صفحة تنتحل صفة ضابط وتروج شائعات وتهديدات بسبب قانون الطوارئ

تداول رواد مواقع التواصل الاجتماعي بوست منسوب لصفحة انتحلت على فيس بوك صفة النقيب أحمد طرفايه، بمباحث قسم أول الفيوم، وأصدرت شائعات وتهديدات حول تطبيق قانون الطوارئ.

وكتب أدمن الصفحة المزيفة تهديدات من نوعية: "بمناسبة قانون الطوارئ اللى مربى دقنه من باب الفميصه يتفضل يحلقها، واللى بيمشى من غير بطاقة ياريت أى مكان تروحوه يبقى معاك البطاقة عشان لو ملقتش معاك البطاقة هاخدك على قسم أول الفيوم وهتتبهدل هناك".

وتابع: "موبايلك أهم حاجة لازم تخلى بالك منها، لو عندك أى شعارات سياسية أو صور شخصية اتفضل امسحها، لأنك لو رفضت إن موبيالك يتفتش يبقى هنقعد مع بعض شويه فى القسم، وفى الأخر موبايلك هيتفتش برضوا، فاختصر وده الأفضل ليك انت، وشوف كده أى خلفية للسيد الرئيس عبدالفتاح السيسى وحطها".

ومن جانبه حرر الضابط محضرا ضد الصفحة المزيفة، منها المحضر رقم 737 لسنة 2017 إدارى قسم أول الفيوم، والمحضر رقم 2656 لسنة 2017 إدارى قسم أول الفيوم، وأخطرت المديرية مباحث الإنترنت بالمحافظة بالواقعة وجارى تتبع صاحب الصفحة.