دائمًا ما تعج الساحة الغنائية فى مصر بكثير من الأزمات والمشاكل وتبادل الاتهامات.. نجوم كبار يختلفون فيما بينهم ويتخذون من "السوشيال ميديا" منبرا لفضح كل منهم الآخر، ملحن يهاجم مطربا، مطربة تشن هجوما على ملحن، وأزمات لا تنتهى فى نقابة المهن الموسيقية، حتى تحول هذا الصرح إلى وصلات ردح وبلطجة من قبل الأعضاء، وتبادل اتهامات بين النقباء الذين تولوا رئاستها فى السنوات الأخيرة (منير الوسيمى، إيمان البحر درويش، مصطفى كامل، هانى شاكر)، ولازالت الخلافات مستمرة فى أروقة النقابة التى تعتبر مصدرًا لحل مشاكل الأعضاء وليس العكس.
![شعبولا شعبولا](https://img.youm7.com/ArticleImgs/2017/3/26/56939-شعبولا.jpg)
شعبولا
ويبدو أنه كُتب على الوسط الغنائى، ألا يعرف الهدوء يومًا، إذ نتجت أزمة كبيرة بين المطرب الشعبى سعد الصغير، والمطرب شعبان عبد الرحيم، على خلفية ظهور الصغير، مؤخرا، فى أحد برامج "التوك شو" محاولًا تقييم صوت المطربين الشعبيين من وجهة نظره وكيفما يراها، وذكر خلال اللقاء أن شعبولا "مؤدى" وليس "مغنيا"، ومدح فى عدد من الأصوات الشعبية (حكيم، عبد الباسط حمودة، طارق الشيخ، محمود الليثى، أمينة، بوسى، هدى)، وقال عنهم :"هؤلاء هم أحسن أصوات تغنى الشعبى فى مصر، ولا يوجد لهم مثيل، وأيضًا توجد أصوات أخرى غير مشهورة لا يعرفها أحد لكنها من أفضل الأصوات التى تحترف الغناء الشعبى بعيدا عن الأضواء"، وعلقّ :"اللى أصواتهم حلوة قاعدين فى البيت"، أيضا تجاهل الصغير اسم نجم الأغنية الشعبية أحمد عدوية فى حديثه عنها، وذكر أن شعبان عبد الرحيم اعترف بنفسه ذات مرة أنه مؤديا وليس مطربا.
تصريحات سعد الصغير ورأيه فى زملائه من المطربين أشعلت غضب شعبان عبد الرحيم، الذى هاجمه قائلا: "الصغير ده أراجوز، وهو مين عشان يحكم على أصوات المطربين، يتكلم عن نفسه بس، ومش هو اللى يقول أنا مؤدى ولا مطرب، ولا يحكم علىّ، هو بيشتغل إيه عشان يقول ويحكم علينا"، ثم علّق بقوله :"مين ده".
![سعد الصغير سعد الصغير](https://img.youm7.com/ArticleImgs/2017/3/26/31755-سعد-الصغير.jpg)
سعد الصغير
ولفت شعبولا فى تصريحات لـ"اليوم السابع"، إلى أن المغنيين الشعبيين فى حالة غضب من الصغير بسبب عدم ذكره إسم النجم أحمد عدوية فى حديثه عن الطرب الشعبى، قائلا :"هو ليه ماذكرش اسم عم الكل أحمد عدوية، وكل واحد من اللى قال اسمهم بيغنى أغانى عدوية".. ويضيف المطرب الشعبى :"زعلان من الأحكام اللى بيصدرها الأراجوز سعد الصغير علينا"، واستكمل حديثه :"الكلام ده لو بينا وبين بعض ماشى، ممكن نعديها، لكن يقوله علنى وقدام الناس كلها فى التلفزيون، ميصحش ومينفعش".
![أحمد عدوية أحمد عدوية](https://img.youm7.com/ArticleImgs/2017/3/26/43511-أحمد-عدوية.jpg)
أحمد عدوية
وواصل شعبولا هجومه على سعد الصغير قائلا: "أنا عايز أعرف مين ده، عشان يقيّم الناس، هو سعد الصغير يعرف يغنى أغنية واحدة من أغانى الإذاعة القديمة اللى فيها طرب، أو أغنية لأم كلثوم، أو لحد من المطربين الكبار"، وعاب شعبولا على من منحه حق الكلام عن المطربين، وقال :"العيب برضو على اللى خلاه يتكلم عننا بالشكل ده واعتبره حكم أو نجم"، واستكمل المطرب :"شغال يغلط فينا واحد واحد ويقولك أنا بتكلم بصراحة ومش بخاف من حد، ومفيش حاجة اسمها كده يعنى ايه اتكلم بصراحة وأغلط فى الناس، يعنى انا اتكلم بصراحة وأشتمك، فى حاجة اسمها احترام وتقدير ده حتى ما احترمش أحمد عدوية والمثل بيقول اللى مالوش كبير يشترى له كبير، وطول عمرنا بنعتبر أحمد عدوية كبيرنا، وهو لا احترم كبير ولا صغير، عشان هو فعلا صغير وهيفضل كده مدى حياته لأنه مكنش المفروض يطلع ويتكلم عننا بالأسلوب ده قدام الناس كلها".
