قال الدكتور هشام عرفات، وزير النقل، إن تطوير شبكة سكك الحديد، يحتاج إلى 45 مليار جنيه، مؤكدًا إن شبكة السكك الحديد منذ 70 سنة لم يتم تطويرها، مع العلم أن المواطنين زادوا 10 أضعاف.
وأضاف خلال تصريحات تلفزيونية، إن تحويل الإشارات فقط إلى كهربائية يحتاج إلى 20 مليون جنيه، والسكة تحتاج إلى 700 عربة قطار والعربة الواحدة تكلف 600 ألف دولار بإجمالي 420 مليون دولار، وجرار القطار يبلغ ثمنه 60 مليون جنيه، وتحتاج السكة إلى 200 جرار ويبلغ ثمنهم 12 مليار جنيه.
وأشار إلى إن تغيير قضبان السكة الحديدية وتطويرها يساعد على زيادة نقل البضائع، وهو ما يغنى عن رفع تذكرة القطار، مؤكدا أن السنة الحالية تم زيادة 100 ألف طن بضائع عما قبل، وهو ما يدخل 300 مليون جنيه، ولابد من تزويد القطارات والجرارات التى تساعد فى نقل البضائع والتى تغنى عن زيادة التذكرة.
عدد الردود 0
بواسطة:
م/محمد
دولة الموظفين السكة
وزارة النقل سبوبه للحرامية وماسبيرو ايضا سبوبه للحرامية وقطاعات كثيرة يمكن الاستغناء عنها ووجودها مثل عدمه يجب الغاء القطارات داخل الكتل السكنية وتنقل الى الاماكن الصحراوية وهناك الميكروباص الادمى وليس القطار المتهالك الغير ادمى لكن الحرامية
عدد الردود 0
بواسطة:
مهندس / صلاح
بصراحة القطار لا يساوى لأنه بطىء !
الميكروباص وسيلة انظف وأرخص وأسرع من القطار ، القطار مناسب لسكان الأقاليم وسكان الطريق على الزراعى ، أما للمسافر من القاهرة للاسكندرية والعكس فالاتوبيس والميكروباص أسرع وأرخص وسيلة ، بشرط مراقبة الحكومة للسرعات بالرادار لأمان الناس على الطريق !
عدد الردود 0
بواسطة:
محمد
لوا نفكر هنرتاح
1-ياسيادة الوزير لوتركب القطار وانظر من الشباك هتلاقى آلاف الأطنان من الحديد مرمى على جانبي شر بك السكة اللة فى الشارع اللة مفتون أليس من الممكن أن يعمل لو إعادة تصنيع
عدد الردود 0
بواسطة:
مهندس / صلاح
معظم الوزارات تصرف ولا تنتج !
وآخر العام يحصرون عجز الموازنة والدين العام !
عدد الردود 0
بواسطة:
علي
طب قاعد ليه ?
من كلام وزير النقل انه مش هيقدر يعمل حاجة .... طب قاعد ليه?
عدد الردود 0
بواسطة:
صديق
التخطيط حسب الاحتياج
خط السكه الحديد هو كما كان منذ عهد الخديوى اسماعيل ولم تقوم الحكومات بعمل تطوير مناسب ليناسب التوسع وتعمير الصحراء والتلائم المطلوب تخطيط شبكه للخطوط الجديده من الاسكندريه الي اسوان ومن القاهرة الي سيناء وشرم الشيخ وخطوط شرم ممكن تمتد لمكه والمدينه وخطوط لاسوان ممكن تمتد الي جنوب افريقيا وطبعا يكون الخط باسرع ما وصل اليه الى العلم للمسافات الطويله ولابد ان نفكر للمستقبل وناخذ في الاعتبار تعمير الصحراء لان دائما تعمر الجهات حول خطوط السكك الحديد لابد ان نعمل تدريجيا لتوفير الحلول المناسبة ولا داعى لتبديد المليارات في بئر الماضى
عدد الردود 0
بواسطة:
على المغربى
؟
بطلوا سرقه و عدم تنظيم ودفع فلوس لشوية حراميه و قرايب... هتلاقوا نتايج ناجحه... حكايه الاستعباط مش ممكن تمشى على طول....
عدد الردود 0
بواسطة:
دكتور محمد جيييم
يَظَلُ الرجلُ محترماً ، حتى يُعَيّنُ وزيراً للنقل !!!
يعنى فلسفة وفزلكة ونظريات واقتراحات واستنكارات لأعمال من قبلك ، وسيادتك على البر ، ولما دخلت الوزارة ، ماعندكش حاجة غير رفع تذكرة المترو(مافيش اعتراض) ، وبعدين رفع تذكرة القطار . لو فى حاجة تانى عملتها إتفضل قول . دلوقتى الراجل اللى جاى من أسوان للقاهرة بـ 230جنيه ، وح يروح بمثلهم ، يعنى حوالى 500 جنيه . ولو معاه أسرته(زوجته وطفلين أكتر من 10سنوات علشان محددين النسل) يبقى 2000جنيه تذكرة القطار . ترفعها سعادتك يبقوا كام ؟! قول إنت ياراجل ياللى موش عايز أوصفك
عدد الردود 0
بواسطة:
محمود فرج
التذاكر المجانية ونصف التذكرة
ياوزير النقل الريس عارف بالاستثناءات الموجودة على التذاكر ولو وقفت الاستثناءات هتوفر كم وللاسف المستفيدين من الاستثناءات فئات لاتستحقها القضاء ورجال الشرطة والقضاء ويمكن فيه فئات اخرى وهم الاعلى رواتب الان في الدولة ويمكن تقنين ذلك مش تزود على الفئات المطحونة الضرب في الميت حرام ولو بحثت خارج الصندوق ستجد ايرادات مخفية للسكة الحديد واراضي تابعة لها يمكن الاستفادة منها واعلانات على طول السكة وتوفير الفاقد في بنود الاستهلاك الخ هتوفر كتيير
عدد الردود 0
بواسطة:
سيد
مفيش كمسارية
ياسيادةالوزير انا بركب القطار المميز من المنيا لحد الجيزة مفيش كمسارى بيعدى فى القطار هو دة مش إهدار للمال العام