انتقد اللواء سعيد طعيمة، رئيس لجنة النقل بمجلس النواب، وزارة النقل وإجراءاتها، موجها انتقادات حادة لوكيل الوزارة ورئيس الهيئة القومية للأنفاق، طارق أبو الوفا، على خلفية قرار صرف 8 شهور حوافز للعاملين بمترو الأنفاق عقب قرار رفع سعر تذكرة المترو، قائلا: "والله انتوا بتخزقوا عين الشعب".
وأضاف "طعيمة"، خلال اجتماع اللجنة، المنعقد الآن، لمناقشة معدلات تنفيذ مشروعات الخطة الاستثمارية للهيئة القومية للأنفاق عن العام المالى 2016/ 2017، فى حديثه لـ "أبو الوفا": "أنا بكلمك كأخ، إزاى تانى يوم بعد ما تغلى تذكرة المترو، تاخد قرار زى كده، لازم تعرف إنك النهارده فى الشغل، وبكره بره، لازم تتأكد إن ممكن يكون حد فى أسرتك ناقم عليك".
من جانبه، عقب طارق أبو الوفا، رئيس الهيئة القومية للأنفاق، قائلا: "أنا بتكلم النهارده عن موازنة الهيئة القومية للأنفاق، لكن ما تكلمت عنه يخص الشركة القومية لإدارة وتشغيل مترو الأنفاق، صحيح التوقيت ما كانش مناسب، لكن كل ما بيحصل أى موقف الناس بيتظاهروا ويمتنعوا عن الشغل، وبالتالى بيحصل زحام كبير فى الشارع، فالجمعية العمومية وقعت تحت ضغط 7 آلاف عامل، وبالتالى صرفوا الحافز، وبعدين الوزير رد وقتها ووضح بعد هجوم الإعلام".
بدوره رد اللواء سعيد طعيمة، رافضا تعقيبه: "أنا شفت رد الوزير، ولما ترد بعد القرار يبقى انت متهم، وبعدين هل أنتم عندكم لجنة لإدارة الأزمات"، فأجاب "أبو الوفا": "لما عطلت قطار بالمترو ما كانش فيه ونش بهذه الحمولة"، فرد رئيس اللجنة: "انت بتكلم واحد طول عمره على الطريق، أنا مسجل على تليفونى كل أرقام أصحاب اللوادر، وكانت أول ما تحصل حادثة أكون موجود".
.jpg "لجنه النقل (1)")
.jpg "لجنه النقل (2)")
.jpg "لجنه النقل (3)")
.jpg "لجنه النقل (4)")
.jpg "لجنه النقل (5)")
تم أضافة تعليقك سوف يظهر بعد المراجعة