اعتدنا على انقسام البيوت المصرية بين الفرح والحزن عقب إعلان نتيجة الثانوية العامة، فتعلو مشاهد البهجة منازل المتفوقين، ومظاهر الحزن لمن لم يحالفهم الحظ، سواء بالحصول على درجات كبيرة أو الرسوب.
ودائما ما يستقبل الأهالى خبر رسوب أبنهم بشكل عنيف أو توجيه لوم شديد ، مما يصيب الطالب بأمراض نفسية أو يصل الأمر لحد محاولة بعضهم في الانتحار، وعلى عكس ذلك استقبلت الأم جيهان مجدى خبر رسوب ابنها بحالة من الرضا رغم تفوقه فى سنوات الدراسة السابقة، ولم تكتف بذلك بل قررت أن تقدم له كلمات من الدعم والتشجيع عبر صفحتها الشخصية على موقع التواصل الاجتماعى “فيس بوك".
وكتبت جيهان، فى رسالتها لابنها، "ابني لأول مرة فى حياته بعد تفوق كبير على مدار سنوات الدراسة كلها يرسب فى سنة دراسية.. أنا مقدرة جدا إني جبته م الدار للنار وغيرتله حياته كلها.. أنا مش زعلانه عشان سقط أنا زعلانه على الفلوس اللى صرفتها طول السنة".
واستنكرت الأم رسوب ابنها فى 3 مواد "نجاح ورسوب" ولا تضاف ضمن المجموع الكلى، قائلة، "لما هى مش ها تدخل فى المجموع بتتحسب ليه فى النتيجة أصلا".
ولم تنس الأم تهنئة الناجحين قائلة، "مبروك لكل اللى نجحوا، وهارد لاك لكل اللى هيعيدوا، مش نهاية العالم يا ولاد صدقونى"، ودعمت الأم ابنها ونصحته بأن يتعلم من أخطائه ولا يكررها، مؤكدة أن الثانوية العامة ليست المقياس الوحيد للنجاح في الحياة، قائلة، “أنا مش عايزاك تزعل بس عايزاك تتعلم من الدرس وتشوف أخطاءك فين ومتكررهاش، الفشل بداية نجاح الثانوية العامة مرحلة من حياتك مش هى حياتك كلها".
وأضافت الأم، "أنا هفضل فخورة بابنى فى كل الأحوال، وعمرى ما هقارنه بحد فى أى حاجة، كفاية بس إن اللى بيقعد مع ابنى بيقولى عرفتى تربى.. شجعوا عيالكم لما يوقعوا وخدوا بايديهم".
ام تدعم ابنها بعد رسوبه فى الثانوية
توضيح آخر للأم
عدد الردود 0
بواسطة:
؟؟؟
غلطانه يامدام
لانك كده بتشجعيه يسقط السنه الجايا وبتقولي له هديك فلوس متقلقش وكمان بتشتمي التعليم ؟؟ لما انتي مش عاجبك النظام التعليمي عايزة نظام جديد متفصل تفصيل لسيادتك ممكن بالفلوس دي تهاجري برا مصر وهناك بقى مش هيتسمع صوتك اصلا ولا هتقدري تفتحي بوقك عشان عارفه انه برا مصر الحساب ماشي على الكل ومافيش وسايط لكن هنا في مصر فيه ديمقراطية بتقولي اللي يعجبك لان اللي ماسكين التعليم حاسين دايما نفسهم غلطانين عشان كده سايبينك تقولي اللي يعجبك
عدد الردود 0
بواسطة:
Zaka
جدعة يا ام مجدى
هو ده الكلام بلاها سنه.متعرفيش الخير فين ؟ اجدعن ياض يا مجدى السنة الجاية.
عدد الردود 0
بواسطة:
محمد
يا ريت كل أمهات مصر يبقوا مثقفين زيك
تحية لكي يا احلي ام ....ندعم أولادنا في الوقوع علشان فعلا الام و الاب هم اللي ليحولوا الفشل الي نجاح بالرحمة و الشفقة و احتضان أبناءهم و بناتهم و التفكير دة يخلي مصر من الدول المتقدمة ...انها الثقافة ووصايا الرسول باولادنا....مليون تحية لجيهان
عدد الردود 0
بواسطة:
البرنس
اسلوبك أوفر شويه يا مدام .
