مجانية التعليم.. حق أصيل للمصريين كفلته الدساتير السابقة، فأول دستور نص عليه دستور 1923، حيث نصت المادة رقم 17 منه على: "التعليم حر ما لم يخل بالنظام العام أو يناف الآداب"، فيما نصت المادة رقم 19 على: "التعليم الأولى إلزامى للمصريين من بنين وبنات، وهو مجانى فى المكاتب العامة"، بخلاف اهتمام المصريين بالتعليم منذ قديم الأزل، بداية من اللغة الهيلوغريفية، وصولًا إلى عصر محمد على حتى دستور 1923 وما نص عليه كما ذكرنا.
يأتى ذلك بعد تصريحات الدكتور طارق شوقى وزير التربية والتعليم الجديد حول مجانية التعليم وتحفظه على نظام "البوكليت" لامتحانات الثانوية العامة، والتى أثارت تساؤلات كثيرة لدى أعضاء لجنة التعليم والبحث العلمى بالبرلمان، وتدرس اللجنة خلال اجتماعها الأحد القادم قرارات الوزير الجديد، على أن تخاطبه من خلال الأمانة العامة للحضور أمام اللجنة فى أقرب وقت.
وكانت أبرز تصريحات "شوقى" أنه ليس ضد "مجانية التعليم" لأنه تعلم بهذه المجانية، مضيفا: "لكن علينا مراجعة كلمة المجانية بما يتفق مع موارد الدولة، كما أن الدولة تؤكد على تلك المجانية؛ فى الوقت الذى تنفق فيه الأسر المصرية قرابة الـ30 مليار جنيه على الدروس الخصوصية، لكن"هذه المجانية ليست موجودة على أرض الواقع"؛ مشيرا إلى فكرة التعليم المجانى عإلى الجودة لسنة دراسية معينة وباقى السنوات بشكل آخر، قائلا: "مفيش حاجة ببلاش والدولة عليها التزامات كبيرة ومش هنقدر نرفع من ميزانية التعليم".
و عن النظام الجديد للثانوية العامة "البوكليت"، اعتبرها "شوقى "، مسكن وهو حل مؤقت ولا يقيس قدرات الإبداع لدى الطلاب ومش هو الدولة اللى عايزاه، كما أنه مكلف للغاية.
و هو ما فتح الباب حول اعتبار النواب أن الوزير الجديد يتبع سياسة مختلفة كلية عن الدكتور الهلإلى الشربينى وزير التعليم السابق، وهو ما يستدعى ضرورة دعوته للحضور أمام لجنة التعليم للتعرف على خطته ورؤيته الكاملة بشأن منظومة التعليم وتطويره.
وكيل "تعليم البرلمان": نؤيد تحمل الطالب الرسب تكاليف دراسته.. واستدعاء الوزير قريبًا
أكد النائب هانى أباظة، وكيل لجنة التعليم والبحث العلمى بمجلس النواب، على أن طارق شوقى وزير التربية والتعليم الجديد لديه فكر علمى مميز ويستطيع الآنتقال من التعليم التلقينى إلى الابتكار والإبداع.
وشدد وكيل لجنة التعليم، لـ"اليوم السابع" على ثقته فى إعادة صياغة منظومة التربية والتعليم بالتنسيق مع اللجنة البرلمانية، لافتًا إلى أن المنتج سيكون أفضل.
وأضاف أباظة، أن اللجنة ستستدعى وزير التربية والتعليم فى أقرب وقت ممكن، للتعرف على رؤيته بشأن النظام الجديد لامتحانات الثانوية العامة، مؤكدًا على أن "البوكليت " بألفعل لن يحل أزمة الغش ولكنه أحد عناصر مواجهته.
وعن تصريحات الوزير حول مجانية التعليم، قال وكيل لجنة التعليم بالبرلمان، أن التعليم حق لكل مواطن وفقا للدستور، ولكن من الممكن إعادة النظر فى ألا تكون مجانية التعليم مطلقة، بمعنى أنه حال سقوط الطالب فليعيد العام الجديد بماله الخاص حتى لا يكون هناك تهأون بالمجانية.
