فاكرة حبيبتى حبنا
اللى كان بينا زمان
كان بينا مودة وعشرة
وإخلاص وحنان
كنت بحس وأنا معاك
بوفاء وأمان
ما تيجى نرجع ذكرى جميلة
ونعيش الحب اللى كان
كنت بشوف الدنيا فيك
وردة جميلة صغيرة
وكلمة بحبك من شفايفك
فى حلاوتها زى حتة سكرة
كنت بشوفك بدر عالى
لابس طرحة مدورة
حتى ضحكتك الجميلة
زى الشمس منورة
ياللى عمرى ابتدا بيك
وبعيونك السهرانين
لسه فاكرك مش ناسيك
وقلبى مليان ليك حنين
يا حب ساكن جوا كيانى
يا بسمة مسطرة على الجبين
نفسى نرجع سوا للماضى
ونعيش مع بعض حلم السنين
وابنيلك قصر من دهب وفضة
وأزرع لك فيه ورد وياسمين
وأعيش معاك حبيبتى تانى
زى ما كنا صغيرين
