الراستا والديرتى لوك".. أغرب قَصة شعر للرجال، اشتهر بها المغنى العالمى بوب مارلى، انتشرت مؤخرا فى مصر وتحولت لموضة لبعض الشباب.
قال محمد هانى الشهير بكوكى لكاميرا فيديو7 قناة اليوم السابع المصورة، "بدأت المهنة من 8 شهور تقريبا، حبيت مجال الديرتى لوك والرستا، زى بوب مارلى، وشيكو لولاكى هو اللى علمنى ازاى اعمل الديرتى لوك، وكنا بنشتغل على شعره حوالى 22 ساعة، ورغم ان المهنة دى بتتعبنا لانها بتاخد وقت قد يصل من أربع لثمن ساعات، بس عشان حاجة بحبها باعملها، وفى بعض الناس بتتهمنا أن احنا متشبهين ببوب مارلى وفكر بوب مارلى، بس أحنا عادى مسلمين، وبنغسل شعرنا، ومفيش مشكلة، وديما أسئلة بتقابلنا فى الشارع زى ليه أنت حابب الشكل ده، وليه بتعمل كدة، وأنا بدأت أشتغل فى المهنة دى عشان حاببها فعلا، يعنى مش عشان فلوس ولا عشان أى حاجة تانى."
واستكمل كوكى: "سعر الريستا والديرتى لوك بيتوقف على طول الشعر والجهد المبذول فيه، وفيه ناس بتجيلى شعرها قصير وبتطلب تطوله، وفيه تطويل بلاستيك، وطبيعى، على حسب اللى هو عايزه وبشتريه بالجرام، واضاف كوكى ان الريستا والديرتى لوك بتاخد حوالى من 150 جراما ل 200 جرام، والجرام يبدأ من 8 جنيهات ل 15 جنيها، وأدواتى اللى بشتغل بيها عبارة عن إبرة كورشيه وعلى حسب المقاس".
تم أضافة تعليقك سوف يظهر بعد المراجعة