أعلنت الدكتور عبلة الهوارى، عضو لجنة الشئون التشريعية والدستورية بمجلس النواب، أنها اقتربت من الانتهاء من إعداد مشروع قانون جديد للأسرة، يتضمن إعادة تنظيم كافة الشئون الخاصة بالأسرة ومشكلاتها، كما يتضمن، لأول مرة، تعريفا لعملية "الخطوبة"، ووضع قواعد قانونية لإتمامها وفسخها.
وأوضحت النائبة، فى تصريحات لـ"اليوم السابع"، أن كافة قوانين الأسرة والأحوال الشخصية وتعديلاتها لم تتضمن تعريفا أو تقنينا لوضع "الخطوبة" فى مصر، وأنها ستراعى فى المواد الخاصة بها ضمن مشروع القانون أن يتم تنظيمها بوثيقة وعقد مكتوب وموقع بين الأسرتين، وأن يتضمن العقد كافة التفاصيل الخاصة بمرحلة الخطوبة.
وأشارت عبلة الهوارى، إلى أن القانون سيضع قواعد فسخ الخطوبة وفرض عقوبات وتعويضات على الفاسخ، سواء كان الرجل أو المرأة، إذا ألحق الفسخ بأحدهما ضررا، كما سيتضمن تنظيم عملية استرجاع الشبكة والهدايا وكافة التفاصيل التى تثير الكثير من المشاكل بين العائلات لعدم وجود تشريع لها.
وأكدت النائبة، أنها تعمل حاليا على الانتهاء من كافة مواد القانون لبدء جمع توقيعات النواب عليها خلال الجلسات الأولى من شهر رمضان، تمهيدا لتقديمه ومناقشته باللجان النوعية المختصة بالمجلس.
أمنة نصير: الشرع لا يقبل تقنين الخطبة
ومن جانبها رفضت الدكتور آمنة نصير، أستاذ العقيدة والفلسفة وعضو مجلس النواب المقترح، وقالت إن الخطوبة عرف مجتمعى يختلف فى طريقته ومستواه بين الطبقات المختلفة اجتماعيا وماديا.
وأوضحت النائبة فى تصريحات لـ"برلمانى" أن الشرع لايقبل تقنين الخطوبة لأنها اتفاق عرفى بين الطرفين، ولايصح تحويلها لعقد وإلا أصبحت زواجا، مشيرة إلى أن الإلزام فى مثل هذه الأمور سيظلم فئات كثيرة قد تكون غير قادرة على تلبية ما سينص عليه القانون من تغريم أو عقوبة، والأن الأصل فى تلك العلاقة هو التعارف وليس الإلزام.
استشارى علاقات أسرية: خسارة المشاعر أهم من الخسارة المادية
فيما اعتبرت الدكتور رشا عطية، الاستشارى النفسى وخبير العلاقات الأسرية، السعى لتشريع قانون ينظم الخطوبة أمرا غير قابلا للتنفيذ.
وأوضحت رشا عطية، فى تصريحات لـ"برلمانى" أن الخطوبة عادة اجتماعية وأنه المجتمع لن يقبل أن تتحول إلى قانون وعقد، مشيرة إلى أن المجتمع المصرى يدير تلك الأمور بالأعراف والمروءة وليس الالتزام بعقد موقع بين الطرفين وإلاتحول لزواج، موضحة أن أغلب الخطبات التى يتم فسخها لاتكون الخسارة فيها مادية قدر ماتكون خسارة إنسانية.
وأضافت الاستشارى النفسى وخبير العلاقات الأسرية، أن الأهم من تقنين الخطوبة هو توعية الشباب والبنات بطريقة الاختيار الصحيح، وكيفية التعامل مع الطرف الأخر، موضحة أن تقابل حالات كثيرة تعانى من عدم القدرة على اختيار شريك الحياة، وأن القانون مهما كان لن يتسطيع حماية تلك الحالات، لأن الأمور العاطفية تعالج بالتوعية والثقافة وليس القانون.
عدد الردود 0
بواسطة:
المهدى التونسى
ده بمناسبه ان الشباب بيتجوز
اعتقد ان من الافضل اصدار قانون حتى لو مؤقت لتجريم البلطجه و خطف الاطفال و و و ... لا اعتقد ان ما يقلق الشعب المصرى حاليا فسخ الخطوبه ... الا اذا كان الغرض هو عمل ضجه اعلاميه ... او هدف اعلامى اخر ...
عدد الردود 0
بواسطة:
محمد العبادي
رسم خطوبة
ممكن ان تصدر هيئة البريد طابع دمغة ( رسم خطوبة) يشتريه الخاطب من اي مركز بريد معتمد ويذهب به لوالد العروس بحضور مندوب من الشهر العقاري لتوثيق ( ميثاق الخاطب) اديني ساهمت باقتراح اسم للوثيقة ؛ ولكن هل نحن نعاني من نقص تشريعات أم نقص تطبيقات أم نقص في الأخلاق أم نقص فيتامين ع ( فيتامين عيب يعني)
عدد الردود 0
بواسطة:
ســـــــــــــــــــامو
الأوقات السعيدة
من الواضح أن هناك كثيرين لايجدون مايشغلون به أنفسهم .. هل أنتهت مشكلاتنا وصولا إلى وضع حلول وقوانين للخطبة أيضا ؟ ياللهولالالالا ..
