رحلته مع الفريق الأبيض، مليئة بالعشق والإثارة والوجع فى كثير من الأحيان، غالباً ما يتابع مباريات الزمالك من استوديوهات برنامجه الذى كان ومازال حاضراً فيها، يتفاعل ويتراقص كمشجع درجة "تالتة" لعام أو عامين، لكنه لا يلبس ويعود مجدداً، كحال كل زملكاوى إلى السنوات العشر العجاف.
خمسون عاماً قضاها الإعلامى عمرو أديب، صامداً فى حبه وعشقه للفريق الأبيض، ومعبراً عن حال جمهوره، الذى يعانى "الأمرين" مما وصل إليه الفريق، الذى خرج "أبيضاً" من بطولات إفريقيا والدورى المصرى وربما كأس مصر إذا ما استمر الحال على ما هو عليه، ليخرج أديب مؤخراً، كما كان يخرج على الشاشة كل عام، ويكرر نفس الكلمات المعبره عن حزنه، ويعلق على هزيمة نادى الزمالك بهدفين مقابل لاشىء أمام الأهلى، قائلاً لجمهوره، :"إخوانى فى نادى الزمالك.. هارد لك.. البقية فى حياتكم.. كما عودتكم ينضم هذا الفيديو إلى المجموعة الذهبية بتاعتى، يمكن دا الفيديو الـ15 فى الهزيمة الـ 15 للزمالك من أول ما ابتديت أشتغل فى الإعلام، جمعوا فيديوهاتى فى ألبوم واحد وهتشوفوا إنى بقول نفس الكلام".
اليوم السابع يستعيد "المجموعة الذهبية" من فيديوهات الإعلامى عمرو أديب، وتعليقاته على هزائم الزمالك المختلفة:
1- "أفكر فى إجراء عملية تحويل من زملكاوى لأهلاوى"
بالأمس، وبعد هزيمة الزمالك من الأهلى، فى ختام مباريات الدورى المصرى، خرج أديب على الهواء من العاصمة البريطانية لندن، وقال، :"بفكر جدياً إن هنا فى لندن يكون فيه دكتور يقدر يعملى السويتش ده، فيه حاجة أكيد فى جسم البنى آدم تخليه يتحول من زمالكاوى لأهلاوى، وأقعد كده اتفرج على وليد سليمان وأجاى، وأقول لمحمود طاهر إيه الجمال ده، ومبروك للنادى الأهلى، وكل الحواديت دى، هنا يعملولى العملية البسيطة دى وخلاص"، مواسياً جمهور الأبيض :" البقية فى حياتكم".
2- "إحنا آسفين يافيريرا"
فى 9 فبراير 2016، عبّر عمرو أديب عن حزنه ويأسه بعد الهزيمة التي تعرض لها نادي الزمالك، على يد النادى الأهلى، بهدفين دون مقابل، وقال، :"يا عالم يا هووو حرام والله.. إحنا معندناش مجلس إدارة عشان يكون في فريق من الأساس.. ومحدش يطلع يقولى أصل العمل اللى كان معمول على بطن نملة ولا شمهورش هو اللى خسرنا.. إحنا فريقنا زى الزفت وتحية لمجلس إدارة الأهلى وعبدالعزيز عبدالشافس وكل لاعيبة الأهلى رجالة، للمرة الألف الأهلى بيدينا الدرس وإحنا مش بنتعلم".
وتابع "أديب"، "أنا نفسي أروح لفيريرا وأقوله إحنا أسفين وأعمله هاشتاج باسمه.. لان الفريق اللي بناه تم تدميره بالكامل بسبب مجلس الإدارة الفاشل، وأكبر دليل على كلامي إن مجلس الإدارة فاشل هو إنهم إزاي يفرطوا في واحد زي إبراهيم صلاح.. لاعب زي دا مش هيتعوض تاني".
3- رباعيات أديب "أنا موجوع .. وعجبى"
كما علق أديب بعد هزيمة الزمالك من الأهلى يوم 11 يناير 2009، وقال رباعييته، :"أنا موجوع ..مفيش حاجة بتتغير ..الأمة العربية مش بتتوحد، والعدوان الإسرائيليى مش بيرحم والأنابيب مش بتتوفر، ونادى الزمالك مبيكسبش..وعجبى".
4- "الزمالك ربنا خلقه عشان يفضل ورا الأهلى"
انفعل عمرو أديب بشدة بعد فوز الأهلى على منافسه مصر المقاصة، وقال أديب، "الزمالك ربنا خلقه كدا علشان يفضل ورا الأهلى فى المركز الثاني، هنفضل كدة على طول".
5- "هذا زمن الأهلى..إحنا أقلية"
كما علق بعد فوز الأهلى ببطولة الدورى فى إحدى المواسم، قائلاً :"هذا هو زمن النادى الأهلى ..الزمن الأحمر منذ 1909، من أيام الكابتن التتش..هنا ما يسمى بالإدارة النظيفة والمواطن المحب للنادى..الأقلية الزملكاوية فلة وشمعه منورة".
6- "مصر لن ينصلح حالها طالما الأهلى بيفوز بالدورى"
وتعبيراً عن حزنه بفوز الأهلى ببطولة الدورى العام للمرة 39 فى تاريخه، قال :"مصر لن ينصلح حالها فى ظل حصول الأهلى على لقب الدوري باستمرار".
