أكد مصدر أمنى، أن الإدارة العامة لمرور القاهرة، ستنتهج نظام جديد بالإدارة من خلال إدخال كافة بيانات السيارات، أثناء التجديد أو استخراج التراخيص، لأنه فى حالة ارتكاب مخالفة مرورية معينة داخل ميادين العاصمة، سيتم إرسال رسائل نصية عن نوع المخالفة على الهاتف الخاص بسائقى المركبات بعنوان "أحذر أنت مخالف" و مرفق به نوع المخالفة وتفاصيلها والمكان الذى ارتكبت فيه.
وأضاف المصدر، لـ "اليوم السابع"، أن إرسال الرسائل النصية على الهواتف المحمولة، تحتوى على تنبيه هام على سائقى السيارات، وهو يجب التصالح فى مدة لا تقل عن 3 أيام وبمجرد انتهاء المدة المحددة لهم سيتم دفع المخالفة كاملة، وسيتم الانتهاء من النظام بنهاية السنة الحالية، موضحًا أنه سيتم إدخال أساليب حديثة أخرى، لكافة الميادين من خلال تركيب إشارات ضوئية و كاميرات حديثة لها أبعاد و تقنيات حديثة لها القدرة على مراقبة كافة الطرق.
وأشار المصدر، إلى أن هناك نظام أخر تم الانتهاء منه لرصد مخالفات مرورية عن طريق كاميرات مراقبة، تم تركيبها بالطرق والميادين الهامة بنطاق العاصمة تتم عن طريق رصد المخالفة وإرسالها إلى غرف عمليات داخل الإدارة و يتم تجميعها وإرسالها عن طريق نظام إلكترونى لنيابة المرور، دون أى تدخل بشرى إلا فى الحالات الطارئة منها الحوادث المرورية و المصادمات التى تستلزم تواجد رجال المرور.
وأوضح المصدر، أن أجهزة الرادار التى تم تركيبها بمحور "أن أى" و كوبرى أكتوبر ومحور المشير طنطاوى، ساهمت فى الحد من الحوادث المرورية حيث فى بداية تركيب الرادارات تم رصد 9800 مخالفة تجاوز سرعات فى أول شهر وبمجرد الإعلان عن عقوبات رادعة بعد تركيب الرادارات وصلت الى 2128 مخالفة، وسيتم تركيب أجهزة رادار أعلى الطرق السريعة بنطاق المحافظة لرصد تجاوز السرعات، وكذلك لمتابعة حوادث السير.
وأضاف المصدر، أن هناك أنظمة حديثة وإلكترونية، سيتم إدخالها خلال الفترة المقبلة بالطرق والميادين مع تركيب كاميرات مراقبة لرصد الحالة المرورية بالطرق من خلال رصد غرف العمليات بإدارة المرور، حيث يتم التعامل معها بشكل سريع بانتقال رجال المرور والتعامل مع البلاغات، وهناك طفرة لاسلكية وتم تدعيم كافة الخدمات بأجهزة لاسلكية للتعامل مع الأحداث.
عدد الردود 0
بواسطة:
جتكوا وكسه
جتكوا وكسه
موقع الحكومه الألكترونيه الخاص بمعرفة مخالفات المرور عطلان من سنتين مش وكسه و تحيا مصررررررررررررررررررررر
عدد الردود 0
بواسطة:
ميشو
الكرمشه
يجب القضاء علي ظاهرة الكرمشه لأفراد المرور وبعدين اعمل أي حاجة هتنجح الكرمشه دي مشكلة كبيرة لازم تكرمش عشان تنجح انا مش بهزر
عدد الردود 0
بواسطة:
اشرف سلامة
له كله الكترونى و بالصور - مافيش مانع - بشرط مد فترة التصالح الى "شهر"
ربما يكون هذا نظام جيد (دة لو عرفنا فعلا نطبقه) ولكن يجب مد فترة "التصالح" الى شهر بدلا من 3ايام حتى تكون هناك فرصة لتدبير مبلغ التصالح وكذلك منع التزاحم ، طبعا مطلوب ان يذكر فى الرسالة النصية قيمة مبلغ التصالح - والأهم من دة كله ان يكون رصد المخالفات بالصورة و خارج تماما تماما تماما عن تحكم العنصر البشرى (اكيد طبعا فاهمين الحتة دى)
عدد الردود 0
بواسطة:
مجدى عيسى
فكرة كويسة بس ياريت تتنفذ صح ومنلاقيش الرسايل جاية وهى العربية مركونة تحت البيت بقالها اسبوع
هى فكرة كويسة عشان المواطن مايتفاجئش بالمخالفات على بعضها فى يوم تجديد الرخصة اللى غالبا بيكون بعد 3 سنوات ، وممكن تكون مخالفات "مضروبة" بس طبعا بيدفع لأنه مش معقول حيفتكر بعد 3 سنين اللى حصل يوم المخالفة او ايه ظروفها - بس انا شايف ان 3 ايام فقط مدة قصيرة جدا للذهاب الى الإدارة ودفع غرامة التصالح - المفروض ماتقلش عن 15 يوم زى مدة صلاحية شهادة المخالفات.
