سعد الدين الهلالى : الإنسان الجاهل بحكم الدين ولديه حسن نية لا يحاسبه الله

عدد الردود 0

طبعا حرام !

لأنه ممكن يكون له أولاد من آلام وبنتها، فهل يصلح هذا الوضع ؟

عدد الردود 0

أصحاب البلبلة غير متفقين

تعليم أصول الدين بين المناصب حائرة كل واحد عاوز يظهر نفسة على الحساب الآخر و اخيرا تحدث البلبلة بين المواطنين

عدد الردود 0

نفرض ان الزوجه لديها اطفال من الزوج... والله حرام ما يفعله هذا الداعيه بالاسلام

ماهى علاقه النسب التى تربط اولاد الرجل...وبنت الزوجه !؟؟....هذه افتكاسه كبرى من الذين يسمح لهم الاعلام ...بالفتى ..وهم غير مرخصين او مؤهلين لذلك

عدد الردود 0

اختلاف الفقهاء رحمة !!

بداية انا مش بفتى فى الدين ولا لى حق الفتوى فيه أصلا , وكلامى مبنى على مجرد الفهم اللغوى للأية الكريمة , وعارفة ان ده ممكن ميكونش كافى لكن ده مجرد رأيى ويحتمل الخطأ والصواب , واللى يقرأه ويكون عنده تصويب أو تعليق فيا ريت يفيدنى بيه وجزاه الله كل الخير , الآية الكريمة بتقول صراحة (( وربائبكم اللاتى فى حجوركم )) صح كده ؟؟ تمام , لو قلنا ان ربائبكم زى ما تفضل معناها بنات زوجاتكم , يعنى الربيبة هى بنت الزوجة , طيب وجملة ( فى حجوركم ) معناها ايه ؟؟ معناها اللى اتربوا فى كنفكم ورعايتكم , حتى التعبير البلدى بيقولك فلان ده متربى فى حجر فلان , دلالة على ان فلان ده هو اللى مربيه منذ طفولته لأن العادة ان اللى بيربى طفل بيقعده على حجره , صح كده وللا انا فاهمة غلط ؟؟ معنى كده ان الآية الكريمة اشترطت لتحريم زواج الرجل من بنت زوجته ان بنت زوجته دى تكون اتربت فى حجره !! ومعنى كده برضه انها لو متربية بعيد عنه ميبقاش زواجه منها حرام , وعلى فكرة ده كان رأى الأمام على بن ابى طالب فعلا , يبقى اذن الموضوع ان ده رأى فقهى متروك أو غير مأخوذ بيه , لكنه رأى ومبنى على دليل من القرآن مجاش من الهوى كده !! وبالنسبة للمهندس صلاح اللى بيستدل فى الحرمة بأن الرجل فى الحالة دى ممكن ينجب من الأم وبنتها , هقوله ده مش سبب للتحريم , لأنه ببساطة الرجل ممكن ينجب من اختين , هو الواحد مش بيكون متزوج واحدة وتتوفى وهو مخلف منها , وبعدين ممكن يتزوج اختها ويخلف منها برضه !! وبيبقى الولد وابن خالته اخوة من الأب !! ايه المشكلة يعنى , ده مش دليل حرمة يا باش مهندس , فأنا رأيى ان رأى الشيخ سعد الدين الهلالى استنادا للآية الكريمة صحيح , والله ورسوله اعلم .

عدد الردود 0

ما فائدة هـذه الفـتوى ؟ هي الحريم خلصـت و بتضور على حل

دايمـا تبحـث عن المختلف فيه ، أو الحرام لتحلله ، إنت في خريف العمـر محتاج إيـه ، مش كفاية بشـرتنا بإثنين من الرسـل ؟ ، كفاية نفاق

عدد الردود 0

نرجوا تصحيح الايه في محتوي الخبر

بسم الله الرحمن الرحيم "حرمت عليكم أمهاتكم وبناتكم وأخواتكم وعماتكم وخالاتكم وبنات الأخ وبنات الأخت وأمهاتكم اللاتي أرضعنكم وأخواتكم من الرضاعه وأمهات نسائكم وربائبكم اللاتي في حجوركم من نسائكم اللاتي دخلتم بهن فإن لم تكونوا دخلتم بهن فلا جناح عليكم وحلائل أبنائكم الذين من أصلابكم وأن تجمعوا بين الأختين إلا ما قد سلف إن الله كان غفورا رحيما" صدق الله العظيم.

عدد الردود 0

تبقى عينه منها من أول

الراجل قال إنه حرام بإجماع الصحابة وجمهور الفقهاء وقال إنه يجوز عند الظاهرية والإمام علي بن ابي طالب ... إيه بأه لزوم الهرتلة وطول اللسان ؟

عدد الردود 0

زواج بنت الزوجة

يقول اللة سبحانة و تعالى ولاتنكحوا مانكح اباؤكم صدق اللة العظيم

عدد الردود 0

منهاج الدكتور سعد الدين الهلالى

للدكتور سعد منهاج معين يتبعه وهو الا يفرض وصايته أو قناعته برأى فقهى معين على المسلمين وانما يقوم بعرض كافه الأراء الفقهيه ومدى الأجماع عليها ثم يترك للمشاهد ليحدد أى الأراء كان أكثر راحه لقلبه وهى أمانه مطلوبه وليس معنى أنه يعرض رأى ما أنه مقتنع به لذلك فلا داعى لمهاجمه الرجل.

عدد الردود 0

عجيب امر شيوخ الازهر

الرجل لم يفتي ولم يحلل او يحرم...هو وضح ماذا تقول المذاهب كلها في الأمر. اما ان السادة شيوخ الازهر لا يفهمون معني كلامه فهذا شئ اخر