أرسل القارئ "معين حسنى استمالك"، من سكان مدينة الغردقة بمحافظة البحر الأحمر عماره 35 شقة 1، شكوى عبر خدمة صحافة المواطن والتى تقدمها "اليوم السابع"، عن مشاكله فى الشقة التى استلمها من الإعلان التاسع لوزارة الإسكان، قائلا:"استلمنا شقق الاعلان التاسع فى البحر الاحمر، مدينة الغردقة، ابتداءاً من 15.08.17، وبغض النظر عن سوء التشطيب وردائته، تم الاستلام بدون توصيل المياه للموقع (2520 شقة)، وذلك لأننا جميعا ندفع قسط الشقه المرتفع جداً، وايجار السكن الحالي المرتفع جداً أيضاً، وكل ذلك فى ظل ارتفاع أعباء المعيشه من مأكل ومشرب وملبس، إلا أننا ندفع ايجارين رغم قلة و ضيق ذات اليد!".
وأضاف الشاكى فى شكواه قائلا:"اجتمع المسؤلين بوزارة الاسكان بالغردقة بنا يوم 06.08.17 وقالوا بالحرف يوم 20.09.17 حتفتح الحنفيه وتلاقى ميه، وإلى الآن بنفتح الحنفيه ومافيش ولا حاجة، وكل أسبوع يعطونا معاد غير حقيقى".
وأشار الشاكى، قائلا:" قولنا لهم أعطونا معاد محدد عشان نأقلم نفسنا ولا حياة لمن تنادي!!!، ونروح لشركة المياه تقول مع الاسكان!، نروح الإسكان يقولوا مع شركة المياه!، وكل واحد بيرمينا للتانى ونحن بينهما نعانى أشد المعاناة، واقترح الكثير منا عمل وقفات احتجاجية، ولكن معظمنا يعلم أننا بلد سياحى، ومستوى السياحة هذة الأيام متدنى، ونحن نعمل على الصالح العام، ولا نريد أظهار صورة الدولة بشكل سيئة خاصة أننا فى بلد سياحى، وفى نفس الوقت تعبنا من اللف والدوران نحن وعائلاتنا، والشقق بتتسرق عشان محدش قاعد فيها بسبب عدم و صول المياه.
شاركونا فى تحرير المواد الصحفية بإرسال الصور والفيديوهات والأخبار الموثقة لنشرها بالموقع والجريدة المطبوعة، عبر خدمة "واتس آب اليوم السابع " برقم 01280003799، أو عبر البريد الإلكترونى send@youm7.com، أو عبر رسائل "فيس بوك"، على أن تُنْشَر الأخبار المُصَوَّرَة والفيديوهات باسم القُرّاء.
عدد الردود 0
بواسطة:
Mahmoud
احد المتضررين
بالفعل حتي الان لا توجد مياه والجهات المسؤله تتعامل معنا بلا مبالاه ولا توجد اي مصداقيه في كلامهم حتي الان لا يوجد اي خدمات لا مياه ولا غاز ولا كهرباء ولا حتي تم تشجير الحدائق رغم انهم اخدوا 7000 جنيه كصيانه وخدمات من كل شقه حسبي الله ونعم الوكيلز
عدد الردود 0
بواسطة:
Memo
نطالب بمحاسبة المسؤل عن تسليم المشروعناقص بدون توصيل المياه و و بدون تشجير و بدون صناديق للمامه
نطالب بمحاسبة المسؤل عن تسليم المشروعناقص بدون توصيل المياه و و بدون تشجير و بدون صناديق للقمامه و المكان مليء بالكلاب الضاله التي من الممكن ان تعقر ابنائنا - بعد متيجي الميه ان شاء الله فين المحافظ من كل دا؟؟؟؟؟؟؟؟؟؟؟؟ نايم ف العسل
عدد الردود 0
بواسطة:
سمير محمد
اللي بيحصل دا تهريج!!
لمّا اقل واحد فينا يدفع 220 الف جنيه و يستلم الشقه بدون خدمات يبقي دا استلام مع ايقاف التنفيذ!! الميه عصب الحياه!! انا نفسي يجيبوا المسؤل اللي سلم المشروع ناقص و يقعد هو واولاده في شقّه في الموقع لمدّة شهر و يورينا حيعيش ازاي بدون ميه!! المسئولين بيتسابقوا عشان يوقّعوا الرئيس...الرئيس يصحي 6 صباحا و احنا نروح الساعه 10 الصبح و نسأل فين المدير يقو لك لسه مجاشي!!! حسبنا الله و نعم الوكيل في اي مسئول ميراعيشي ربنا في شغله و مش حاسس بالناس الغلابه
عدد الردود 0
بواسطة:
Memo
عداد المياه 2000 جنيه- ليه شغالين ف الكويت يا ولاد ال--ب
حد يصدق ان عداد المياه بيتركب ف اللؤلؤه ب 821 جنيه و هي علي بعد اقل من 50 متر من عماير الجيش اللي العداد فيه بيبدأ من 1800 جنيه حد يقول لولاد الجزم دول اتقوا الله فينا دا احنا قربنا نشحت علي عيالنا- الدوله سابتنا للبنوك و لعبوا بينا الكوره و نفضونا--- و بعديها الكهربا و شركة المياه جايه تكمل علينا و لسه الغاز!! في نفس المشروع ف العاشر و مدينة بدر سعر العداد 600 جنيه؟؟ اشمعنا المخروبه الغردقه؟؟؟؟؟؟؟؟؟؟؟!!!!!!!!!