وعن رأيه فى سعد الصغير وفنه وطربه يقول شعبان عبد الرحيم: "فى نظرى سعد أراجوز ومونولوجست ملوش أى لازمة، ولا عنده فن ولا طرب، ولو فنان حقيقى يطلع يغنى لينا حاجة من أغانى زمان للست أم كلثوم ونكشف طبقات صوته ويتعرى قدام الجميع".
![الصغير وشعبولا الصغير وشعبولا](https://img.youm7.com/ArticleImgs/2017/3/26/202039-الصغير-وشعبولا.jpeg)
الصغير وشعبولا
وتوعد شعبان عبد الرحيم سعد الصغير قائلاً: "لما أشوفه مش هسيبه، لأنى ماتعودتش أغلط فى حد، وطول عمرى بقول كلام كويس فى حق زمايلى الكبار والصغيرين، وده اللى اتربينا عليه من الكبار اللى سمعنا أغانيهم واتعلمنا منها الاحترام والفن ويعنى إيه عيش وملح".
عدد الردود 0
بواسطة:
وليد
ههههههه
كتكم نيله انتوا الإتنين
عدد الردود 0
بواسطة:
ماجد
برافو عليك يا شعبولا
فعلا ده اراجوز ومالوش غير فى هز الوسط . ده بيرقص اكتر ما يغنى ولو غنى بيغنى بحبك يا حمار .. امثاله هم اللى بهدلوا الفن وجابوه ورا واخرتها بيغنى هل راى الحب سكارى ..لو ثومة عايشة كانت دفنته حى . جار علينا الزمن نسمع اراجوزات تغنى للست
عدد الردود 0
بواسطة:
Ayman
بصراحة ووضوح
بصراحة انتو الاتنين إنعكاس لحالة التردي الفني التي تعيشها مصر منذ سنوات ولا اعتقد انكم تعرفون معني كلمة طرب التي ترددونها وتتشدقون بها ومن وجهة نظركم ونظر جمهوركم اللي مسقط البناطيل اللي هو برضة بيمثل الحالة المصرية الفجة والمتردية أن ما تقدمونه فن ولكنه بعيد كل البعد عن الفن وبلاش اوصفه وخليني محترم!!
عدد الردود 0
بواسطة:
مجدى
حرب الغلابة بيتخانقو على رغيف عيش انتم الأتنين صبيان عوالم ولا ليكم اى لزمة فى الوسط
فوق
عدد الردود 0
بواسطة:
.....
....
واحد بيغني ورا رقاصه عريانه والتاني ايييييييه جتكم القرف انتوا الجوز
عدد الردود 0
بواسطة:
فاهم
فينك يا حلمي بكر ترد عليهم هما الاثنين :)
فينك يا حلمي بكر ترد عليهم هما الاثنين :)
عدد الردود 0
بواسطة:
مصرية
شعبان عبد الرحيم كلامه عاقل ويراعي الأصول
بالرغم من بساطته وبساطة اللغة التي يتحدث بها والتي تعبر عن البسطاء في بلدنا إلا أن كلامه والحق يقال كله حكمة وعقل ويراعي فيه الأصول واحترام الكبير وهذا شيء أصيل ونبيل في شعبنا الكريم
عدد الردود 0
بواسطة:
سوسن الحلوانى
عييييييييييييب تغلطوا فى بعض
كل من يؤدى ويقف امام الجمهور ويحفظ الكلمات والالحان فهو فنان . ولابد ان تختلف الاذواق .
عدد الردود 0
بواسطة:
م/ عاطف عبد الهادى
لا هذا ولا ذاك
لا ده مطرب ولا ده مطرب، الطرب حاجه تانيه خالص، دول بيادوا وبيقولوا كلام كويس وله معانى زي معاك فلوس تدوس، ناس تحضن تبوس، ومن اول يناير هابطل السجاير هاكون إنسان جديد وهاشيل حديد، كلام كويس وله معنى0 اما الطرب ألشعبى حاجه تانيه تلاقيه عند محمد طلب، ومحمد رشدى والعزبى،،،،،،وحسن الاسمر0
عدد الردود 0
بواسطة:
طب هيـــــــ هـــــــــــــ ـهـــــــــــــ ـهــــــــــــــ
طب هيـــــــ هـــــــــــــ ـهـــــــــــــ ـهــــــــــــــ
أنت غلطان يا شعبولا كنت قلت له طب هيـــــــ هـــــــــــــ ـهـــــــــــــ ـهــــــــــــــ