قال الدكتور مجدى حجازى، وكيل وزارة الصحة بمحافظة الإسكندرية، فى تصريح خاص لـ"اليوم السابع"، إن الطبيب المدعو حاتم البنا، الذى أطلق رسالة عبر مواقع التواصل الاجتماعى "فيس بوك"، بأنه عثر على فتاة من فتيات الشوارع مصابة بمرض الإيدز، وعدة أمراض أخرى خطيرة، لا يعمل فى أى من المستشفيات والمراكز الطبية التابعة لمديرية الصحة بالإسكندرية، كما ادعى هو فى منشوره.
من جهه أخرى، حاول "اليوم السابع" التواصل مع الطبيب صاحب الواقعة، إلا أنه أغلق حسابه واختفى، وكان المنشور قد أثار جدلا كبيرا فى الإسكندرية، خوفا من انتشار مرض الإيدز، لأن الفتاة، وفق رواية الطبيب المذكور، اعترفت بمعاشرة عدد كبير من الشباب، دون معرفة حقيقة إصابتها بالمرض.
منشور فتاة الإيدز
الطبيب حاتم البنا
عدد الردود 0
بواسطة:
ايمن
وزارة الصحة
قمة الاستفزاز الحقيقة من وزارة الصحة فى الإسكندرية ، فبدلا من ان تعلن التحقيق فى الواقعة ، او استدعاء الطبيب المذكور والفتاة المصابة بالايدز لإجراء فحوصاتممتقدمة والتأكد من الكلام ده .. قامت الوزارة برفع يدها وانكار عمل الطبيب فى اى من مستشفياتها الحكومية!! وكده كله تمام والدكتور منعرفوشى فبالتالى كلامه متصدقوشى !! وكفا الله وزارة الصحة شر القتال.
عدد الردود 0
بواسطة:
بنت مصرية
رد فعل غريب من الطرفين !!
هى المشكلة فى كون الطبيب شغال فى الوزارة وللا لأ !! فرضا انه شغال فى الجامعة , أو حتى طبيب حر مبيشتغلش فى الحكومة أصلا , فين المشكلة !! هو لازم الطبيب يكون بيشتغل فى وزارة الصحة علشان الوزارة تتخذ اجراء لمنع انتشار الأيدز !! كمان رد فعل الطبيب غريب هو كمان , يعنى ايه يعمل بوست يقول فيه المعلومات دى وبعدين يختفى !! طيب كنت بتعمل البوست ليه ؟؟ ولما حضرتك اختفيت اللى عاوز حتى ياخد أى اجراء يحل بيه المشكلة يوصل لحضرتك ازاى ؟؟ عموما لو حضرتك قاصد تحذر الشباب من الزنا خصوصا مع بنات الشوارع فالشباب دى مبيفرقش معاها , هما أصلا مستبيعين , ماهم بيروحوا لتجار المخدرات يحقنوا مخدرات بسرنجة اتحقن بيها خمسين واحد قبلهم , جت على دى يعنى !!
عدد الردود 0
بواسطة:
محمد
الطبيب والكهربائي
تمخض الجبل فولد فأرًا. تصريح وكيل وزارة الصحة بالإسكندرية بأن الدكتور حاتم البنا الذي فجَّر هذه المأساة لا يعمل فى أى من المستشفيات والمراكز الطبية التابعة لمديرية الصحة بالإسكندرية، وعدم نفيه أو تأكيده الواقعة مثل الرجل الذي قالوا له إن كهربائيًا ضُبِطَ مع زوجته في فراش الزوجية قال: لا كهربائي، ولا بيفهم في الكهرباء.
عدد الردود 0
بواسطة:
محمد
بلد وسخة
إلى صاحب التعليق رقم 2 أنت طيب زيادة عم اللزوم والله ، مش عارف يعني ليه اختفى علشان احنا في بلد وسخة شبه دولة ، أكيد اتعرض لضغط أو تهديد من جهة أمنية أو حكوميةبأنه مايتكلمش في الموضوع تاني ، وأن احنا هانشوف شغلنا وهانحل الموضوع بطريقتنا ، علشان الموضوع مايبقاش قضية كبيرة وما يعملهمش وجع دماغ
عدد الردود 0
بواسطة:
aboomar
النوم فى العسل
بيفكرنى بفيلم النوم فى العسل لما الوزير قاله الدكتور الايوبى ده مسئول فى الوزارة طيب قريب صلاح الدين الايوبي -- ييبقى كلامه مالوش لازمة
عدد الردود 0
بواسطة:
محمد على
اليوم السابع
ارجوا من السيد الدكتور وزير الصحة الاهتمام بهذة المواضيع واستدعاء الطبيب وعمل تحقيق عاجل وان هذه المواضيع لا يتم تجاهلها بهذة الصورة
عدد الردود 0
بواسطة:
ايفا عوض
فندق دا ولا عياده
الدكتور دا شغال فى فندق ولا عياده..دا وراه اطباق كتير ..شكله بيشتغل فى مطبخ فندق..