أكدت الفنانة مى كساب أن الموقف الذى يمر ببه زوجها "أوكا" هو أصعب موقف مر بها بحياتها، لافتة إلى أنه مظلوم لأنه ضحية طيبته وسذاجته، إضافة إلى تعليمه المتواضع الضحل، وثقته الزائدة بأى شخص يقرب منه.
ونشرت مى صورة لأوكا وأورتيجا، عبر حسابها بموقع تبادل الصور "إنستجرام"، معلقة عليها برسالة لكل متابعيها، مطالبة بالدعاء لهما لأنهما مظلومان، على حد قولها.
وقالت مى فى رسالتها: "كل إللى يعرفنى من قريب يعرف كويس أنى عمرى ما كرهت حد ولا عمرى اذيت حد ولا عمرى عملت تصرف مخل بالشرف ولا اتنازلت عن شرفى ولا كرامتى فى يوم من الأيام واستحملت ظلم كتير واضطهاد ومحسوبيات".
وتابعت: "وكنت طول الوقت بأصبر نفسى بكلام أبويا الجميل إللى ربانى على القناعة كان دايما يقولى أنتى عاملة زى عسكرى فى الجيش كل شويه بيترقى بجهده وتعبه ويتنقل من سلاح لسلاح أنا مريت بظروف صعبة كتير فى حياتى".
وأضافت: "للأسف بقالى 4 سنين مش باشوف يومين حلوين على بعض أنا باعيش اقسى أيام حياتى من يوم 1/12/2012 يوم ما اكتشفت أن أمى عندها السرطان وأنا مش مى أنا واحدة تايهة مش لاقية نفسها موت أمى كسرنى ومن بعدها أحداث كتير قوى وجعتنى القريبين منى عارفين انا استحملت حاجات صعبه كتير اد ايه السنين اللى فاتت".
أكدت أن الموقف الحالى الذى يمر به زوجها من أصعب المواقف التى مرت بها، قائلة: "ده أصعب موقف اتحطيت فيه من يوم ما اتولدت مش عشان ده جوزى وحب عمرى وإحساسى بعدم وجوده جمبى كأن روحى متاخده من جسمى لا عشان متأكدة أنه مظلوم متأكدة أنه ضحية طيبته وسذاجته وللأسف ضحية تعليمه المتواضع الضحل ضحية ثقته الزيادة عن اللزوم فى أى شخص يقرب منه ويضحك عليه ويقوله أنا هاعملك ويوعده وعود كدابة وفى الآخر يستغله ويورطه".
اختتمت رسالتها قائلة: "طبعا لما باتكلم عن محمد كأنى باتكلم عن أحمد كمان #أوكا_وأورتيجا روح واحده فى جسدين ثقتى فى رب العالمين كبيرة جدا أنه هينصرهم ويفك كربهم ثقتى فى عدالة القضاء العسكرى كبيرة أنه مش هيظلمهم ثقتى فى قلوبكم الرحيمة كبيرة إنكم هتقفو جمبهم ادعولهم وادعموهم اقسم بالله العلى العظيم #اوكا_واورتيجا_مظلومين".
مى كساب
عدد الردود 0
بواسطة:
عبد السلام
دى مش سذاجة
اى بنى ادم فى مصر عارف انه هيدخل الجيش ولا هياخد اعفاء مفيش حاجة اسمها سذاجة وكل واحد عارف كويس موقفه من التجنيد وعارف ان موقفه ده هيعطل او يسهل حاجات كتير اولها جواز سفره اللى طلعه .. طلع ازاى وايه الموقف اللى قدمه يسمح له باستخراج جواز السفر ؟؟؟؟؟؟ المتعلم والجاهل عارف انه مطلوب للتجنيد عند السن المحدد مهما كانت درجة تعليمه وبعدين هو دول مش متعلمين برضه ؟
عدد الردود 0
بواسطة:
منى
هيدفع غرامه
هيدفع غرامه 3000 او 4000 جنيه وخلاص كتير حصلهم كده مكبرة الموضوع ليه
عدد الردود 0
بواسطة:
مشمش
لابد من حبس ..مى كباب معهم لتواطئها معهم فى التزوير
...والله هذه نهايه طبيعيه ...لهؤلاء التوكتوكيه وفنهم الهابط هذا
عدد الردود 0
بواسطة:
يحيي محمد حسنين
الخونة
انه الشو الاعلامي اكاذيب ممثلة تتناسي ان الخونة المجرمون الهاربون من خدمة الوطن لايستحقون اي تعاطف
عدد الردود 0
بواسطة:
ساميه حسنى
ندعوا الله معك ان يفك كربه
عموما .. ندعوا الله معك ان يفك كربه وتكون تجربة يتعلم منها هو امثاله .
عدد الردود 0
بواسطة:
مجدى
الجيش للرجالة بس
امثال هؤلاء لا يشرف الجيش انضمامه له ولا يشرف الوطن ان يكون هؤلاء من جيشهم شباب سيس هابط وفنه هابط
عدد الردود 0
بواسطة:
جمال جابر
هتغنو علينا
وايه الي دخل السرطان ووفاه والدتك في الموضع . البلد مليانه أطفال المرض واكلهم وكبار ومش لاقين حق الدوا ومبيشتكوش زيك علي الاقل انتي معاكي تلبسي وتصرفي وتهيصي وربنا يزيدك .. لكن شغل الشحاته علي الغلبان الساذج اوكا الي تعليمه سطحي وبيعرف ماشاء الله اكيد يعد فلوسه ويطلع علي المسرح ويعمل كليب يتكلم فيه عن الفساد والشباب الرجوله مينفعش . روح اتعلم الاول وبعدين تعالي غني علينا انت والمدام
عدد الردود 0
بواسطة:
مجدى
نخرب الدنيا و نطلب الدعاء بالفرج هههههههههه عايشين فى عباطة تاااااامة
فوق
عدد الردود 0
بواسطة:
Amon
دراما وتمثيلية هابطة
انتي حاتحكي لنا قصة حياتك؟؟!! اثنين هاربين من اداء الخدمة العسكرية .. احنا مالنا اذا كان طيب وعطوف وحنين وساذج وجاهل .. هل كل هذه المواصفات تعطي له الحق في الهروب من خدمة الشرف ؟! سيقف امام القضاء العسكري واذا كان هرب حاياخد جزاءه .. مفيش داعي بقي تعملي لنا فيلم هندي !!!
عدد الردود 0
بواسطة:
مهند
ههههع
بتقولك بتحبه وفرحانه بخيبتها التقيله