صباح الخير على وردك
صباح الخير على زهرك
صباح النور من قلبى
على قلبك بيزرعلك
ملوك من عصر فرعونى
بيبنيلى ويبنيلك مقام
من عز ريحانى
تاريخ مرسوم ف أحلامى
شموس الأرض بتنادى
شباب الشرق والوادى
ولا ف بالى أشوفك يوم
دموع الذل ملياكي
غيوم الضل وجعاكى
ويدعونى أكونلك سيف
عل الدانى اللى خالنى
ف وقت الشدة أنشدلك
بأنى شهيد فدى نهارك
رغم إن اللى فيك عاصى
ف بدروش وكون درويش
على نيلك
وبرسملك بكل شجون
بيوت من شمس بتوارب
عيون سهرانه بتحارب
ف كيف حلمك يكون مسجون
وتشهدلك بأنى بتوه
فى حلم امبارح المنسى
ولا أنسى بأنى بعيش
كأنى الحاكم المصرى
يكون العرش من قلبى
يكون الملك من عينى
فلا تنسينى ولا أنساكى
صباح الخير يا درويشه
صباح الضحكة والعيشة
صباح نبنى فى أهرامك
وبنعطر فى أحلامك
ونمحيلك فى كل شروق
ظلام الصبح العاصى
بيلضم ليل بيكافح
فساد العصر المنسى
وأنا اسمى العزيز يوسف
فى وقت عجافك المشهود
أنادى لموسى يجعلك دموع العين
تمطرلك كنور من قلب يحلفلك
بأنى العاشق الممنون
وأن الحلم لو مسجون
هياجى ف يوم ويتنفس
على ضحكة ف عين الشمس
راح تطرح ف كل صباح ورد الزهر بتفتح
وبتسبح ف هيئة طير
بيرفع راية المنصور