عضو بـ"تعليم البرلمان": "التعليم ألفنى مش عيب والخريجين مش عارفين نوديهم فين"
قال النائب مصطفى كمال الدين حسين، عضو لجنة التعليم بمجلس النواب، إنه يتوافق مع رؤية وزير التعليم الجديد الدكتور طارق شوقى، بشأن ضرورة إعادة النظر فى مسألة مجانية التعليم، قائلاً: "كل الناس عايزة تعلم ولادها تعليم عإلى.. خريجى آداب وحقوق وتجارة مش عارفين نوديهم فين".
وطالب "كمال"، فى تصريح لـ"اليوم السابع"، بضرورة أن يدفع الطالب الراسب تكاليف السنة الدراسية كاملة دون الحصول على دعم من جانب الدولة، أو ينضم إلى التعليم ألفنى، قائلاً: "لابد من تحسين النظرة إلى التعليم ألفنى لأنه مش عيب، ومصر محتاجاه جدًا".
وأضاف عضو لجنة التعليم بالبرلمان، أن اللجنة ستطلب فى أول اجتماع لها حضور وزير التعليم إلى البرلمان لمناقشته والحديث معه حول عدد من الملفات الهامة، للتعرف على وجهة نظره فيها، قائلاً: "من الواضح أن رؤيته لعدد من القضايا تختلف عن رؤية الوزير السابق وهو ما نخشاه".
وأوضح، أن الوزير انتقد فى تصريحات له، نظام البوكليت قائلاً: "ليس المقياس على تفوق أو إبداع الطالب، وأنه لابد من إعادة النظر فيه"، لافتًا إلى ضرورة توحيد الرؤى، خاصة أن لجنة التعليم بالبرلمان رحبت بهذا النظام لأنه يقيس مدى تفوق الطالب بعيدًا عن الحفظ والتلقين، مطالبًا الوزير بالالتزام بالنظام، خاصة أن طلاب الثانوية العامة بدأوا بألفعل التدريب على ورقة الأسئلة المطروحة، قائلاً: "لا يجب أن يكون الطلاب حقل تجارب".
وتابع قائلاً: "ما ينفعش كل شوية نجيب وزير رؤيته منفصلة تمامًا عن سابقه"، لافتًا إلى أن اللجنة ستناقش الوزير فى عدد من المواد الواردة بقانون التعليم، والتى تحظى برفض أغلبية أعضاء اللجنة.
النائبة ماجدة نصر لوزير التعليم: المجانية أقرها الدستور ولن نقبل المساس بها
فيما اعتبرت الدكتورة ماجدة نصر، عضو لجنة التعليم بالبرلمان، أن وزير التعليم الجديد، الدكتور طارق شوقى، أثار الجدل حول عدد من الملفات بمجرد توليه المهمة، مشيرة إلى أنه سيتم استدعاءه بالبرلمان الأسبوع القادم لمناقشته حول 3 ملفات رئيسية وهى نظام امتحانات الثانوية العامة (البوكليت)، وملف المدارس الخاصة وقانون التعليم الجديد.
وأضافت "نصر"، لـ"اليوم السابع"، أن وزير التعليم أبدى تحفظه على نظام البوكليت، وهو ما أثار القلق لدى الأسر المصرية خاصة أن الطلبة بدأوا بألفعل التدريب على نظام ورقة الأسئلة، كما أنه تم عرضه على البرلمان ومناقشته بمشاركة خبراء ومتخصصين وتم إقراره بألفعل، مطالبة الوزير بالالتزام به وحال وجود رؤية مغايرة يمكن مناقشتها تمهيدا لتطبيقها من العام القادم.
وأكدت عضو لجنة التعليم بالبرلمان، على أن اللجنة ستطالب الوزير بعرض رؤيته حول آليات تنفيذ برنامج الحكومة 2030، قائلة: "هو ملتزم به وآلية التنفيذ لابد أن يصحبها جدول زمنى.. كذلك رؤيته حول التغيير الشامل لمنظومة التعليم عام 2018".
