واصل الإعلامى اللبنانى طونى خليفة فضحه لمقالب الممثل رامز جلال عبر برنامجه مع قناة MBC، مشيرا إلى تغيير طريقة استقطاب المشاركين "الضحايا"، بعد أن فضح استخدام الإعلامي اللبناني نيشان في جلب الضيوف.
وأعلن الإعلامى طونى خليفة، إنه رفض الاستمرار فى برنامج مقالب رامز جلال المقرر عرضه رمضان المقبل بعد اكتشاف خداعه، لأنه ضد قناعته والسلامة العامة للمواطنين.
وأضاف خليفة، خلال مداخلة هاتفية لبرنامج "كل يوم" الذى يقدمه الإعلامى عمرو أديب، على فضائية ON E، أنه قرر الحديث عن برنامج "رامز" منذ يومين حتى ينصح الضيف قبل الدخول إلى الساحة ويلقى متاعب به، ولاسيما أن القوانين الدولية تحفظ الحقوق، مضيفًا: "أنا ممكن أروح أموت وهتحملها على ضميرك إزاى، ولحد دلوقتى نيشان زعلان منى، طب مين اللى حقه يزعل؟"، وتابع: "هو مفروض يتعمل فيا مقلب ولما ترفض يتعمل فيك مقلب يبقى تمرد؟".
وأشار إلى أنه بالرغم من فضح طريقة استقطاب الضيوف لبرامج مقالب رامز جلال، إلا أنه تم تغيير الطريقة لأخرى لاستمرار البرنامج وإيجاد مخرج لنيشان من الموقف الأخير، مشيرا إلى أنه ينتظر أى رد أو اعتذار أو تبرير من قبل برنامج رامز جلال أو المشاركين فى البرنامج، ولكن حتى الآن لم يصدر أى رد فعل، فيما قال عن صديقة نيشان: "ما حدث ردة فعل من واحد مجروح من شخص بيثق فيه"، كاشفا عن أن هناك نجوما لا يزالوا حتى الآن يعانون من آثار جانبية نتيجة تعرضهم لأحد مقالب رامز جلال".
وانتقد طونى خليفة عرض قناة MBC لبرامج مقالب رامز جلال، قائًلا: "لما تتركون الأمور بهذا الشكل فى ذلك الصدد، رغم تطبيق الحرفية والمهنية العالية لديكم؟"، وتابع "أنا مش فاهم كل الضوابط الموضوعة لكل البرامج التانية وبتحاسبوا على الكلمة واللبس والأداء وتاركين رامز بهذا الشكل".
واستطرد طونى: "أنا كنت رايح على مصيبة وممكن كان تحصل معايا مصيبة، ولما هما طبلوا باسبور السفير منى محدش طلب وثيقة طبية قبل المقلب"، مشيرا إلى أنه ذهابه إلى برنامج رامز جلال يشبه ذهابه لإلقاء نفسه بالنار، ولاسيما أن رامز جلال استغل نيشان كمصيدة للنجوم.
وسبق أن أعلن طونى عن تلقيه اتصالا من نيشان يريده كضيف فى برنامج جديد يحضر له على قناة osn، فوافق على الفور، متابعا "أبلغنى أنه سيتواصل معى مدير إنتاج مصرى اسمه أحمد حلمى، وبالفعل تلقى مكتبى هذا الاتصال، لكنى شكيت فى الأمر، لأن الرقم مصرى، ولأن هذا الشخص أيضا مصرى، فاتصلت بقناة osn، واكتشفت أنها لا تحضر أى برامج لنيشان، وبدأت أتحرى عن سر هذا البرنامج، وفجأة تذكرت رامز جلال"، موجها رسالة للفنانين الذين تواصل معهم نيشان قائلا: "أى فنان أو إعلامى كلمه نيشان ليظهر معه فى برنامج بأبو ظبى، أنتم رايحين تاكلوا مقلب وفى طيارة وصحرا، وهناك هيحصل المقلب".
طونى خليفة يواصل فضح رامز جلال وMBC مع عمرو... by youm7
عدد الردود 0
بواسطة:
محمد
أقذر برنامج. وأقذر مقدم برامج رامز جلال
انا مش عارف ليه الإصرار علي هذا الرامز وهذا البرنامج الذي هو مقزز ومقرف وغير أدامي حلقه وشخصيا اتفرجت علها مره واحده وبصراحة في منتهي القرف ارحمونا
عدد الردود 0
بواسطة:
ابو الليل
من زمن الزمن والواحد نفسه يعرف ايه علاقه شهر رمضان المعظم بالمقالب
فوق
عدد الردود 0
بواسطة:
يسري
انسان محترم
طوني خليفة . . . انسان محترم . . وزاد احترامي عند فضحة لهذا المهرج الغير ادمي وتحذير الاخرين منه . . . لما تعرض واحد للخطر . . . وانا اضحك عليه . . فهذا معناه ان الانسانية نزعت مني ومنك ! ! ! !
عدد الردود 0
بواسطة:
magdy
برنامج عبيط وساذج ومستفز
طوني خليفة عمل للبرنامج دعاية مجانية وعمل تشويق أكثر للجمهور .... الموضوع كبيييير !!!
عدد الردود 0
بواسطة:
مصرى
رامز ده سمج ودمه تقيل
برنامج فاشل وتافه ورامز ده زباله
عدد الردود 0
بواسطة:
مصرى
رامز ده سمج ودمه تقيل
برنامج فاشل وتافه ورامز ده زباله .. كرهت اسم رامز بسببك يا بارد
عدد الردود 0
بواسطة:
هاني فكري
رمضاااان شهر القرأن
زماااااان من حوالي 25 سنه كان الواحد يستنى مسلسل الفرسان القضاء في الاسلام الامام الشعراوي ولما كانت تهب منهم يبقى فوازير معقولة مع اني بكره الفوازير مع انها من قديم الازل باور رينجرز يعني مكنش في رخاااااااامه دلوقتي راااااامز واحنا بقى قال يعني كنا هبل مكنش اتقااااق سؤاال نفسي حد يقولي بيغطي مصريفه
عدد الردود 0
بواسطة:
مصطفي
محدش فاهم حاجه اقولكو انا
السنه اللي فاتت برضه نفس والبروجرم والحوار هوا هوا بمعني السنه اللي فاتت كانت اثار الحكيم والسنه دي طوني المهم كل اللي بيحصل ده شوه اعلامي للبرنامج وطوني خليفه مائجور وقابض الثمن اشمعنا ياطوني طالع دلوقتي قبل رمضان بشهر ماطلعتش ليه من بدري مع العلم اني البرنامج خلص تصويره من بدري هههههههههه صحيح الفلوس تعمل اكتر من كده
عدد الردود 0
بواسطة:
ميابب
رصيدك يارامز في قلوبنا بينقص
نفسي اوصل صوتي لرامز جلال وأقول لو مش عاوز تسترجل وتعقل افهم ان رصيدك في قلوبنا بينقص مع استمرار تهريجك الماسخ ومقالب العيال اللي في نظري بعيده عن التربيه الصحيحه بقيت ممل وبنكره كل قنوات التليفيزون في رمضان لسببين الأول رامز جلال والتاني الاعلانات والفواصل الطويله لدرجه الواحد بينسى كان بيتفرج على المسلسل ولا الاعلانات الرخمه.
عدد الردود 0
بواسطة:
مواطن ليبى
رامز جلال ،، حتى نبرة صوته مقرفة وتثير الاشمئزاز
ياباااااى ،،، ين عن جد القلب اللى يحبك ،، لا صوت ولا صورة ،، بالليبى ،،، تَرْ