ودايرة حظ مقفولة بتفتح
كل يوم بشويش
مساءكم زيف .. علل الصورة
بتفتح من المشهد
ب اول كدر راح يظهر بناس خاينين
بتتشكل ف توب الحب ....
ويعلن أن دى وشوشهم بحق الله
مفيش ف الآه غير هم و ناس
خارجين من المشهد على قبورهم
مفيش غير أنا وأنت ف وش الكدر
و اخر بق م القهوة ف اخر الليل
مفيش ف السهوة غير ركعة من الماضي
بتتمضى فضحكة سراب
مفيش ف الوردة غير ذكرى خلاص دابت
وبربطها ف أذكارك ف وقت فراغ ما بفتكرك
مفيش ف القلب غير ترانيم بتودع ف أرواحنا
مفيش غير شمعة راح بتقيد ف أول غلطة ف صلاتنا
مفيش ف الماضى غير صورة بتترتب مع الأحداث
بتتحول ف كل صباح من حضرة نبى مرسل
لحضرة متهم مسجون
مفيش ف قانون العشق مطرح ليسعنا
مفيش ف مساءكم غير أوجاع بتتألم
تصيب ف دايرة العشاق
مساءكم راح بيعلنها
بان الحب لو مفتاح هيجى ف يوم
وهيقفل ببان الشمس
مفيش ف الحبس غير روحنا مع الجلاد
بيعدمها .....
مفيش ف الدار غير توبنا مع الأموات
مفيش ف الحيطة غير صورة "محبتنيش"
مفيش عل الباب غير دمعة عل الأوجاع
مساءكم باع ف ذكرت حب كات بنا
ف سوق العبد التايهين
مفيش غير أن الحياة بتروح لأخر ركن ف الأخرة
ويعلن انك الخاينه من الخاينين
مصيركم نار لتئويكم ف اخر ساعة ف الدنيا
وأنا ف توهت شريط بيسف بيفتكرك ف أخر حضن عل سلم
برعشة إيد بردانه من الأوجاع
كأنك حلم كان مرسوم وجه اليوم اللى هيودع ف أرواحنا
خلاص الحلم راح بيدوب مع الأحساس
مساءكم باش من وجعه
ف زفة حضرة الدرويش بتتدروش مع الأرواح
مفيش ف الحضن اى براح ليسعنا
مفيش غير قتل ف زمنا يجوز القتل للعشاق
وليه الشمس بتقرب وبدنى كده منا
خلاص العرض راح يبدأ بأول شيء بصلاتنا
فيجى الليل عشان يشهد ميشهدشي
ويرسمنى عل صراطك بإنى المذنب الملعون
وإن الصبح راح مسجون بأسبابه
مفيش ف الخوف اى سبيل عشان نبكى
مدام ف الدنيا أقذر ناس
بتلبس توب مهوش توبها
باسم الحب
مافيش ف القلب غير شهقة
متقدرشى ترجع حب صار مطرود
مفيش ف النص اى دليل يخلى ف أمل تانى
خلاص الكدر راح يقفل بصورة هى " محبتنيش"
وأنا وانت بنتفرج عل المشهد بكل برود
وأنا لسانى كنت يادوب بقاوم نوم بيغلبني
