قال المتحدث الإعلامى باسم نقابة الموسيقيين لـ"اليوم السابع"، إن أوكا وأورتيجا ليسا أعضاء بنقابة الموسيقيين، وإنما يعملان بتصاريح متجددة، مؤكدا أن القانون لابد أن يأخذ مجراه، خاصة أن النقابة تحترم القانون وتطبقه على نفسها قبل الغير، وأوضح مرتضى أن النقابة كانت قد سبقت ورفضت إصدار تصاريح لهما عندما تقدما إلى لجنة التصاريح فى الغردقة وذلك، لأن تصاريحهم لا تصدر إلا من لجنة القاهرة، التى لم يحن موعد عقدها بعد.
وكشفت مى كساب، زوجة المطرب الشعبى "أوكا"، أن أوكا وأورتيجا تم تحديد جلسة لهما بتاريخ 12 أبريل للفصل فى صحة بيانات أوراق القيد العائلى الخاص بهما، حيث ترى مى أن ما يحدث لزوجها وراءه مدير أعمالهما السابق أحمد الطحاوى كنوع من الرد عليهما بعدما قررا تركه منذ عام 2014، والتوقيع مع وليد منصور ليكون منتجا لفريق 8%، وأنها لن تترك حق زوجها، مؤكدة أنه برىء وهو ما دفعها لعمل محضر فى قسم الشرطة ضد أحمد الطحاوى مدير أعمالهما السابق، لاستغلاله التوكيل العام الذى حصل عليه من مطربى المهرجانات لتزوير قيدا عائليا لهما حتى يتمكنا من السفر، لافتة إلى أنه إجراء خاطئ لأن أوكا وأورتيجا لم يطلبا للتجنيد بسبب سلامة أوراقهما، إذ أن كلا منهما يتحمل مسئولية أسرة، فأوكا والده تجاوز الـ65 عاما وهو عائل الأسرة، أما أورتيجا فوالده منفصل عن والدته منذ 15 عامًا، وبالتالى فهو عائل أسرته أيضا، فيما دشنت مى هاشتاج أوكا وأورتيجا مظلومين للدفاع عنهما.
وكتبت الفنانة مى كساب على صفحتها على "فيس بوك"، مساندة زوجها بعد منعه من السفر مع أورتيجا، وصدور قرار بحبسهما 15 يوما على ذمة التحقيقات.
وقالت مى: جوزى يا أطهر قلب وأنقى إنسان شفته فى حياتى ربنا عالم أنت أد إيه مظلوم، ربنا أكبر من الكل، ربنا الحق العدل المنتقم الجبار حسبى الله ونعم الوكيل فى اللى ظلمك أنت وأحمد حسبى الله ونعم الوكيل فى أى حد شمتان فيك أنت وأحمد، ربنا هيظهر الحق ويمكرون ويمكر الله والله خير الماكرين، ربنا كبير شدة وتزول وامتحان كبير من رب العالمين وإحنا هنكون أده بإذن الله والشدة هتبين كل واحد على أصله ربنا ينصركم وإن ينصركم الله فلا غالب لكم النهاردة شفت حب الناس ليكم بجد شفت أخواتكم الغلابة اللى زيكم وهما واقفين يقولوا دول فاتحين ٢٨ بيت ٢٨ بيت فى رقابتكم وأكتر ربنا هينصركم وهتخرجوا أحسن من الأول، ربنا عالم أنتوا عانيتم فى حياتكم أد إيه وشفتوا ظلم أد إيه وهيريح بالكم ويسعدكم ويعوضكم عن كل لحظة ألم، الألم بيقوى وبيكبر بأحبكم وهأفضل وراكم لو دفعت عمرى لأنى مؤمنة إنكم مظلومين، ومؤمنة إنكم على حق وشاهده أمام رب العالمين على كل ظلم بتشوفوه بس جوايا يقين بالفرج إن بعد العسر يسر بيتك وحش من غيرك يا حبيبى إن شاء الله هترجعو وتنورو حياتنا شكرًا لكل إنسان وإنسانة واقفين جمبنا #اوكا_واورتيجا_مظلومين.
وكان مطربا المهرجانات أوكا وأورتيجا توجها للسفر إلى الإمارات، صباح أمس الخميس، وفوجئ ضابط الجوازات عند وضع الكارت الخاص بـ"أوكا و"أورتيجا" على أجهزة الحاسب الآلى، بوجود اسمهما على قوائم المنع من السفر بناء على تعليمات مصلحة الجوازات.
