قال شريف فتحى وزير الطيران المدنى، إنه غير راض عما وصلت إليه شركة مصر للطيران، مضيفا فى حديثه لنواب البرلمان خلال اجتماع لجنة السياحة : "أى شركة محتاجة إمكانيات مادية، وشوفوا الموازنة العامة للدولة، إحنا مكلفناش الدولة ولا مليم، وعندنا مشكلة كبيرة منذ الثورة علشان نخرج منها محتاجين سنوات، وقد لم يكن هناك خطة طويلة المدى فى فترة من الفترات، لكن احنا فعلا عاجزين عن المنافسة".
وردا على سؤال النائبة سحر طلعت مصطفى رئيسة اللجنة، بالبحث عن مصادر تمويل إضافية، قال وزير الطيران، إن شركات مصر للطيران حققت أرباحا بالموازنة الجديدة، عدا شركة الخطوط الجوية، متابعا : "ودى لما بتقول آه، بتوجع وتسمع"، مؤكدا على أن تكلفة الوقود وقطع الغيار لشركات الطيران بالدولار.
وتابع الوزير فى حديثه للنواب، أن هناك أرقام مخيفة بشأن الالتزام الخارجى من جانب شركة مصر للطيران، متابعا: " قرار تعويم الجنية ضاعف الأقساط وأمور أخرى، لكن مش هنقعد ونعيط جنبها، لكن هنشتغل وهنكمل".
واستنكر فتحى سرد عدد من المواطنين لتجارب شخصية، أو مواقف سيئة تجاه شركة مصر للطيران، مضيفا فى كلمته لنواب البرلمان: "إحنا إللى بنعور نفسنا بنفسنا، احنا بنسئ للشركة، وفى جهات وصحف أجنبية، بتاخد الكلام دا وتعظمها ضدنا".
وأضاف إن شركة مصر للطيران ليس لها دور فى الأدوية المهربة، موضحا أن وزارة الداخلية تقوم بدورها فى التأمين، قائلا: "مصر فى حالة حرب، ونحن نواجه تحديات وإجراءات غير تقليدية تؤثر على سيولة وانسيابية حركة الركاب فى المطارات".
وأكد الوزير، أن هناك استثمارات بنحو 43 مليونا فى بنيه أساسية للتأمين، متابعا: "تكلفة الأمن عالية، وهناك منظومة كاميرات تتم، ولم ندخر جهدا أو مالا لتأمين المطارات".
.jpg "لجنه السياحة (1)")
.jpg "لجنه السياحة (2)")
.jpg "لجنه السياحة (3)")
.jpg "لجنه السياحة (4)")
.jpg "لجنه السياحة (5)")
.jpg "لجنه السياحة (6)")
.jpg "لجنه السياحة (7)")
.jpg "لجنه السياحة (8)")
.jpg "لجنه السياحة (9)")
.jpg "لجنه السياحة (10)")
.jpg "لجنه السياحة (11)")
عدد الردود 0
بواسطة:
مدحت
ياناس ياهووووووو
نفسي سياده الوزير يفضي وقته نصف ساعه ويشوف اسعار جميع شركات اوربا ويشوف اسعار مص للطيران المتجه الي مصر هايلاقي ان اعظم شركات الطيران مثل الالمانيه والفرنسيه والهولنديه والانجليزيه وحتي التركيه ارخص جدا من المصريه وعشان كده 90% من المصريين المغتربين في اوربا مابيفكروش ينزلو علي مصر للطيران فوق بقي ياسياده الوزير انا مش شايف اي ميزه لمصر للطيران تفوق طيران العالم انا نفسي حد جرئ يفهمني انتم بتحسبوها ازااااااي والله العظيم اداره ضيعت الشركه الوطنيه الله يكون في عون الرئيس السيسي بتهدو كل اللي بيعمله للبلد انتم ناس ماعندهاش وقت تشوفو اسعار التزاكر العالميه وبتحطو اسعار اعتباطا وعايشين في وهم ان اللي مش هايركب مصر للطيران حاله هايقف ومش هايسافر عفوا انتم ك الكبير بتاعكم تنسكو موقف عبود يتاع السرفيس والبيجو
عدد الردود 0
بواسطة:
ضد سياسة الدولة
بعد غياب 14 عام ونقله من الأسبوع الأول من شركة لشركة ضد القانون
مايحدث فى الجهة التخصصية بالشركة الوطنية هو فوق الوصف وتظلم الأفراد من الظلم من قدوم أحد الأشخاص بعد غياب 14 عام ونقله من الأسبوع الأول من شركة لشركة ضد القانون وبدون تولى رئيس قسم أو مدير أدارة وفجاءة مدير عام بعد 14 عام مصاحبة الرفيق أى بلا عمل وماهو المقابل هو تمرير الفساد والفواتير المضروبة والمشاريع التى لاتتكمل ولن تكمل ومكلفة الشركة والدولة مليار جنيه كل كام شهر ووظيفته الأولى هو القضاء على كل من هو ضد أهدار امال العام بظلم رفعه من الأشراف وأدعاءات كاذبه بعدم الحضور ومحاولة أنهاء عمله رغم كفاءته هو اشبه بافتراء وكل مايزيد عن الحد ينقلب بالضد وكثرة الظلم بالتعدى الأضغر بالفاظ خارجة ورفع الأقل وأستبعاد الكفىء هو ضد سياسة الدولة بمحاربة الفساد والقضية مفنوحة والدلائل موجودة ومقابلة كبار الدولة جارى .