علق الإعلامى عمرو أديب، على خطاب الرئيس الفرنسى المنتخب إيمانويل ماكرون، عقب فوزه بانتخابات الرئاسة الفرنسية، قائلًا: "أنا نفسى أشوف شاب فى مصر بيعرف يخطب ويتكلم ويحرك الناس كده، وعنده الوعى السياسى والاقتصادى ده".
وقال عمرو أديب، ببرنامج "كل يوم" المذاع عبر فضائية ON E، إن الرئيس جمال عبد الناصر حكم مصر عندما كان عمره 34 عاما عقب اندلاع ثورة يوليو المجيدة، مشيرا إلى أن الرئيس ماكرون جعل أشخاص كثيرين يفكرون بجدية فى الاستثمار بفرنسا، معللا ذلك بقوله "لأن هولاند جابها الأرض" حسب وصفه.
واستطرد عمرو أديب: "عاوزين نشوف أجيال وكوادر سياسية فى البلد، ومحدش يقوله اسكت يلا انت صغير"، مشيرا إلى أن الرئيس الفرنسى السابق فرانسوا هولاند، لم يرشح نفسه لفترة ثانية لأنه لم يستطيع أن يحسن معدل البطالة.
عدد الردود 0
بواسطة:
الشعب الاصيل
خطب
بسيطه .. أسهل حاجه عندنا الكلام
عدد الردود 0
بواسطة:
عمر نزيه
مصري
تحيا الديموقراطية
عدد الردود 0
بواسطة:
حمو
...
احنا شبابنا فوق الستين لأى منصب فى الدولة كوزير او رئيس وزراء ههههههه رئيس وزراء كندا 39 سنة و رئيس فرنسا 39 سنة. ورئيس وزراء مصر داخل على ال 65 سنة. فرق سرعات يا بشر
عدد الردود 0
بواسطة:
ابراهيم
الى صاحب التعليق رقم 2!!!
كلام ايه يا اخويا!!! عمرو بيقصد الخطابة وفن الاقناع بالعقل والحجة والحنكة التي لا يتميز بها سوى القليلون وهي سمة غالبية عظماء التاريخ. يا عمي ده احنا شباب العالم العربي من اسوأ الشباب في العالم في مسألة الخطابة ولما بيطلعلك واحد تلاقيه بيتكلم زي الاخوان او السلفيين بس في الطالعة والنازلة يتكلم في الدين والتاريخ اللي مات وعمره مايرجع ،او تلاقيه بيولول وملامو كل سواد وفي آخرتها يقولك احنا مش عايشين من النرويجيين ؟!!
عدد الردود 0
بواسطة:
شاب
تهميش الشباب هو السبب
نظرة واحدة لاعمار الوزراء و المحافظين و اعضاء مجلس الشعب سوف تدلك علي ان الشباب مهمش. و الحجة الخبرة.
عدد الردود 0
بواسطة:
حسن
شباب مصر بخير!!!
بيخطب ويتجوز كمان برغم الظروف الصعبه!!!
عدد الردود 0
بواسطة:
مصطفى
انت اخر من يتكلم عن اسلوب الكلام و الخطاب
عمرو اديب اخر واحد يتكلم عن اسلوب الكلام و الخطاب انت رغم انك اعلامى فلا تجيد اسلوب الحوار المقنع المحترم كل كلامك بالصوت العالى وعوجة البوق اما شباب مصر بخير وفيهم من هو افضل من ماكرون بس اعطو لهم فرصة يا دولة العواجيز