أكد مرتضى منصور، رئيس نادى الزمالك، أنه أقسم منذ شهرين أن مجلس إدارة اتحاد الكرة سيتم حله، حيث قال إنه باطل من بدايته، مضيفا: "عاوز أقول لمجدى عبد الغنى إن كل كل القرارات التى تصدر من الاتحاد بعد الحكم باطلة ولجانه أيضا باطلة".
وقال مرتضى منصور، فى تصريحات تليفزيونية: "مباراة الزمالك والمقاصة هتتعاد هتتعاد، ولما الأهلي أو أى فريق تانى يتظلّم أمام الزمالك وعاوز يعيد الماتش نعيده فى أى زمان ومكان".
وأضاف أنه حزين على الحكم جهاد جريشة لأخطائه الأخيرة لأنه من نفس قريته، موضحا أنه حزين أيضاً مما حدث فى مباراة الزمالك ورينجرز الليلة رغم الفوز بأربعة أهداف مقابل هدف، فى ذهاب دور الـ32 لدورى أبطال أفريقيا.
وعلق رئيس نادى الزمالك على تغييرات محمد حلمى المدير الفنى للفريق قائلاً: "كل التغييرات غلط فى غلط وقلبت الماتش على الزمالك، وبطالب وزير الداخلية بالتحقيق فى أحداث دخول الوايت نايتس لاستاد السلام".
عدد الردود 0
بواسطة:
بيكار
لا حول ولا قوة الا بالله
رجال بتفترس رينجرز وأطفال بتبكى بالبامبرز..... وعجبى
عدد الردود 0
بواسطة:
السيد الغربية
حنفى الحقيقى
كل واحد سخر من قرار الانسحاب وقال كلمة حنفى طلع فى النهاية انه بيبص فى المراية وان فى نهاية الفيلم طلع انه هو حنفى الحقيقى واديكوا ابتديتوا تشوفوا بعد الساعة 6 و 17 دقيقة وفور صدور حكم حل اتحاد الكرة المصرى بالكامل وابتدت يا معلم موجة التراجع فى التصريحات وان دلوقتى بقى جريشة خاطىء ومذنب لكن يا خسارة بعد ما الدورى اتلغى والنقط اللى جمعوها هتتحول لدموع واهات ومتنسوش تبقوا تسلمولى على الكيان
عدد الردود 0
بواسطة:
مواطن بيضحك
عــودة الـريــس حـنـفــي ! وصـلـة كل لـيلـة الـكـومـيـديـه
هو الراجل ده مابيتعبش من الخناق والشجار والشتيمة والصراعات بس بصراحه عامل جـو كـوميـدي وادينـا بـنضحـك عليه وعلى تصريحاته اللي تشبه كتير تصريحات الريس حنفي في ابن حميـدو ! بس بجد الراجل ده محتـاج دكتور نفسـاني يشوفه وأعتقد فيه خلل في قواه النفسية والعقليـة ! بس أهو بيضـحـكنـا شوية بصراحه !
عدد الردود 0
بواسطة:
مشمش
صح..صح...روحوا غنوا ظلموه يا اتحاد الفراوله ولجانه
...?
عدد الردود 0
بواسطة:
ميمي
اقسم بالله انت قمة الرجولة رغم عصبيتك بس انت على حق
اقسم بالله انت قمة الرجولة رغم عصبيتك بس انت على حق الموضوع مش موضوع زمالك ولا اهلي وسوف يسجل التاريخ 1- التحكيم هيتعدل في مصر 2* الحكام هيحسن اوضاعها 3- تطبيق الحكم الخامس 4- زمن المجاملات عدا وراح
عدد الردود 0
بواسطة:
مهندس / صلاح
برافو مورتا على همتك فى إفساد كرة القدم !
كرسى فى الكلوب ، واللى مش عاجبه يشرب من التورعة ، مورتا يحلم ويشارك الاهلى بكل همة وبدون كلل او ملل على افشال الكرة المصرية بجدارة والفاشلة اصلا منذ زمن !
عدد الردود 0
بواسطة:
دعبس
تحت...
...ياسطى مرتدى..مفيش حاجه هاتتعاد وبلاش معلمه ولو راجل انسحب من الدورى...ومش هاتنسحب ولا حاجه هاتتعاد و بطل معلمه فاضيه...
عدد الردود 0
بواسطة:
ايمن بدراوي
الراجل دا شكل الفوضي والانهيار المصري
بقولك مش هاتتعاد.. ليك واللي معاك.. وشد حيلك للمصري ياخد منك المركز التالت.
عدد الردود 0
بواسطة:
طارق بورسعيد
التعليق 2
الاستاذ سيد الغربية هو مرتضى محتاج انه يثبت انه حنفى ماتراجع كل تصريحاته وكلامه من يوم مامسك ناديكم انسحب خمسين مره ورجع فى كلامه والمره دى برضه هيبقى حنفى وانت كل الكلام اللى انت بتقوله هتطلع انت كمان حنفى انتو ياعم مصدقين نفسكم دانت لو اتعادت مباراه المقاصه كل فرق الدورى هتطلب اعاده مبارياتها معاكم انتم مفيش فريق فى الدورى ماشربش من أخطاء حكامكم
عدد الردود 0
بواسطة:
ابو اسلام وكله تمام
هههههه برضه الاهلى اخد الدورى
برضه الاهلى اخد الدورى حتى لو اتلغى الدورى هو برضه البطل لانه بطل اخر نسخة ههههه ولو اتعاديت مبارة الزمالك والمقاصة هاتتعاد مبارة الزمالك وطنطا والزمالك ووادى دجلة والزمالك والمصرى والزمالك واسوان والزمالك يهانزل درجة رابعة هههههههه الاهلى حراااااااااااااق او ى يا جماعة ههههههه