الحكاية .. كيف أدعم ابنتى بعد الطلاق ؟
يظهر الحزن على كلماتها بوضوح لا يمكن إنكاره، فبالنسبة إليها كأى أم مصرية "الطلاق" هو الحل المستبعد لأى خلافات زوجية، تعرضت ابنتها لما وصفتها أمها بالأهوال فى رحلة زواجها القصيرة، قضت عاماً ونصف العام مع رجل يقضى ساعات وجوده فى المنزل فى تعنيفها وضربها إذا اقتضى الأمر، لم تأتى الرسالة من صاحبة المشكلة، ولكنها جاءت من الطرف الأكثر تضرراً على المستوى النفسى، فكما حاولت الوصف فى رسالتها "مافيش حاجة بتوجع أكتر من أن بنتك بختها يميل"، هكذا وصفت صاحبة الرسالة "بخت" ابنتها، التى خاضت الصراع كاملاً حتى تم الطلاق عندما اقتنع الأهل أن العشرة استحالت بكل الطرق، ترى ابنتها مجروحة يومياً، يزيد جرح الأم أضعافاً مع كل دمعة من دموع ابنتها، حاولت مساعدتها كثيراً، دون جدوى، تقضى ابنتها النهار نائمة، تبكى ليلاً فى غرفتها، وترفض الحديث، أما الأم فلجأت لمن تسأله حتى تجد طريقاً لدعم ابنتها، "مابقتش عارفة أساعدها ازاى .. أعمل أيه"؟
التعليق على الحكاية
الطلاق تجربة قاسية جداً، ولكن مشاعر الأم من ناحية ابنتها زاوية أخرى من الوجع نبهتنا إليها صاحبة الرسالة، انتى اليوم مسئولة عن الدعم النفسى الذى تحتاجه ابنتك بعد مرورها بتجربة موجعة، عليكِ دفعها أولاً للخروج عن صمتها، عليكِ دفعها للحديث حتى وأن كانت المحادثات بشأن أمور أخرى، حاولى دفعها للانخراط فى مشاكلك، أو مشاكل صديقاتها، وثانياً وهو الأهم عليك البحث لها عن عمل، فالعمل هو أكثر ما بشأنه إخراجها من هذه الحالة بشكل تدريجى، حاولى دفعها للدخول فى حياة أخرى، لن تنس الحياة السابقة، ولكنها ستظل بالنسبة إليها جرحاً توقف عن إيلامها، ولكنه ترك علامة على الجلد تذكرها بتجربة ستغير فى حياتها الكثير.
عدد الردود 0
بواسطة:
بنت مصرية
اكتر حاجة بتوجع !!
يا عزيزتى ام المطلقة , اكتر حاجة بتوجع المطلقة بقى , ان اللى حواليها يعتبروا انها بالطلاق , بختها مال !! بمعنى ان فى مجتمعنا مشكلة المطلقة الحقيقية مش بتبقى فى الطلاق , ولكن بتبقى فى نظرة المحيطين بيها لها بعد الطلاق , احنا بنربى البنت ان دورها الوحييييد فى الحياة انها تكون زوجة وبسسسس !! اى نجاح تانى بتحققه البنت دى فى حياتها بيتنسى تماما اذا فشلت فى اقامة حياة زوجية سواء بكونها طلقت او بكونها لم تتزوج اصلا !! يعنى لو بنتك دى معاها دكتوراة فى علوم الذرة , وبتشغل منصب وزيرة او سفيرة , ولها كتب ومؤلفات بتدرس فى تخصصها العلمى , انتى برضه هتشوفيها بختها مال لمجرد انها اتطلقت !!يا عزيزتى الأم , البنت والولد ابناء آدم , ربنا مكلفهم زى بعض , وبيحاسبهم زى بعض , والأتنين ممكن يدخلوا الجنة او النار على حسب ايمانهم وعملهم زى بعض , ودورهم فى الحياة زى بعض !! ليه احنا معتبرين ان النجاح الوحيد اللى يحسب للمرأة هو نجاحها كزوجة , بينما الراجل مهم انه ينجح فى كافة مجالات الحياة انما ينجح كزوج مش مهم !! وبنعيب على المرأة اذا اتطلقت من غير حتى ما نعرف الأسباب , ومش بنعيب ابداااا على الراجل اذا طلق انشالله مية مرة !!يا عزيزتى الأم الزواج جانب من حياة الناس , مهواش كل الحياة !! احنا بنتعامل مع المطلقة كأنها بنت جميلة جداااا انما شعرها خشن , كل اللى حواليها بقى , ايه ده , يعععع بصوا شعرها عامل ازاى!! ده شبه الليفة السلك , ايه ده لا حول ولا قوة الا بالله ى ليه شعرها عامل كده !! حتى اللى بيحبوها , يا عييينى , شعرها خشن ليه بس , ليه يا رب مخلقتش شعرها ناعم زى بقية البنات , عينى عليكى يا بنتى وعلى مصيبتك !! فتكون النتيجة ان البنت تنسى اصلا انها جميلة وان بشرتها صافية وعنيها واسعة ولونها جميل وان قوامها متناسق وجذاب وان ابتسامتها ساحرة تفرح القلب الحزين وان طبعها هادى ومهذبة واخلاقها عالية , وتفتكر بسسس ان شعرها خشن , لأن كل المحيطين بيها مش شايفين منها غير ده , اختصرووووها فى ده , فهى كمان تختصر نفسها فى الجانب ده وتعيش حياتها تندب حظها العاثر اللى خلااها من دون البنات , شعرها خشن !! عزيزتى الأم , عاوزة تساعدى بنتك المطلقة , انسى انها مطلقة !! حسسيها ان الطلاق مش عاهة تتكسف منها , الطلاق شرع ربنا زى الزواج ماهو شرع ربنا , ولو مفيهوش خير مكانش ربنا شرعه ,بالعكس الطلاق حق اداه ربنا للزوجة علشان تخرج من حياة زوجية مستحيلة , لحياة مريحة مفيهاش منغصات , دوا وصفه ربنا سبحنه وتعالى لمرض الزواج اللى محققش هدفه الأساسى اللى هو السكن والمودة والرحمة , علشان ميبقاش الزواج حكم بالسجن المؤبد مدى الحياة اللى ساعتها بيبقى عند الزوجة الموت افضل منها !! هو انا لما ابقى عيانة بمرض مستعصى , ازعل لما الاقى العلاج واعتبر بختى مال !! وان حياتها فيها جوانب كتير مهمة مش بس الزواج هو المهم , فمحدش بيرمى فستان غالى جميل علشان طالع منه فتلة زايدة !! بيقطعها وانتهينا !! لما انتى وكل اللى حوالين بنتك وحوالين اى مطلقة ينسوا انها مطلقة , وميعتبروهاش بختها مايل لمجرد انها مطلقة , هتنتهى مشكلة بنتك ومشكلة اى مطلقة !!