حيرة تصيب الفتاة عند تقدم شخص لخطبتها، وتدور بمخيلتها العديد من الأسئلة منها هل أحبه؟.. هل أوافق أم أرفض الارتباط به؟، وللخروج من تلك الدوامة يساعدك المدرب محمد زكريا أول مدرب لقانون الجذب بمصر، بتقديم 10 أسئلة يمكنك من خلال الإجابة عليها تحديد موقفك، يوضحها "اليوم السابع" فيما يلى:
فيديو معلوماتى.."جايلك عريس صالونات ومترددة؟".... by youm7
1- إذا خرج هذا الشخص معكِ هل ستتباهين به؟
2- هل يعجبك شكله وطريقة لبسه؟
3- تشعرين أن دمه خفيف عند التحدث والتعامل معه وأنك منجذبة إليه؟
4- عندما يكون بجانبك.. هل تشعرين معه بالأمان؟
5- هل لديه قدرة على التفاهم فى الحوار معكِ ويشعر بكِ؟
6- هل هو شخص متفائل بالمستقبل؟
7- معاملته مع أهله..هل تشعرين أنها جيدة؟
8- معاملته مع أهلك هل هى جيدة أم لا؟
9- هل علاقته بالله جيدة؟
10- هل تشعرين أنه يرى عيوبك ويقبل بها؟
- إذ كانت إجاباتك على 7 من 10 بالإيجاب يمكنك إكمال حياتك مع هذا الشخص
- أما إذا كانت الإجابات أقل من 7 فعليك إعادة التفكير فى الأمر مرة ثانية
عدد الردود 0
بواسطة:
mostafa
اي كلام وطحينة
معظم الاسئلة عاوزة مده خطوبه عشان تقدر تقرر . مش قاعدة تعارف اللي تحدد منها
عدد الردود 0
بواسطة:
مها
كان زمان!!!
لم يعد احد يجى خلاص او يطرق الابواب كان زمان كل شهر على الاكثر يجى عريس بينما الانمع ارتفاع الاسعار تمر السنه ولا ياتى احد نعمل ايه والعمر يمر ولم تعد هناك فرصه للخيارات لان لم تعد هناك خيارات اصلا
عدد الردود 0
بواسطة:
ماجنيتو
ماجنيتو
ده مش كفاية لحسم قرار اي بنت ف الزواج لازم يكون في فترة مناسبة للتعرف كل منهم علي الاخر
عدد الردود 0
بواسطة:
م
الحل مع الاهل والاصدقاء
لابد من ايجاد وسيله محترمه غير النت* لايجاد عريس وعروسه والاتنين بيدورو عل بعض بس مفيش حد بيوصل الاتنين ببعض حتى لو يعرف الراجل ويعرف البنت بيخافو ليه مش عارف * وميعرفوش قيمه الثواب ال بيجمع اتنين مع بعض* بشرط يقول كل واحد عل عيوبه ويكون فى فترة 3 شهور للتعارف بقرأة الفاتحة * انا مكنتش هعلق تانى فى اليوم السابع بعد الهجوم الواضح من قسم الرياضة على الزمالك وبالذات عمر الايوبى* بس عشان نصيحة لاخواتى
عدد الردود 0
بواسطة:
احمد
البعد عن الله
المفروض السؤال رقم 9 ده اول سؤال
عدد الردود 0
بواسطة:
عايده
نصيحة من اللي جرب
لو جالك كذا عريس و تفاضلي منهم .... اختاري اللي تحسية حنين و راجل يتحمل المسؤلية .... علاقتة بالله كويسه يعني عندة ضمير .. و بعدين علاقات الاهل دي مقدور عليها ... نسيت حاجة يكون دمة خفيف و كلامة حلو .. مش كئيب .... اختاري كدة و هتدعيلي ... بس لو لاقتي يعني ..... مفيش حد بكل هذة المواصفات .....اقولك ايها الشابة المقبلة علي الزواج ... انسي الموضوع ... خليكي سنجل احسن ..
عدد الردود 0
بواسطة:
Lolo
يا مها
سن الزواج ارتفع أصلا يا مها ولم تعد البنت تتزوج لا قبل العشرينات ولا بعدها ،سن الزواج للشباب والشابات أصبح فوق سن الخامسة والثلاثين وهذا الأغلب،، والله يا مها انا مجربتش عريس كل أسبوع دي ولا حتى شهر هههه يمكن الكلام ده كان في مطلع الألفية التانيه ): ،،لا تقنطي حتى وإن لم يعد هناك فرصة للاختيار فربك هو الذي سيختار لك من يرسله إليك ثقي في الله أكثر فالرب عند ظن عبده به
عدد الردود 0
بواسطة:
الاسكندراني
...ياعايده يا نتي يانسمة الصبحيه ....ياعااايده ....خلخال برنه يرقص الجلابيه ...والعقد غله كهرمانيه ....والطرحه بالترتر ملاليه ..ملاليه .....صباح الخير والسعاده والفرحه على اختي حبيبتي أم أمين الشهيره بعااااااايده ....صباح الفل .
عدد الردود 0
بواسطة:
Lolo
الاخت م رقم 2
والله يا أختي الكريمة اليوم السابع حرمني من التعليق في المواضيع الرياضيه لأنني أجد هجوم غير مبرر من الكتاب والمعلقين على نادي الزمالك العريق فحرمت أعلق هناك لأن دمي بيتحرق هههه،،، بالنسبه للزواج عن طريق النت أجده وسيلة غريبه تجافي الفطرة السليمة ، زمان كان في اغنية بتقول القلب يعشق ولا العين ، طبعا في عصر النت لا بقى قلب ولا عين ،، حتى مقولة الأرواح التي منها ما يتآلف ومنها ما يختلف تستدعي ان يرى كل فرد الآخر وليس عن طريق النت ،، وبالنسبة لكلامك عن أن الناس بتخاف توصل اثنين ببعضهم ده بيرجع لموروث شعبي قديم يقول امشي في جنازة ومتمشيش في جوازة عشان المشاكل ،ربنا يسهل لكل بنت محترمه طيبه متدينه قولوا آمين
عدد الردود 0
بواسطة:
عايده
يا شاعر الاسكندرية
عايزين رايك تفضل زواج الصالونات و لا ...... مع اني عارفة الاجابة مقدما ....اعجابك بمفيدة شيحة مليء التعليقات .. ربنا معاك .... صباح الخير...