وحذرت نصر، من المساس بمجانية التعليم قائلة: "المجانية أقرها الدستور من بداية التعليم الأساسى وحتى فى التعليم الجامعى"، لافتة إلى أن مصر تعانى من تراجعها فى جودة التعليم وارتفاع معدلات التسرب من التعليم، وارتفاع نسب الأمية الأمر الذى يتطلب معه دعم التعليم بتطبيق المجانية وليس بإضافة أعباء مالية إضافية لشعب يعانى من تدهور أوضاعه الاقتصادية، مؤكدة على ضرورة البحث عن موارد جديدة لدعم التعليم غير الموارد الموجودة بالموازنة العامة للدولة.
عدد الردود 0
بواسطة:
عبد الغنى الشعراوي
المحانيه المفترى عليها
يبدوا ان كل وزير يجى لايهتم بالتطوير انما يهتم بزيادة الاعباء على الاسره المصريه الفقيره
عدد الردود 0
بواسطة:
مصرى
التعليم الفنى اساس نهضة الامم
مجرد اقتراح بأن دخول الثانوي العام يكون بمجموع 75% على الاقل لتوسيع قاعدة الطلبة التى تدخل التعليم الفنى وتقليل الضغط على الثانوى العام .
عدد الردود 0
بواسطة:
علاء
مجانية التعليم امن قومى
لان المتسرب من التعليم يكون مشروع بلطجى او ارهابى
عدد الردود 0
بواسطة:
سامي
التاريخ سوف يسجل
التاريخ سوف يسجل أن هذا البرلمان هو الأسوأ علي الاطلاق في تاريخ مصر
عدد الردود 0
بواسطة:
طارق شوقي
Ggggggg
لازم الغاء نظام البوكليت لازم دخول مظاهرات فى الوزارة التربية والتعليم فشلت امتحانات خصلت
عدد الردود 0
بواسطة:
مدام /جيهان
حق يراد به باطل
لابد ان نعلم انه لاتوجد دوله في العالم كله.. فيهاهذ النظام العجيب للمجانيه.. فكل دول العالم التعليم الجامعي فيها غير خاضع للمجانيه.. ولابد من تقنين اعداد داخلي الثانوي العام. ومن الممكن جدا ان تقف اامجانيه عند المرحله الاعداديه. والمبالغ المحصله من الثانوي والجامعة نحسن بها مدارس وطرق التدريس ودخل المدرس ايضا.
عدد الردود 0
بواسطة:
ايمن
حلو كلام جميل
يبقي ابشروا زيادة اعداد البلطجية والشبيحة ليه لان الناس لاتستطيع دفع رسوم الكتب فكيفه يدفعوا مصاريف سنة دراسية هو الوزير بيتغير علشان يخرب بيوت الناس ده امر خطير جدا جدا جدا
عدد الردود 0
بواسطة:
عايدة
اين المجانية
سيادة الوزير الدزوس الخصوصية مخلص علي كل الدخل.... انا حسة بالتصريح دة مزيد من الاعباء علي الاسر... فارجوكم كفي.... اعصبنا تعبت
عدد الردود 0
بواسطة:
بنت مصرية
حقيقة مرة !!
