انفرد "صوت الأمة، بتصريحات خاصة، من الرئيس الأسبق محمد حسني مبارك، في اتصال هاتفي، بعد حصوله على حكم البراءة في قضية قتل المتظاهرين.
وتحدث مبارك فى الانفراد عن حالته الصحية، وتفاصيل القضايا التي تنتظره بعد البراءة، وعن المكان الذي سيقيم به بعد إنهاء إجراءات الإفراج، وموقفه من الإقامة في شرم الشيخ، وعن إمكانية رجوع علاء وجمال إلى ساحة الإعلام مرة أخرى.
وجاء نص المكالمة كالتالي:
- عاوزة أقول للناس أنت هتروح أمته من المستشفى؟
مش عارف هروح أمته
- طيب حضرتك كدة أكيد مش رايح شرم الشيح؟
متتعبيش نفسك معايا
- هو لسة فاضل قضايا الكسب غير المشروع؟
خليهم مع الكسب غير المشروع خليهم ييجوا ياخدوا اللي حيلتي.
- الله يكون في عونه
آاااااه والله الله يكون في عونه ادعيله
- طيب نطمن الناس على صحتك
ومين اللي قال إني عندي حاجة أنا كويس
- طيب بعد البراءة مين اللي قتل المتظاهرين
مش عارف روحوا اسألوهم إنتي بتسأليني أنا أنا معرفش حقيقي مين اللي قتل المتظاهرين
- أنت مش زعلان أن محطة مترو مبارك اتغيرت باسم محطة مترو الشهداء
ياستي متجرينيش أنا أنصح منك يكتبوا الشهداء يكتبوا أي حاجة أنا ميهمنيش
- تم الاستعانة بأحد الوزراء في عهدك الدكتور علي مصيلحي.. فما تعليقك؟
انتي ناصحة قوي.. مين علي مصيلحي دا أنا معرفوش
- دا وزير التموين يافندم
هو فيه تموين؟.. هو فيه وزارة تموين دلوقتي؟
- آه في وزارة تموين يافندم
أنا معرفش والله أنا مبتابعش جرائد
- أيه دا حضرتك مش بتابع جرائد ولا وسائل إعلام خالص؟
أنا مبقراش جرائد خالص .. أنا بقرأ مجلات فرنساوي وروسي وإنجليزي
- بس أنا عارفة أنه حضرتك متابع جيد للصحافة والإعلام يوميا
ولا متابع ولا حاجة أنا مريح مخي منكم
- آه إحنا مزعجين
فعلا أنتوا مزعجين
عدد الردود 0
بواسطة:
مصرية
ربنا يبارك فى صحتك وينصرك يارب
لو حد ثانى مر بنفس ما مررت به فى خلال السنوات الماضية كان سقط من كمية الضغط والتطاول ربنا يقويك وينصرك .,.ويبعد عنك من يكره البلد ويتكلم باسمك ..مثل أبناء مبارك الذين يتكلمون طوال الوقت باسمك ويكرهون البلد ..وأنت برىء منهم
عدد الردود 0
بواسطة:
Hesham
عال عال عال
عال عال عال
عدد الردود 0
بواسطة:
ميشو
زهايهر
كل يوم يعدى علي مصر ونشوف تخطيط المدن و الطرق و انشاء مصانع وبنية تحتية حقيقية فى عهد البطل الحقيقى السيسى نتأكد انك لم يكن عندك نظر يا لص الاموات إذهب الى الجحيم انت واولادك يا طاغية
عدد الردود 0
بواسطة:
تامر كمال
بطل ياسيادة الرئيس
وحشنا ضحكتك وخفه دمك وحشنا صوتك ربنا يديلك الصحه ياسيادة الطيار القائد المحترم تحياتي لمسجله اللقاء المكافحة حتى تحصل اي تصريح مع اعتراضى على تنويه ان محطه مترو تم تغير اسمها لا وقته ولا زمنه ولا تفرق مع الرئيس مبارك في اي شى.
عدد الردود 0
بواسطة:
ريح ضهرك
z
أجمل جمله فى الحوار بيقول لها هو فيه وزاره تموين دلوقت
عدد الردود 0
بواسطة:
احمد
لاجديد تحت الشمس
ااااا
عدد الردود 0
بواسطة:
gaafar almasry
الكبير كبير ، حتى فى ردودك وتعليقاتك
احترم كلماتك المختصره هذه ، ولك كل تقدير والتاريخ فعلاً سيثبت لكل واحد ما له وما عليه حوار موفق
عدد الردود 0
بواسطة:
رانيا
عبط
هيفضل اسمها مبارك هيفرق ايه . لو كان مبارك وحش ماكانش اتشال ..كان زمانه قاعد رئيس زي ماهو ... والشهداء ماكانش نيتهم وحشة بس اضحك عليهم .
عدد الردود 0
بواسطة:
الشاعرابراهيم صبر
مبارك باني مترو الانفاق
مبارك باني مترو الانفاق السادة الركاب مترو الانفاق 00000 افتكرو ا مبارك باني مترو الانفاق ----- شالو اسمة من علي محطة ظلم ونفاق 00000 بنفتكرو ا في كل محطة لمترو الانفاق ---- والتاريخ هيخلد اسمك واعمالك الجليلة 00000 ويمحو كل متجبر وذوى النفوس العليلة ----- الشاعرابراهيم صبرة
عدد الردود 0
بواسطة:
مصرية مبارك
بطل اكتوبر وحبيب الشعب
بحبك يا اروع رئيس حكم مصر من بعدك نسينا اى فرح ربنا يعطيك الصحة يا بابا مبارك يا حبيب الشعب