مصر كل يوم تتشح بالدم
ويزيد على همومها ألف هم وهم
دم مسلم دم مسيحى ما هو كله دم
بيوجع قلوبنا ويصيبنا كلنا بالغم
ده الألم جوانا بقى واعر وجم
والحزن فى الشوارع ع الكل عم
بسبب إنسان عقله اتعمى وصبح أبكم أصم
قلبه صار أقسى من الحجر ناشف أصم
فجر حزامه فى النبيل عماد اللى لحضنه ضم
لأجل أما يحمى أهل بلده من موت أعم
شاف أن موته حياة للآخرين وده الأهم
ضحى بنفسه ورسم لغيره بسمة ع الفم
ما هى دى مصر اللى عارفينها وحافظينها صم
مهما عدت عليها ليالى ملهاش عدد ولا كم
حيفضّل حبنا ليها من السما لليم
دى أُمنا اللى علمتنا إزاى تكون الإيد ف الإيد
لغاية ما يشق نورها عتمة الأيام ويقرب لنا الحلم البعيد
عدد الردود 0
بواسطة:
د.نيفين غنيم
الاسكندرية
اكثز من رائع ربنا يقدس ارواح شهدائكم ويرحم شهدائنا. مصر هتستمتر ايد واحدة ولن يهزها شرذمة من المختلين ابدا
عدد الردود 0
بواسطة:
هالة المسكى
مصرنا
كلمات معبرة بالصدق والألم ناطقة .. اكتر من رائع
عدد الردود 0
بواسطة:
شيرين شوقي
قصيده معبره
قصيده معبره و كلام من القلب يعبر عن حزن كل المصريين بالتوفيق يا سامح
عدد الردود 0
بواسطة:
طارق احمد
ابداع من رحم المأساة
كنت اتمنى قراءة ابداعاتك فى ظروف افضل من تلك شكرا لك
عدد الردود 0
بواسطة:
صفاء بكر
مصرنا
رائعه ياسامح رحم الله شهدائنا وحفظ الله مصرنا الحبيبه