عدد الردود 0
بواسطة:
بولا عادل
رسالة الى رجال المرور (اذا اردت ان تطاع اطلب ما هو مستطاع)
يجب تعديل السرعات القصوى لكثير من الطرق لتكون مناسبة للسيارات الحديثة(90 كم مش عارف ادى الخامس ولا الرابع) . يجب توحيد السرعات القصوى على الطرق السريعة . ( الطريق الزراعى شوية 90 وبعد كدة 60 وبعدة 40 ....) مش عارف اركز على الطريق ولا على يفط السرعة القصوى ويريت علمات مضيئة للمطبات (حرام عليكو انا بكل مطبات اكتر مما اكل طعام) وشكرا
عدد الردود 0
بواسطة:
م فهمي الغزالي
الاولويات
حتي الان يتم تسليم المواطنين لوحات معدنيه عليها مخالفات من المالك السابق للوحه، وترفض النيابة رفع المخالفات ، ويتعذب المالك الجديد للوحات بين النيابة العامه للمرور وأداره الحاسب الآلي بالداخلية ونيابه المرور التابع لها لالغاء مخالفات لاتخصه أصلا. عيب
عدد الردود 0
بواسطة:
محمد شهاب
عندكم حق
أتفق تماما مع التعليقات الأربعة الأولى .... ناس بتفهم
عدد الردود 0
بواسطة:
bepop
فكرة هايلة
للحد من المخالفات الكيدية ومحاربة الفساد من بعض الأفراد , وياريت يتعمل كشف نفسى وعلى متعاطى المخدرات للسائقين قبل إصدار رخصة القيادة ، حتى ننقذ مايمكن انقاذه من ارواح بريئة لا ذنب لها ، وسحب التوك توك من وسط القاهرة وضواحيها الرئيسية .
عدد الردود 0
بواسطة:
م تامر
ارحمونا يرحمكم الله
الي رقم 1 انا مواطن زي زيك حضرتك موقع المخالفات يعمل بكفاءة و تقدر حالا تجربه بنفسك وكمان في امكانيه التظلم على المخالفه وبيتم معاك ان في مخالفات ملهاش علاقه بالواقع وهتدفع حتي لو اتظلمت الي رقم 3 هو مش اختراع وموجود في الخليج من سنين مش أوروبا ! إحنا بس الي نسينا أننا في ام الدنيا مش معني كده اني عاجبني الحال! لا في مشاكل المفروض نهاجمها بس نهاجم مشاكل موجوده علشان النقد ميفقدش المصداقيه
عدد الردود 0
بواسطة:
خالد
لا الموقع فعلا مش شغال
1- يجب القضاء على المحسوبيات وكله يدفع الغرامه بما فيهم القضاء 2- يجي تصوير المخالفه للقضاء على العنصر البشرى لعدم التشكك من المخالفه واعنى امين الشرطه 3- يطبق النظام بالاماكن المنظمه حيث ان الاماكن معظمها عشوائيه بسبب عدم تنظيم الشارع وعدم وجود ضابط او رابط له وكله ماشى عكسى في وش كله والميكروباص ركنته تحميل وتنزيل على اليوترن والملفات عادى 4- كل العربات تركب النمر علشان تعرف تاخد المخلفه كله بدون استثناء لاى حد 5- عمل قناه توعيه بالتلفزيون بارشادات وقواعد ومخالفات المرور لان فى ناس كتير مش فاهمه حاجه 6- عمل ماده بالمدارس من اعدادى الى 2 ثانوى فقط اسمها اداب وقواعد المرور للناس اللى ماشيه وللركاب 7- ترخيص كافه المركبات بنمر بلا اثتثناء وتحديد قواعد تشغيلها (توكتوك - ترسكل - كارو زززالخ) دا لو احنا عاوزين نتقدم ونصلح حالنا بجد انما لو لم فلوس وخلاص خلى مده التصالح 10 دقائق واللى ميدفعش اديلوا اعدام وبرضه الناس هتخالف وهنفضل فى حرقه الدم اليوميه ذهابا وايابا من والى اعمالنا .. اسف للاطاله