حجاج فراج يكتب: الحصاد

الأربعاء، 03 مايو 2017 12:00 م

صورة أرشيفية

اضف تعليقاً واقرأ تعليقات القراء

لفيت بلاد وقابلت

ياما كتير عباد....

ناس قلوبها بفتة بيضا

وناس قلوبها سواد....

ناس بخيلة وناس كريمة

ناس ضعيفة وناس شداد

ناس لئيمة وناس عظيمة

وناس واقفة ع الحياد....

ناس تقابلك بابتسامة...

ومكرها يخرب بلاد....

وناس لا غش ولا ملامة

ساكنة أعماق الفؤاد....

ناس تصاحبك وقت فرحك

وناس تصون معنى الوداد

وناس بتهرب وقت جرحك

وناس ماتعرفش البعاد....

ناس تساندك وقت ضعفك

وناس تبيعك فى المزاد...

ولا تفتكر حتى ملامحك

بعد ما تنول المراد.....

هى دى الناس والبشر

وهو ده كان الحصاد