قالت مصادر مسئولة بوزارة التربية والتعليم الفنى، إن النظام الجديد للثانوية العامة القائم على نظام الـ"3 سنوات والتقدير التراكمى"، سيتم تخصيص درجات للامتحانات ودرجات للمواظبة والحضور والسلوك والأنشطة، موضحة أن الوزارة حريصة خلال الفترة المقبلة على تفعيل الأنشطة بشكل كبير، وأيضا تفعيل طرق البحث عن طريق وسائل مصادر المعرفة المتعددة.
وأضافت المصادر، فى تصريحات خاصة لـ"اليوم السابع"، أن المجموع التراكمى يجمع درجات الـ 3 سنوات التى يحصل عليها الطالب ويتم تقسيمها على المجموع الكلى، وتابع :"على سبيل المثال لو حصل الطالب على 40 درجة من مجموع الدرجات فى أولى ثانوى و 60 درجة فى تانية ثانوى و50 فى الصف الثالث سيكون الطالب حصل على 150 درجة من 300 إذا كانت المجموع الكلى 300".
وأشارت المصادر، إلى أن الوزارة لم تحدد الشكل النهائى للنظام الجديد والمجموع الكلى لدرجات الطالب فى السنة الواحدة، مضيفة أن الصف الثالث الثانوى سيتحول إلى سنة نقل ويختبر الطالب فيها بنظام الترمين ولن يصبح المجموع هو الأساس فى دخول الجامعة.
وأوضحت المصادر أن النظام الجديد للثانوية العامة سيقضى على مشكلة الدروس الخصوصية، لافتا أن النظام التراكمى للثانوية تم طرحه خلال السنوات الماضية ولم يطبق بعد اعتراض الرأى العام عليه، مششدا على أنه سيتم وضع آلية وضوابط حال إقرار النظام التراكمى يضمن عدم تحكم المعلم فى درجات الطالب خلال السنوات الثلاث، قائلا: "لازم المدرسين يساعدونا علشان يحصل تغيير".
عدد الردود 0
بواسطة:
مصر
أسطوانة مشروخة
دروس خصوصية 3 سنوات (كانت سنتان في مرة سابقة)بدلا من سنة..درجات حاسمة في أيدي بعض المدرسين غير الأمناء ..
عدد الردود 0
بواسطة:
مصري
احذروا
احذروا من المساس بالنظام الوحيد العادل في مصر ربما غير كامل لكنه ناجح لانه عادل.انا مستعد للدفاع عنه الى النهاية
عدد الردود 0
بواسطة:
aboomar
حقل تجارب احنا
كل وزير جاى عايز يجرب فى الثانوية العامة ويفشل النظام ويتعمل نظام جديد -- اللى عايز يطور التعليم يكون بنظام مدروس ويطبق من بداية المرحلة الابتدائيه ولا يتم تغيره بتغير الوزير
عدد الردود 0
بواسطة:
مصرى
ايامك خلصت فى الوزارة يا نصة
واضح ان سعادة الوزير معندوش فكرة عن المرحلة الثانوية. يعنى سعادة الوزير عاوز يخلى الثانوية العامة 3 سنين. يعنى دروس 3 سنين. يعنى خراب ديار 3 سنين وفى الأخر اولاد الصفوه هم اللى هيعدوا من امتحانات القبول بالكليات بغض النظر عن مجموع الـ 3 سنين. يعنى اللى كان هيخش ادبى هيدخل كلية طب. والله معالى الوزير تفكيرة سابق زمانة هيوصلة انه يقعد فى البيت يعمل اى حاجة ملهاش علاقة بالتعليم. انا مش عارف امتى نشوف وزير يكون متعلم وحاصل على شهادة بجد مش شهادة زى بتاعت معالى الوزير. يا رب اليوم السابع ينشر كلامى علشان اعرف انام لأن الدم بيغلى فى نفوخى لإنى خايف عل ابنى اللى هيخش ثانوى السنة القادمة من امثال معالى الوزير اللى ممكن يضيعوا مستقبلة مع العلم انى دكتور جامعة
عدد الردود 0
بواسطة:
وليد اسماعيل
تصريح متخلف
نظام تم رفضه من قبل وراجعين تفرضوه تانى على نفس الناس اللى رفضته لأسباب وجيهه محدش ملاحظ أن التصريح متخلف وليتصدر الأمن انسان عديم الاحساس الرحمه من عندك يارب يا تهديهم يا تأخذهم أخذ عزيز مقتدر وترزفنا بناس عندهم دم وإحساس لاحسن خلاص مش طيائين الكائنات دى
عدد الردود 0
بواسطة:
عماد
الهدف الاكيد
هناك هدف اكيد وهو القضاء على النظام الوحيد العادل لدخول الجامعه وجعلها مقصورة على فئه معينه وتوقيت تصريح ذلك الان من اجل احداث بلبله عند الناس وتنسى موضوع زيادة البنزين القادمه
عدد الردود 0
بواسطة:
صعيدي على المعاش
نيابه عن كل المدرسين -نحن نشكر الوزير الرهيب -
نيابه عن كل المدرسين -نحن نشكر الوزير الرهيب -نحن هنعطي دروس لكل السنوات - مش ثالثة بس - يعني هنتشبرا - و نشتري بيت للعيال و دهب لام العيال - الله ينصر دينك ياوزيرنا الرهيب
عدد الردود 0
بواسطة:
مصري مغترب
براحتكم
هههههه دا اسمه تخلف ... البلد مش عاوزه تطور التعليم او فيه ناس بتوصلها مقترحاتنا لاصلاح التعليم وبيرموها في الزباله!!!! دوروا فين راح مقترحي وحاسبوهم
عدد الردود 0
بواسطة:
اشرف طلي. fr
شويه جد
رساله للسيد رئيس الجمهورية من اجل مصر يعمل البنك المركزي علي طرح شهادات استثمار بقيمة الف دولار سنويا مقابل ان يكون المبلغ مقدم لعقار للمغتربين بمبلغ رمزي لمساعده الشباب في مصر ومن حق اي مغترب التنازل للاخ او الاخت وبهذه ألطريقه تضمن عشره مليار دولار سنويا من المغتربين شكرا
عدد الردود 0
بواسطة:
Sehsm elgizry
نظام الثانوية العامة
طبعا الدروس حتكون الخصوصية لمدة الثلاث سنوات ونظام السنتين خير شاهد .بجد فكروا جديا فى تطوير التعليم وارحمونا من تغير النظام