أكد عبد الله رشدى، نائب رئيس صندوق التمويل العقارى، التابع لوزارة الإسكان، أنه من المقرر أن يبدأ الصندوق الاستعلام عن المتقدمين لـ400 ألف شقة ضمن مشروع الإسكان الاجتماعى والمحولين من مدينة القاهرة الجديدة والسلام، اعتباراً من شهر يوليو المقبل.
وأضاف عبد الله رشدى، فى تصريح خاص لـ"اليوم السابع"، أن السبب فى تأخير الاستعلام حتى الآن يرجع لأن هؤلاء المتقدمين من المقرر أن يتسلموا وحداتهم بعد عام لأنها فى مراحل التنفيذ.
وأوضح نائب رئيس صندوق التمويل العقارى، أن السبب الثانى فى تأخير الاستعلام هو أن تقرير الاستعلام يسقط بعد مرور ثلاثة شهور، مشيراً إلى أنه سيتم الاستعلام على المتقدمين قبل تسليمهم الوحدات بشهر أو شهرين.
وأشار "رشدى" إلى أن الاستعلام ليس له علاقة بدفع الأقساط ربع السنوية، وعلى كافة المتقدمين دفع الأقساط فى مواعيدها حتى لا يتم توقيع غرامات تأخير.
وكانت وزارة الإسكان قد طرحت نحو ٤٠٠ ألف شقة فى كافة المدن الجديدة والمحافظات لمحدودى الدخل فى شهر مايو الماضى، ومن المقرر تسليمهم خلال عام.
وقررت وزارة الإسكان تقسيط مقدم حجز الوحدة على أقساط ربع سنوية بقيمة 4 آلاف جنيه كل ثلاثة أشهر، لحين استلامهم الوحدات السكنية عقب الانتهاء من تشطيبها.
عدد الردود 0
بواسطة:
مواطن محدود الدخل
الواحد مش عارف يصدق وزير الاسكان ولا المدير التنفيذي لصندوق تمويل الاسكان الاجتماعي
أوضحت المدير التنفيذي لصندوق تمويل الإسكان الاجتماعي ورئيس مجلس إدارة صندوق التمويل العقاري أنة يتم حاليا إجراء الاستعلام الميداني عن محل الإقامة ومحل العمل الخاص بهم خلال 6 أشهر وذلك من بداية دفع أول قسط ربع سنوي، حتى تكون بيانات تقارير الاستعلام محدثة، وتحوز قبول البنوك المتعاملة على ملفات العملاء، والتي ستقوم بدورها بإجراء استعلام ائتماني نهائي لهم واستكمال إجراءات التخصيص للمقبولين منهم. ( خبر بتاريخ 4 فبراير 2017 )
عدد الردود 0
بواسطة:
عباس بن فرناس
الكلام كل مره بيتغير
في الاول اتقال ادفعوا 9125 جنيه و لو ما جاتش الشقه هتاخدوهم و بعد كده اتقال ادفعوا 4000 للقسط الاول و الاستعلام هيكون قبل القسط التاني و بعد كده اتقال ادفعوا القسط التاني و الاستعلام هيكون قبل القسط التالت دلوقتى القسط التالت في شهر 5 و الاستعلام في 7 يعنى هندفع التالت و الرابع يعنى هنكون دفعنا 25 الف جنيه و الاخر تقول نتيجة الاستعلام تحدد .. لا كده احنا بنهزر ده احنا بنسف تراب و بنتعامل مع وزارة يعنى كلمة راجل و لا ايه ....!!!!