عدد الردود 0
بواسطة:
محلاوي
وهل الهروب من التجنيد مش جريمه
عماله تولول وتدعي علي اللي شمتان ولم تذكر سبب واحد للهروب من التجنيد طوال هذه المده ياست هانك العائل الوحيد للأسره يستخرج له شهاده اعفاء مؤقت لحين بلوغ الوالد الستين سنه أما لو له أخوه وحتي من سيده اخري لابد من التجنيد طالما وصل للسن القانوني لطلبه. أو يؤجل تجنيده لحين انتهاء أخوه من فتره التجنيد مش حجه والسلام طالما هما مشهورين يبقوا معفيين من التجنيد وبعدين مدير اعماله فسخ العقد من ثلاث سنوات. يعني كان منتظر طوال هذه المده علشان يبلغ عنهم. والا هما لم يخرجوا بره مصر طوال ثلاث سنوات. والنبي. قولي كلام معقول اللي إخطأ يتحاسب سواء هم أو هو بالمناسبه محمد رمضان الممثل. اكثر شهره منهم تم تجنيده
عدد الردود 0
بواسطة:
مجد
و ان استضافتهم
يعطوا دروساً فى الوطنية و حب الوطن .. و مش بعيد يعملوا اغنية وطنية ^_^
عدد الردود 0
بواسطة:
اوكا وارتيجا
هشتاج اية
فى جلسة فصل .يعنى قضاء .لاهشتاج و? يحزنون .ننتظر كلمة القضاء.وباللة التوفيق
عدد الردود 0
بواسطة:
فاهمه الأول يعني إيه راب
فاتحين 28 بيت و بيسمم 20 مليون طفل و مراهق .. و الهانم بتقول راب شعبي إنتي فاهمه يعني إيه راب
>>>
عدد الردود 0
بواسطة:
مشمش
مى كباب متواطئه معهم فى هذا التزوير..ولابد من حبسها معهم 3 سنوات
...العيب على اللى سمح بمغنواتيه التوكتوك والبانجو ..الاستمرار فى ممارسه هذا العك
عدد الردود 0
بواسطة:
هشام غباشى
اغانى الضياع
بالذمة دى اغانى اللى بيغنوها دة اسمة افساد للاجيال اللى جاية عايزين يهدموا الفن الشعبى الجميل باغانيهم اللى محدش فاهم من كلماتها حاجة كلة خبت و رزع و خلاص ربنا يرحم ايام الفن الشعبي الجميل فنانينا العظام قمم الفن الاصيل
عدد الردود 0
بواسطة:
ahmed
مين دووول
مين دى ومين دووول ا? نضيع وقتنا معاهم الذى يسعوا لهدم القيم
عدد الردود 0
بواسطة:
علاء
تلوث سمعي وق ادب
الدوله الوحيدة في العالم اللي تلاقي القرف ده فيها تلوث سمعي وقله ادب ومسخره وايحاءات جنسيه مشوفتش دوله في العالم القرف ده بيجيب فلوس فيها الا هنا وازاي سايبنهم يقرفونا كده ومين له مصلحه في استمرار الفساد ده ومحدش يقول اكل عيش ممكن تاكل عيش على تاكسي او تتعلم لك صنعه محترمه لو انت جاهل لكن تفسد اخلاق الشباب الصغير وتقول اكل عيش لابد من ايقافهم فورا مصر فيها ناس متعلمه ومحترمه كتير حرام تتظلم في وسط الوباء ده
عدد الردود 0
بواسطة:
اكتر ناس مظلومة فى حياتهم
اكتر ناس مظلومة فى حياتهم
طب ازاى بلعقل كدة انهم القيد العالى مظور وبيسفرو المدة دى كلها برة مصر وبيعملو حفلات فى كل مكان والناس بطور فى المزيكا دى يالى بتقولو خبط ورزع هما احسن منكو بكتير على الاقل ناس شيفا شغلها وعاوزة تعمل حاجة كويسة واختراع مميز فى مصر لاكن نقول اية حسبى اللة ونعمة الوكيل فى اى حد مستغل الفرصة دى عشان يوقعهم او اى حد شمتان فيهم هما ملهومش دعوة بلناس التانية اللى بتعمل مهرجنات فيها قلة ادب عشان تتشهر (حسبى اللة ونعمة الوكيل)
عدد الردود 0
بواسطة:
احمد محمد
حسبى ياالله ونعمه الوكيل
هو اصلا اوكا واورتيجا مغنوش اغانى مش محترمه دى مهرجنات وبعدين ناس كتير بتسمعه ومش علشان حضرتكم عمركم معشتوا فى مناطق سوابا يا اللى بتتكلموا فمش فهمين معنها فحضرتكم اكيد عندكم اولاد فكل واحد يخلى فى حالوا وبعدين البيوت اسرار