كلامى يمكن يزعل ناس كتير , لكنى ده رأيى الشخصى , مجانية التعليم فى مصر رفاهية الدولة مش قادرة عليها , ففقدت الهدف منها , بمعنى , انى علشان اوفر تعليم مجانى لازم يكون عندى امكانيات تخلينى ابنى مدارس زيادة بحيث تكون كثافة اللاميذ فى الفصل لا تتعدى تلاتين تلميذ !!ولازم اوفر مدرسين اكفاء واديهم رواتب كويسة واراقب عليهم كويس بحيث انهم يقوموا بدورهم فى عملية التعليم , ويبقى عندى فلوس اطبع بيها المقررات الدراسية للطلاب فى مواعيدها واوفرلهم اى وسائل تعليمية من اجهزة كمبيور ومعامل علوم ووسائل ايضاح وخلافه , كل ده من ميزانية الدولة !! طيب هل احنا كدولة عندنا القدرة نعمل ده ؟؟ لأ , ومع ذلك متمسكين بمجانية التعليم فكانت النتيجة ان المدارس بقت تسعين ومية تلميذ فى فصل قديم فى مدرسة قربت تقع على دماغ التلاميذ اللى فيها , المدرس حتى لو كان عنده ذمة وشرح هيشرح لمين وللا مين وهيسمع مين وللا مين فبتكون النتيجة ان التلاميذ مش بتستفيد اى حاجة من الحصة !! المدرس فى وسط الكثافة المهولة دى فاقد سيطرته على الطلبة فبيسود قانون البقاء للأقوى وممكن تبعت ابنك المدرسة سليم معافى يرجعلك بعاهة مستديمة واحيانا مبيرجعش حى أصلا !!المقررات الدراسية على ما تنطبع وتتسلم للطلبة بيكون التيرم قرب يخلص !!اجهزة الكبيوتر الموجودة فى المدرسة التلاميذ بيتفرجوا عليها دا لو ربنا كرمهم وشافوها اصلا لأنهم لو اتوزعوا عليها هيبقوا خمستاشر تلميذ على الجهاز الواحد !! المعامل اذا وجدت اصلا بتبقى مجرد اوضة مقفولة عليها يافطة مكتوب عليها معمل , وتقريبا هما معتمدين على ان اغلب الطلبة مبيعرفوش يقروا فمحدش هيعرف ان ده المعمل !! لأن الفصل الواحد اذا دخل المعمل ده مش هيلاقوا الطلبة مكان يقفوا فيه ما بالك بأنهم يقعدوا يسمعوا شرح او يجروا التجارب بنفسهم !! ببساطة مبقاش عندنا تعليم اصلا !! بقى الطالب بيبقى شحط فى ثانوية عاملة ومبيعرفش يقرا ويكتب , محتاج محو امية !!غير بقى ان الكل مقضيها دروس خصوصية ليل نهار , والطالب بيدفع فى الحصة الواحدة ما بين تلاتين وتمانين او مية جنيه على حسب المرحلة والمكان !!غير بقى ان اغلب طلاب وتلاميذ المدارس الحكومية مين ؟؟ ابناء الحرفيين , مع احترامى الشديد لكل المهن الشريفة على راسى من فوق , لكن اللى اقصده ان ابن الميكانيكى او الكهربائى او السباك اللى بيكسب فى اليوم الواحد مرتب الموظف فى شهر كامل , هو اللى ابنه بيدخل مدرسة حكومية , انما الراجل الموظف الغلبان ابنه بيبقى اغلب منه فمش بيعرف يتأقلم مع طلاب المدارس الحكومية فبيدخله مدرسة تجريبيةاو خاصة , ويفضل بقى يستلف ويقترض ويشتغل شغلتين بعد الضهر علشان يقدر يدفعله مصاريف المدرسة !! يعنى اللى محتاج لمجانية التعليم مش عارف يستفيد بيها واللى مش عارف يودى فلوسه فين هو اللى بيستفيد من مجانية التعليم !! غير بقى ان التلميذ الواحد ممكن يفضلله اتناشر سنة فى المرحلة الأبتدائية بس , بيسقط براحته ويعيد براحته ماهو مش دافع حاجة !! غير بقى التعليم الجامعى اللى بقى مصيبة تانية !! مجانية التعليم عملت فى الجامعة نفس اللى عملته فى المدارس , فبقى عندنا اطباء معندهمش فكرة عن الطب , ومهندسين مبيفهموش حاجة فى الهندسة , ومحاسبين ميعرفوش حاصل ضرب ستة فى تسعة كام !! وكلهم واقفين فى طوابير البطالة اللى لو عملناها طابور فعلا ممكن الطابور ده يلف حوالين الكرة الأرضية كلها مرتين مثلا !! طيب ليه كل ده ؟؟ بنعمل فى نفسنا كده ليه ؟؟ فيه دول اغنى مننا بمراحل , مفيهاش تعليم مجانى !! مفيش دولة فى العالم عندها مجانية تعليم من ابتدائى لغاية الجامعة !! الهدف من التعليم اصلا ايه ؟؟ انى يبقى عندى افراد متعلمين فعلا , مش افراد معاهم شهادات بتقول انهم متعلمين وبس !! زمان قبل مجانية التعليم , الكلام ده اتحكالى طبعا انا مشفتهوش , كان ممكن القرية يبقى فيها طبيب واحد , بس طبيب بمعنى الكلمة , مهندس واحد , بس مهندس فعلا , مدرس واحد بس مدرس بحق ربنا , كان اللى معاه ابتدائية اكثر علما من اللى معاه بكالريوس او ليسانس انهاردة , ليه ؟؟ لأنهم كانوا بيتعلموا فعلا بالمعنى الحقيقى للتعليم , مش المعنى الصورى !! الأخوة اللى بيقولوا ان المتسربين من التعليم هيتحولوا لبلطجية ومجرمين , على فكرة اللى هيتسربوا من التعليم بيتسربوا منه حتى وهو مجانى !! وعلى فكرة برضة اغلب البلطجية والمسجلين متعلمين , وبعضهم معاهم شهادات عليا كمان !! انما اخدوها وفضلوا قاعدين بدون شغل لحد ما اضطروا يسرقوا او يتاجروا فى المخدرات او يبلطجوا عل خلق الله !! لأن على فكرة اغلب اللى سابوا التعليم وهما اطفال تحولوا الى حرفيين , صنايعية يعنى , اللى اتعلم سباكة واللى اتعلم نجارة واللى اتعلم ميكانيكا !! انما المشكلة بقى فى اللى اتعلم لغاية ما اتخرج من الجامعة وملقاش شغل , لا هو عارف يشتغل بشهادته , ولا اتعلم حرفة يشتغلها !! ولأن الأجرام مش محتاج تعلم , الشيطان بيعلمه لصاحبه , بيتحولوا لمجرمين !! الخلاصة من كل كلامى ده , اننا طالما مش قادرين نوفر تعليم صحيح بالمجان , يبقى المجانية منفعتناش فى حاجة !! واغلب التلاميذ حاليا كل تلميذ بيدفع فى السنة حوالى خمستاشر الف جنيه دروس خصوصية بسسس ان لم يكن اكثر, طيب ما يدفعهم للوزارة وبلاها دروس !! الوزارة تاخد الفلوس وتبنى مدارس متطورة وتجيب مدرسين اكفاء وتوفر كتب ومعامل ووسائل تعليمية , ولما يتخرج عندنا الف خريج متعلمين فعلا وفاهمين فى تخصصاتهم , احسن ما يتخرج مية وخمسين الف كل سنة مش عارفين اى حاجة عن التخصصات اللى معاهم شهادات فيها , وكلهم يترصوا على القهاوى والنواصى مستنيين ابن الحرام اللى يدلهم يجيبوا الفلوس الحرام منين !! ده رأيى الشخصى وان كان هيزعل كتير من الناس , انما مواجهة الحقيقة هى اللى بتحل المشكلات , لو فضلنا كده دافنين راسنا فى الرمل مش بس هنقف محلك سر , لأ دا احنا هنتراجع كمان .
عدد الردود 0
بواسطة:
محمد
مصممين على الاستهبال
مين قال إن مشكلة مصر نقص الموارد ... مشكلة مصر الفساد المستشري من قمة الهرم للقاعدة.. فيه في مصر اكتر من ألف بني آدم ثروة كل واحد فيهم تعدي المليار .. و في نفس الوقت المدرسين و الدكاترة مرتبتهم متكفيش عيش حاف.. النتيجة انهيار العمليه التعليمية و انهيار الخدمات الصحية .. علشان خاطر الحرمية الكبار يحطوا في كرشهم كمان و كمان ..