عدد الردود 0
بواسطة:
ناجي
ابعتو رسايل
ابعتو رسايل للناس قوللهم يدفعو فين وازاي وعلى أي رقم حساب يا وزارة فاشلة
عدد الردود 0
بواسطة:
محمد ابراهيم
اومال مين اللي بقالهم اسبوعين بيستعلمو عنا ؟؟؟؟
انا من ضمن المحولين من القاهرة الجديدة الى مدينة بدر وتم الاستعلام عن اصدقائي اللي مقدمين معايا وراحو لهم البيت ومعاهم كل بيناتهم على لابتوب وقالو لهم الاستلام بعد شهر 6 ازاي وحسب جروب المحولين من القاهرة الجديدة الي بدر والشروق و 15 مايو اكتر من 3500 موحول تم الاستعلام عنهم اومال مين اللي استعلم عنا ؟؟؟؟؟
عدد الردود 0
بواسطة:
احمد
مشروع اسكان جمصه الاجتماعي
المشروع بجمصه معلق ليه من الوزارة ولا ايه انا مش فاهم حاجه حد يفهمني
عدد الردود 0
بواسطة:
على
انا واثق فى الاستاذ مصطفى مدبولى وكلامه ووزارة الاسكان والحكومة
لازم نثق فى الحكومة بتاعتنا وان شاء الله هناخد الشقق عشان ربنا عالم بينا وبحالنا واد ايه بنتعب فى جمع الاقساط
عدد الردود 0
بواسطة:
ahmed ali
دمنهور
فى تصريح الأحد، 06 نوفمبر 2016 الدكتور مصطفى مدبولى وزير الاسكان وزير الإسكان: إنهاء وتنفيذ 7690 وحدة إسكان اجتماعى بمحافظة البحيرة دمنهور بها 600 شقه المفروض انها تتسلم نهايه عام 2017 وحتى تاريخه لم يتم حفر قطعه ارض داخل دمنهور وكل ما نسال يقلك منعرفش روح البنك ومن البنك يقللك الوزاره والمحافظه لسه محددناش هنبنى امته
عدد الردود 0
بواسطة:
عصام الجارحى
أين مشروع بيت الوطن
أين مشروع بيت الوطن ؟ لماذا كل هذا التأخير مش عايزين دولارات ولا أيه المصريين فى الخارج متعودين على دقة المواعيد و سرعة ودقة التواصل وهذا غير موجود للأسف
عدد الردود 0
بواسطة:
ايمن محمد ابراهيم
شمال سيناء
لو التعليقات اللى بتتكتب ليها اهميه يبقى اطرح الموضوع التالي :- كراسة الشروط كانت بتقول ان مقدم الحجز هايبقى 15% من قيمه الوحده وان مبلغ الوحده 145000 جنيه والاقساط الشهريه تبدا من 350 جنيه قدمنا واتكلنا على الله ودفعنا مقدم الحجز 9000 جنيه علما بان الوحده فى شمال سيناء والكلام ده قبل مالوضع فيها يبقى بنفس الحاله المؤسفه حاليا طلع اسمي وقالو لازم تكمل مقدم الحجز علشان تستلم التفاصيل كالتالي واللى هيا مختلفه تماما عن كراسه الشروط 1- مقدم الحجز بالصيانه وصل 37000 جنيه 2- قسط شهري 800 3- 7% زياده سنويه 4- المده 20 سنه لو اتحسبت دي كلها المبلغ هايكون متجاوز ال 300 الف يعني ضعف اللى كان فى كراسة الشروط وازاى واحد مقدم بيان بان مرتبه 2000 هايدفع منه 800 جنيه غير الزيادات السنويه وكمان فى العريش اللى هيا مش مضمون هايستمر الوضع او هايزداد سوء او هايتحسن حاجه فى علم الغيب . السؤال هل فى حاله سحب الفلوس بعد تخصيص الشقه ورفض استلامها تروح الفرصه فى استلام شقه لمحدودي الدخل مع العلم ان بالاسعار دى المفروض تبقى الشقه لمرتفعى الدخل :D
عدد الردود 0
بواسطة:
صادق
التأخير
انا مقدم ودفعت المقدم وكنت واخد الكراسه الحمراء علي اثاث اني هستلم بعد 3 شهور زي ماقالو ودفعت 9الاف واسمي في المقبولين ومجتليش ولا رساله واحده لحد دلوقت