عدد الردود 0
بواسطة:
احمد
ما تنسوش
ان الجواز فى مصر النسبه الاكبر منه فوقال 90% مش مبني على حب يعنى كل ام بتشوف لابنها عروسه ومش بيشوفها غير مره واحده وممكن كمان ما يشوفهاش الا وهو بيتقدملها يعنى لا عرف شخصيتها ولا تصرفاتها وبتكون اول فرصه ليه انه يعرفها فى فترة الخطوبه يعنى الخطوبه فترة تعارف عشان يخرج معاها ويعرفها وهى كمان تعرفه فى الفتره دى بدل ما يخرجوا مع بعض من ورا اهلهم طبيعي ممكن يتوافقوا وممكن لأه قانونك ده بيزود العنوسه اكتر ما هى زايده وانا واحد من الناس مكرر من زمان مش هتجوز مصريه! خافى على بنات مصر اكتر بدل القوانين اللى ملهاش لازمه شوفوا الاقتصاد والصحه والتعليم بدل ما احنا بقينا فى اواخر القوائم فى كل شئ
عدد الردود 0
بواسطة:
ابو مصطفي
اي عجن ؟
الست النايبة علشان اخدت ولا بنتها بمبة في خطبتها ،تسن لها قانون مخالف للشرع ،والعرف !؟ .خلصت مشاكل الناس المهمة خلاص ،ولم يتبقي سوي الخطبة ؟ كيف يتم اجبتر الشاب او الفتاة علي اتمام الزواج ،اذا تم اكتشاف عدم التوافق او اي عيوب كانت مخفية ؟ النتيجة الحتمية وقوع الطلاق بعد الزواج الاجباري ! نقلل فسخ الخطبة ،ونزيد الطلاق والاطفال بدون اب وعائل !!!
عدد الردود 0
بواسطة:
مجدى
مفيش كمان قانون بمقادير الفطير المشلتت,إحنا رايحين على فين فاكرين تحت القبة شيخ
فوق
عدد الردود 0
بواسطة:
عابر سبيل
استخفاف بالعقول
صراحة حاجه كدة استخفاف بالعقول يعنى خلاص كل مشاكل البلد وكل مشاكل الشباب اتحلت والدنيا بقت تمام والكل فرحان ومبسوط وبيحوش والجواز بقى بالسهولة دى على شان يعملو قانون وغرامات للخطوبة على كدة انا جوازى من مراتى ا?جنبية افضل من انى انزل واتجوز مصرية
عدد الردود 0
بواسطة:
مصرى
حب الشهرة
النائبة مش لقيا حاجة تقول بيها انا موجودة قالت االف قانون الفراغ وحش وحب الشهرة ملوش حل مشاكل اهل دائرتك خلصت ففكرتى تبدعى وطلعى قانون يشغل الناس ويلهيهم عن واقعهم المر ارحمون بااااا
عدد الردود 0
بواسطة:
بنت مصرية
زواج بقرار برلمانى !!
الخطبة مفروض انها اتفاق بين الطرفين على اتمام الزواج , والله اذا فضلوا متفقين لحد الآخر بيتم الزواج , اختلفوا لأى سبب بيبقى الأتفاق لاغى وبتتفسخ الخطبة , ومعمولة لعدة أسباب , منها ان الطرفين اللى هما العيلتين مش العروسين بس , يفهموا طباع بعض وظروف بعض كويس , كمان ايجاد فرصة لأستكمال متطلبات الزواج من اعداد بيت الزوجية وتدبير نفقات الزواج وخلافه , كمان انتظار ان ظروف العروسين وعائلاتهم تسمح بالزواج , زى ان احد الطرفين ينهى دراسته مثلا أو تجنيده أو عمله بدولة تانية أو انقضاء فترة حداد لوفاة احد افراد العيلتين أو غير ده من ظروف , ووارد اثناء فترة الخطبة احد الطرفين يكتشف معلومات تبينله ان الطرف التانى مينفعلوش وان زواجه بيه هيبقى غير مستقر , فى الحالة دى الخطبة بتتفسخ وكل حى بيروح لحاله , كونا نعمل قانون يلزم المخطوبين بأتمام الزواج والا هفرض عليهم عقوبة , هيخلى المخطوبين هنا يتزوجوا بس علشان يهربوا من العقوبة !! وده مش منطقى !! ومش فى صالح حد , لأن كده الخطبة فقدت الهدف منها !! غير ان ظروف الشباب أصلا مش مشجعاه على الزواج , بالقانون ده انا هخلى اللى بيقولك والله هخطب وبعدين يمكن الحال يتعدل , هيرجع فى كلامه ويلغى الفكرة من دماغه تماما !! لو المقصود بالقانون توضيح الألتزامات المالية بين الطرفين من حيث مصير الشبكة والهدايا واى طرف من الأتنين ياخدها لو اتفسخت الخطبة , فدى مش بيحكمها قانون , دى بتحكمها اخلاق الطرفين , لأن الشبكة ممكن اثبتها فى العقد ده لو كانت اتجابت فعلا وقت الخطبة , طيب والهدايا هعمل فيها ايه , كده كل ما الخاطب يجيب لخطيبته حاجة أو العكس مفروض يوثقوها فى عقد , يستلموها على سركى باتنين شهود يعنى !! أظن ده كلام مش منطقى , دى فانتازيا مش قانون !! وبعدين يعنى خلاص كل القوانين اللى محتاجاها البلد اتعملت واتطبقت , مش فاضل الا قانون تنظيم الخطبة !! برلمان عجيب !!
عدد الردود 0
بواسطة:
مصرية
قانون لتشجيع العنوسة
توثيق الخطوبة وكأنها فخ من يقع فيه لا يستطيع الخروج منه، قانون يجعل الإنسان يفكر ويراجع نفسه مليون مرة قبل الإقبال على الخطوة، وغالباً بعد هذا القانون لن يقدم عليها ولن يخطب - ألا يكفي الويل والمر الذي يتكبده الزوجين في حال إنهاء الزواج؟! الموضوع مش ناقص بهدلة كمان في حال فسخ الخطبة تجعل الشباب والفتيات يتراجعون عن مجرد التفكير في الخطبة