معاها ،، قبل ما تفترى باقولك على ولاد الناس ابقى اسأل الأطباء دول عن حالتها ،، حسبنا الله ونعم الوكيل فى كل واحد ظلم ملك ماجد وتسبب فى اللى هى فيه

عدد الردود 0

مفيش حد مسئول سأل فينا

رغم ما نشرته اليوم السابع عن حالة ملك ماجد مفيش حد من وزارة الصحة كلف نفسه وراح يتابع حالة البنت او يحول الموضوع للتحقيق فين بقى دولة القانون

عدد الردود 0

تصليح خطأ مادى فى الخبر

يوجد خطأ مادى فى الخبر المنشور باليوم السابع وهو ان البنت عملت العملية الثانية بمستشفى الدمرداش وصحة الخطأ أنها عملت هذه العملية بمستشفى أحمد ماهر بمعرفة جراح بمستشفى الدمرداش يعنى يعنى مستشفى أحمد ماهر استعدت الدكتور الجراح من مستشفى الدمرداش وعملها العملية فى مستشفى أحمد ماهر وكان لابد من التنوه بتصحيح هذا الخطأ

عدد الردود 0

مسلسل الاهمال الطبي عرض مستمر في مستشفي احمد ماهر

برجاء ان يتسع صدر حضراتكم لعرض شكواي الاهمال الطبي فى مستشفى أحمد ماهر التعليمي و سوء التشخيص .. استغاثه الى وزير الصحه منذ اكثر من ثلاثه اسابيع اشتكت بنتي البالغه من العمر 13 عشر سنه من الم فى جنبها وتوجهت بها الى مستشفى اليوم الواحد الذين احالوني بدورهم الى مستشفي احمد ماهر التعليمي و تم تشخيص المرض على انه عمليه زائدة دوديه و قاموا بإستئصال الزائدة بعمليه جراحيه دون التحقق من انها فعلاً التهاب فى الزائدة الدوديه أم لا و منذ ان خرجت من غرفة العمليات بدأت رحلتي مع العذاب بدأ من الطبيب الذي قام بإجراء العمليه و الذي تهرب مني كثيرا عند سؤالي له عن سبب تدهور حاله نجلتي الصحيه و التي منذ اكثر من 25 يوم طريحه الفراش و لا تقوي على الحركه وممنوعه من الاكل و الشرب و لا تسطيع ان تقوم بعمليه الاخراج نهائيا الى ان انتفخت بطنها بشكل ملحوظ وبعد الحاح منى و استعطاف قاموا الكشف عليها مره اخري بعد عدة محاولات مستميته مني لمعرفة السبب الذي ادي الى تردي حالة ابنتي و قالوا انها تعاني من شبه انسداد معوي و طلبوا مني صبغات معينه غير موجوده حتي فى اشهر الصيدليات المعروفه الى ان وفقي الله و حصلت عليها و تم عمل استكشاف بالصبغه التي اظهرت وجود التصاقات بالامعاء و عدم عودتها الى ما كانت عليه قبل العمليه بشبهه تقصير طبي واضح و صريح و كان همهم الشاغل ان اخد نجلتي من المستشفي على مسئوليتي الشخصيه بدعون انها " بتدلع " و مفهاش حاجه .... و حتي وقت كتابه هذة السطور ترقد ابنتي تئن من الامها و اوجاعها بعد ان قاموا بعمل عمليتين متتاليتين بدون ايه ضرورة طبيه . استكمالا لذلك تعنتت إدارة المستشفي فى اعطائي ايه تقارير طبيه تبين حاله ابنتي حتى نتائج الاشعه و كل شييء حتى لا يدينوا الطبيب الذي قام بإجراء العمليه كل ما اطمع فيه ان يتم علاج ابني بالشكل السليم و تقديم الحد اللادني من الرعايه الطبيه الأدميه لوجه الله و ليس اكثر مرفق ما يدل على صحه كلامي من صور و تقرير وقع فى يدي من المستشفى لتقديمه عند الطلب . والد الطفله : ماجد صبحى محمد مخلوف 01282547039