محدش فاهملك حاجة وخدانا كده على فين
كفاية أوى بزيادة يا دنيا مش قادرين
صبرنا كتير ولسه برده عليكى صابرين
ما تهدى شوية علينا يا دنيا تعبانين
حاجات كتير مقلوبة خلتنا فيكى تايهين
الطيبة خلاص مغلوبة أصحابها مش عايشين
ناس تسهر فى سهرة تصرف ملايين
وناس حالتها صعبة شبه مش عايشين
ناس قلوبها صخرة عايشين متدلعين
وناس عيشتها سُخرة من الظلم مدبوحين
حرام عليكى يا دنيا عملنا فيكى إيه؟
ليه سرقتى الحب مننا وحرقتى القلب بيه
ليه الظلم يا دنيا استقوى عالناس الطيبين
زرع جواها أسوة وسرق منها الحنين
قولولى إيه أخرتها وليه يا ناس بنعيش
ماسكين أوى فى دنيتنا وهى متساويش