7- سخرية أديب من هزائم الزمالك
وفى إحدى المرات سخر الإعلامي عمرو أديب، من هزيمة الزمالك أمام الإنتاج الحربي، قائلاً "اتغلبنا النهاردة وده ذنب حسام غالي، والأهلاوية كلهم .. فيها إيه لو الزمالك خسر، برشلونة خسر امبارح 4 من باريس سان جيرمان".
8- "اللى مستنى وصول الدعم لمستحقيه مستنى الزمالك ياخد الدورى"
وفى سخريته من هزائم الزمالك، قال: "اللي مستني وصول الدعم لمستحقيه زي اللي مستني الزمالك ياخد الدوري.. 30 سنة بيقولوا نسعى لوصول الدعم لمستحقيه ومبيوصلش، نفس عقدة الزمالك كل سنة يقولك هناخد الدوري وهنكسب الأهلي ومفيش حاجة"، مشيرا إلى أن الدولة حتى الآن لم تدرك الفئة المستحقة للدعم وما زالت في مرحلة البحث.
9- "أنا عاوز أدرب الزمالك وهاخد المركز التانى برضه"
كما تهكم "أديب" على ارتفاع منسوب مياه الأمطار في الإسكندرية وعجز المسئولين عن حل هذه المشكلة، وقال فى برنامجه بتاريخ، 8 يناير 2013،: "ابنى ممكن يبقى محافظ الإسكندرية إذا لم يكن هناك جديد في حل المشكلات، وأنا كمان ممكن أدرب نادي الزمالك وأجيب له المركز الثانى،
10- "آه يا تي شيرت العمر الأبيض"
في مرة من المرات النادرة فرح "أديب" بفوز الزمالك ببطولة الكأس في نوفمبر 2013، وقال "مصر تعود لسابق عهدها، وكل حاجة جميلة، وشيكابالا جاب الجون رغم انه مضيع 1000 كرة زيها الماتش اللي فات..أنا كزملكاوي سعيد، وآه ياتيشيرت العمر يا أبيض، احنا بنحب الزمالك بل هدف وبلا عائد، كل الناس بتحب نواديها لسبب، هو ده الزمالك".
11- "أنا شعري راح والقٌصة طارت بسبب الزمالك"
انفعل "أديب" بعد فوز الأهلى على الزمالك بضربات الترجيح في مباراة السوبر سبتمبر 2014، قائلاً "الزمالك ما عملش حاجة وأنا متعود وكمية الذبحات والجلطات اللى بتحصلى أنا متعود عليها..ابقى لون شعرك يا كوفى بالأحمر، وما تزعلش يا حبيبي، حصلت ثورتين في مصر والزمالك لسه بيتهزم من الأهلى وأنا شعرى راح بسبب الزمالك والقُصة طارت، ونزل الآى فون بجميع أنواعه وصاحبه صنعه ومات، والزمالك لم يهزم الأهلى".
12- "احنا مكسبناش من أيام أمنحتب رع وسخن قا"
وتهكم "أديب" على خسارة الزمالك بإحدى بطولات السوبر، وعرض فيديو قديم في أحد أفلام صلاح ذو الفقار لطفل حزين بسبب هزيمة الزمالك في الفيلم: قائلا: "لو ربنا يدينا شوية هظ من بتوع الأهلي.. بس ركنا على الفاينل"، وعلّق قائلاً :"علشان تعرفوا بس اننا مكسبناش من أيام ما كان صلاح ذو الفقار بيعاكس إنجى ومن زمن أمنحتب رع وسخن قا".
13- العيب في يوم الثلاثاء.. اليوم ده لازم يتلغى"
فى يوم الثلاثاء الموافق، 12 أكتوبر 2011، هاجم "أديب" فريق الزمالك بشدة عقب خسارة الفريق بطولة كأس مصر أمام فريق إنبى، وقال: "يوم الثلاثاء سيظل دائما مصدر تشاؤمي خاصة أن جميع الأحداث السيئة التي أواجهها في حياتى تحدث في اليوم ده"، مضيفا: "هذ اليوم لابد إلغائه من الأسبوع".
14 - فقدت إحساس الألم تماما
وبعد هزيمة الزمالك فى القمة 113، قال الإعلامي عمرو أديب، :"فقدت الإحساس بالألم من هزيمة الزمالك أمام النادى الأهلى، وذلك ..هى دي قصة حياتى نلعب الماتش كله والأهلى يكسب مش فاهم ده معناه إيه في كره القدم الحديثة أو القديمة على العموم أنا فقدت إحساس الألم تماما".
15- بعد خسارة الزمالك لبطولة أفريقيا: "هنفضل طول عمرنا كده.. ملطشة"
وعلق الإعلامى عمرو أديب، على خسارة فريق الزمالك بطولة أبطال إفريقيا العام، قائلاً: "احنا مش هنقعد نجيب مدربين يتعلموا فينا، احنا عاوزين مدرب كويس.. عاوزين مدرب كبير".
واستطرد أديب: "هنفضل طول عمرنا كده ملطشة.. مش ممكن يعنى، دا الجمهور غلبان والله العظيم تلاتة، كان نفسنا النهارده نقدم حاجة للبلد، إنما احنا مغلوبين الماتش هناك عشان مفيش تنظيم وتدريب كويس".
