انتهت أولى جلسات محاكمة رجل الأعمال اسامة النجار صاحب كافيه "كيف" ومدير المحل، وتم رفع الجلسة المنعقدة بمحكمة جنح مصر الجديدة برئاسة المستشار شريف هجرس وحضور عبد الرحمن أمين ممثل النيابة العامة لاصدار.
وطالب باسم وهبة، دفاع المتهمين ببراءتهما استنادا على بطلان التحريات وانتفاء جريمة الاحتجاز، وأضاف الدفاع أن دور المتهم الأول هو الإشراف على الكافية واحتياجات المكان ولم يحتجز أحدا.
بينما قال عضو آخر بهئية الدفاع عن المتهمين أن المتوفى محمود بيومى حضر ومعه 12 شخصا من أصدقائه لمشاهدة مبارة مصر والكاميرون، وعقب انتهاء المبارة أعترضوا على الشيك الخاص بالحساب وقدره 1200 جنيه، ونشبت مشادة كلامية تدخل على اثرها المتهم الأول وخفض المبلغ لـ900 جنيه فقط.
وأضاف دفاع المتهمين أن الجريمة هى بيع أعلى من التسعيرة، وليس احتجاز فطبيعى أن الزبائن لا تخرج إلا بعد دفع حساب المشاريب" دى مش قهوة بلدى".
وأوضح أن اصدقاء المجنى عليه أعترضوا على الحساب بسبب عدم قيام 3 منهم بتناول أى مشروبات ومغاردة المكان وهو ما تفهموا صاحب الكافيه وخفض المبلغ.
عدد الردود 0
بواسطة:
محمد منصور
بلطجة
واذا ما دفع في القهوة البلدي تفتله يا بلطجي
عدد الردود 0
بواسطة:
Osama
محامي زباله
محامي زباله والتاني ده مش رجل أعمال زي مابتقولي ده بلطجي زي البلطجيه الصايعين اللي معاه لازم محاكمه عاجله وقاسية اللي مات انسان بدون ذنب. .. ذنبه الوحيده انه رفض الظلم
عدد الردود 0
بواسطة:
m
يعنى ايه قهوة بلدى وفهوة افرنجى كله بلطجة
كلها تدل عل الفراغ وتجيب مشاكل وبتغلق الطرق وتزيد التحرش ياريت تتقفل ويشوفو شغلانه انتاج مش ارف
عدد الردود 0
بواسطة:
عصام
التجار عايزين يدبحونا
كل لما الواحد يروح يشتري حاجة من بقال يقولك الدنيا غلييت يابيه إحنا بناخد الحاجة بالغالي الحكومة مبهدلانا ودي ايام ما يعلم بيها إلا ربنا حسبي الله ونعمة الوكيل ولما ترفض تأخد الحاجة تلاقي وشه يسود ويبقي هاين عليه يديلك بحاجة فى وشك وتمشي خطوتين تلاقي بقال أرخص منه مش عارف الناس دي فاكرين نفسهم أزكياء وإحنا بهايم ولا إيه بالظبط
عدد الردود 0
بواسطة:
ashraf hassan
دفاع باطل و حجه واهيه
و هل ده مبرر للقتل ؟؟؟؟؟؟؟؟ حتى لو ما دفعش خالص ؟؟؟؟؟؟؟؟؟ و أنتشار البلطجة و قتل الشباب ليس بالأمر الهين المحامي بيستهين بالمحكمة و محامي غير محترم هو عارف إن ال القهوجي قاتل و بيدافع عنه ؟ و بعدين يعني أيه كافيه ؟ ما هو قهوة برضو و إن أختلفت المسميات
عدد الردود 0
بواسطة:
محمد
بلطجه و يجب حبس اي صاحب قهوه مخالف
الحبس للمخالفين هو الحل و ليس غلق المكان نظرا لاعاده فتحه بعد يومين علي الاكثر
عدد الردود 0
بواسطة:
العدل
اصلا كلامة غير واقعي
وافرض هو اعترض على المبلغ او فلوسه ضاعت قبل ما يدخل الكافيه تقوموا تعملوا فيه كدا
عدد الردود 0
بواسطة:
مغتربة
مش قهوة بلدي بس كمان مش "سلخانة" نقتل فيها الناس!!!
كلام الدفاع مستفز ويثير الإستياء، ولا نقبل أى تبرير للقتل أو لما حدث من "إزهاق روح دون وجه حق" . ده ناقص يقول على الضحية أنه يستاهل علشان اتكلم واعترض !!! مهما حصل كان يمكن طلب الشرطة والتصرف طبقاً للقانون، لكن أبداً لا تصل للقتل ولا حتى الشجار، كده "بلطجة" فعلاً زى ما وصفها الشاب ضحية الحادث (الله يرحمه).
عدد الردود 0
بواسطة:
احمد
فساد مركب
هيا القهوه البلدي مش بيدفعوا الحساب عند مغادرتهم . كله كلام فاضي . الحكايه كلها بلطجه ووساخه والمحليات طبعا اساس الفساد . فين دور رئيس الحي . فين تسعيرة المشاريب . فين دور الضرائب علي المنشاه و خلافه . القضيه يجب ان يحاسب فيها الكل وبالاعدام و بسرعه زهقنا من الفوضي والفساد حراااااااااااام عليكم