أحرجت الحاجة زينب والدة الفنانة نشوى مصطفى، ابنتها على الهواء بتوجيه سؤال لها قائلة: "ليه كنتى بتخبى هدومك فى فرن البوتاجاز؟!".
وردت الفنانة نشوى مصطفى، خلال لقاء ببرنامج "تلاتة فى واحد"، على فضائية "ON E"مع الفنانة شيماء سيف: "أختى نيفين، بنشترى كل واحدة طقم عشان نبدل مع بعض، لما ألبس طقمى يجيى الدور عشان تاخد طقمى فكنت بخبيه فى فرن البوتاجاز اللى استحالة تلاقيه".
وتابعت: "الشقة فيها بابين ألبس لبس أختى مرة وأقوم لابسة فى الحمام وأطلع من الباب التانى وكنت أنسى وأرجع من الباب.. تشوفنى وتقولى هلبس بلوزتك مرتين أروح أديلها 10 جنيهات عشان تسكت".
من ناحية أخرى، وجهت والدة الفنانة شيماء سيف، سؤالاً لابنتها حول سبب تعصبها السريع، وردت الفنانة قائلة: "بحب كل حاجة فى الحياة تتعمل صح".
