صورة أرشيفية
مشاركة
مجروح وبجد ...
والجرح العايش جوايا
فى القلب اتمّد
برسم بحروفى عكازي
وبحطم سد
يمكن تلاقينى احلامي
فى حوارى البــعد
او يمكن نتلاقي
بين جزر ومــد
مجروح وبجــد ...
مش خايف ما اللى بيجرحني
وبيضحك قدامى تمللي
ورسمنى فى العين والنني
وبيفرش فى طريقى الورد
وبيحلف على نعمة ربي
انى فى حياته بجد
ومهما تقول الناس عنه
بيصون الوعد
مجروح وبجد ...
انا بكتب من جوّه ضلوعى
بعلن للعالم عصياني
ما خلاص القلب اللى رميته
وع الاخلاص انا ربيته
حالف ما يعاهدك من تاني
وهينسى الوعد
مجروح وبجد ..
مشاركة