تصرفك فيه شئ من الصح وبعض الغلط ... انت بتقولي انك مش زعلانه لرسوبه ولكن زعلانه علي الفلوس اللي صرفتيها ... معني كده ـــ مثلا ـــ لو استطاع في الأجازه الحصول علي عمل وتدبير مصاريف السنه الجديده يدخل ياخد السنه برضه ياصابت ياخابت المسئله كلها شوية فلوس ؟!! هنا سيفقد المبدأ .. إنه بيتعلم عشان ياخد شهاده تنفعه في تكوين مستقبله ... وكمان هيفقد الطموح يعني لا قدر الله لو عاد السنه وجاب 50% لاقدر الله سيكون هذا بالنسبه له تقدم عن السنه الماضيه ... الصح في تصرفك إنك لم تضغطي أكثر علي نفسيته فأكيد بداخله هو متأثر جدا خاصة انك تذكرين أنه كان من قبل متفوقا ... فأنا والحمدلله عندي ولد وبنت ... البنت ماشاء الله في رابعه طب ... وأخوها هذا العام كان في ثانوبه عامه ... وبرضه صرفت الكثير والكثير من المال ودخل علمي رياضه ليحقق حلمي ويطلع مهندس ... لكنني من متابعتي لأسلوب مذاكرته تأكدت إنه لن يحقق لي شيئا ... وبالفعل حصل علي 70% وكانت صدمه كبيرة جدا لي ... لكنني تصرفت معه كما تصرفتي انت مع ابنك في جزئية عدم الضغط علي نفسيته وطلب مني تغير موبايله لموديل أحدث ونفذت له طلبه ... لكنني كما أعطيته النصيحه قبل الأمتحان كررتها عليه بعد ظهور النتيجه وأحسسته بأسلوب غير مباشر إنه كان مستهترا وعليه إصلاح ما أفسده بنفسه حتي يشعر بالمسئوليه كما أفهمته أن شرائي موبايل جديد له ليس مكافأه لأنه أصلا لم يقدم ما يستحق عليه المكافأه وفي الوقت ذاته شجعته بأن مازالت الفرصه أمامه ولكن عليه أن يكون جادا ويفصل بين العمل واللهو حتي يستطيع تخطي هذه الكبوه ... وفق الله شبابنا وفتياتنا وأصلح من حالهم ... والله المستعان .
عدد الردود 0
بواسطة:
اب
مواد الرسوب
مع احترام علي التعليقات لكن هو رسب في مواد لم تنضاف الي المجموع وهذه هي النكبه . لما يكون ابني ناجح في الواد المهمه التي نحارب طول العام لكي نحصل على المجموع العالي والاخر يرسب عليشان مواد ليس لها موقع من الاعراب .... اني معك ايتها الان في حضن ابنك وتشجيعه وهذا لان نظام تعليم فاشل ليس له ترتيب عالميا كل الي يعرف كيف يحرق دم الاهل والطلبه ههههه في الاخر هل هناك سوق للعمل !!!!!!!
عدد الردود 0
بواسطة:
حمدون
تحية
لك كل تحية وتقدير على ما قمتى به واعلمى ان الرسوب ليس نهاية العالم بل هو بداية النجاح والتفوق كان يدرس لنا فى السبعينيات بكلية العلوم استاذ دكتور كيمياء له مقوله اعتز بها حتى الان وهى خرجت منها مفصولا وعدت اليها دكتورا
عدد الردود 0
بواسطة:
ندى
منية سمنود
اعتقد ان ابنها اخطا فى المداكرة السليمة
عدد الردود 0
بواسطة:
ندى
منية سمنود
ندى تعنى الكرم والاصل
عدد الردود 0
بواسطة:
tito
تناحة
يعنى تسقط وتطلب موبيل حديث انت ياض جبلة .مذكرتش ليه يلا زى الناس.ده الفوس اللى دفعتها امك كانت تجيب شقة لواحد متفوق بس للاسف الدنيا ملطشة معاه.اخس
عدد الردود 0
بواسطة:
مصرى
بسم الله ما شاء الله .. بنفسد ولادنا بإيدينا
تعيشى وتفتخرى .. كفاية خداع وضحك على الذقون .. تابعى ابنك واعرفى سبب رسوبه فى المواد الثلاث وشجعيه فى اﻹجازة عشان يذاكر ويهتم بجميع المواد زيه زى بقية زمايله اللى نجحوا فى مواد النجاح والرسوب .