المرور تصر على ضبط الشارع وتحرر 384 مخالفة بـ6 أكتوبر

عدد الردود 0

لا مصرين و لا حاجة

الاصرار على ضبط المرور في الشارع ليس بالطرق التي نراها: - لية نوقف الشارع كله لما يكون في كمين امني، يعني لو شك فيا او عاوز يشوف اوراقي، و دة حقه و امان لي و لاهلي، مش من المفروض انه يوقفني و يوقف طابور عربيات كبير ورايا، المفروض ياخد اوراقي و يقولب اركن على جنب للفحص، بس انا شخصيا طلبت قبل كدة من الضابط او امين الشرطة اني اقف على جنب لعدم تعطيل السير، قالي لا ما فيش داعي و لا يهمك، يعني الموضوع يبدو و كانه ليس للتفتيش و لكن لخلق شلل في حركة المرور التي نعاني منها جميعا و بما فيها رجال المرور، يعني زي ما يكون لاظهار انهم موجودين، - من الضروري تجهيز كل من هو يمثل المرور اكتر من كدة، لان معلوماتهم عن المخالفات محدودة جدا، بل و الاخطر ان كتير من علامات المرور المبدئية المطلوبة لتنظيم السير، ليس لهم اي فكرة عنها، و دة انا احتكيت بيه شخصيا في حديث ودي مع احد رجال المرور، فهو يعرف فقط ان المكان دة ممنوع الوقوف فيه، و يعرف دة مش لان في علامة ممنوع الوقوف، يعرف لان عرفوه كدة، يعني لازم يبهرني بانه فعلا للتفتيش و ليس للنقاش، - علم الناس الاول و بعدين حاسبهم، يعني انا شايف ان لازم في خلال فترة زمنية يحددها المرمر، يعاد اصدار كل رخص السواقة التي متداولة دلوقتي، و تحديد فئات كثيرة حسب معلومات السائق، لو السائق لا يفقه شيئ، يبقى تصدر له رخصه مؤقته لمدة 6 شهور لحد ما يحسن معلوماته، و لو مش عايز يحسن معلوماته يبقى تتصادر رخصته و يدرس من جديد و يقدم من جديد، دة في الصالح العام، لان الناس بتسوق و مش فاهمين اية اللي لازم يعملوه، دة باختصار، بالطريقة دي هيبان انه فعلا في اصرار على ظبط الشارع مش عمل شو للناس. و على فكرة لازم المشاة كمان يتحاسب على الاخطاء، زي تخطي الشارع لما اشارة المشاة حمراء، او تخطي الشارع في اماكن غير اماكن عبور المشاة، بالطريقة دي هيتنظم الشارع. و تحديد اماكن وقوف اتوبيسات النقل العام و الميكروباسات، و كمان وضع جدول زمني للميكروباسات بحيث ما يجروش في الشارع و يتسابقوا، يعني يكون في مفتش لما يتحركوا من المحطة الاولى بحيث ما يتحركش قبل ميعادة، و في المحطة الاخيرة بحيث ما يوصلش قبل ميعادة، و يكون مفتش في الطريق يتاكد انه في المحطة الفلاننية في الوقت التقريبي المحددله . يعني كل دة لازم يتظبط مع بعضه و بالشكل دة اكييييد هيتنظم المرور و هيبقى الاسم على مسمى.