فيسبوك
واتساب
لـقــيـتـهـا زعــلانــه فـقــولـت أصـالـحـهـا
قَـلـبت جـوه الدفاتر على حاجه تفرحها
فــى أول صـفــحـه شـوفـت أنا ملامـحها
قَــمـرايـه فـى لـيلـة بدر والشعر سايحها
ع الكتف جدايل دهب تُحـرس مسامـعها
وإن هب النسيم بالعطر فاحت روايحـها
صدق اللى قال من الجنه كانت منـابعـها
وبـقـلب الصــفـحة عـلـى وشـهـا الـتـانى
لـقـــيـت فــى ضـحـــكـــتـهـا عــنـــوانـى
وعـبــارة تـقــول الـصـــنـف دا إنـســانى
لو مررت الأيام تحلـى هـى طـعم اللـيالي
وعشـان هى بدر الـبدور و جمـالها ربـانى
هاكــتب برمش العيون فى الغزل ديـوانى
ولـقـيتـها زعـلانه وزعلـها يـطيره البهتان
فـسئـلت نفـسى سـؤال ليه القـمر زعلان ؟
ليـه يعيش وحدته و إزاى يبـات سـهران؟!
يا أم العــيـون الكــحيله و الخـدود بستان
فـتح ورد الـجـنـاين واتدلـعـت الأغـصـان
ولإمـتى هـيـفـضل دليلى بين البشر حيران
و إنـتـى على حالك سايقه فى دلال فـتـان
حنى عـلـى العاشق و إروى جريح عطشان
