انتقد الدكتور أيمن حمزة، المتحدث باسم وزارة الكهرباء، ثقافة المصريين فى استهلاك الكهرباء، موضحًا أنه رغم تغير هذه الثقافة إلى حد ما، إلا أنه ما زال هناك كثيرون من المواطنين يتركون منازلهم والأجهزة متصلة بالتيار، متابعًا: "الشقة كلها منورة والتليفزيونات كلها شغالة على طول، والكاتيل بيتملى لغاية الآخر ومش هياخد منه غير كوباية، وشواحن التليفون اللى لوحدها كارثة".
وعن شرائح الاستهلاك، قال المتحدث باسم وزارة الكهرباء، فى مقابلة مع برنامج "صباح ON" المذاع على شاشة قناة ON Live، إن الهدف من تقسيم الشرائح الذى تم فى العام 2014، هو مراعاة الدخل والقيم الاستهلاكية، مبينًا أن التقسيمات جاءت نتيجة دراسات وأبحاث.
واعترف "حمزة" فى المقابلة، بوجود أخطاء بشرية فى قراءة العدادات، قائلا: "الفيصل هو قراءة العداد والقراءة الموجودة فى الإيصال، ويمكن طلب معايرة العداد حال وجود زيادات"، كاشفا عن توجه جديد لوزارة الكهرباء لاستبدال العدادات القديمة بأخرى ذكية، بسبب عجز العمالة الخاصة بالكشف عن قراءات العدادات، الذى يصل حجمه إلى 10 آلاف موظف، متابعا حديثه بالقول: "الوزير بيصوّر عداد الاستهلاك بتاعه كل يوم علشان يتابع الاستهلاك بنفسه".
وذكر المتحدث باسم وزارة الكهرباء، أن الوزارة تعمل على الاتفاق مع شركات مدنية للكشف عن القراءات فقط، مشيرا إلى وضع بدائل عن قراءة العداد عبر "الكشاف"، مثل إبلاغ القراءات بمقر الإدارات، أو الاتصال بالخط الساخن رقم 121 للإبلاغ عن القراءات والشكاوى وسرقة التيار.
عدد الردود 0
بواسطة:
atefsoltan@hotmail.com
الزمالك
حضرتك بتضحك على مين هو مش موظف الكهرباء بيسترد قيمة استهلاكة شهريا يعنى مبيدفعش قرش واحد يبقى الوزير بيبص على عدادة لية كفاية جشع هترجعونا لفين للمة الجاز يعنى اتارى سيادتك منور من مرتبك وارباحك على حسابنا
عدد الردود 0
بواسطة:
أحمد محمد
شديد الإضاءة ليلا .. شديد الإضاءة نهارا
سوق باب عمر باشا أمام محطة قطار إسكندرية يسبح في محيط من اللمبات شديدة الإضاءة و التي تعمل على مدى 24 ساعة و لا تنطفيء لأنها موصلة بأعمدة شركة الترام و كل فترة يحدث ماس مروع . و الله كنت أمشي بجوار اللمبات في برد طوبة فشعرت بالدفء الشديد فقمت بتصوير المنظر الساعة 12 ظهرا .
عدد الردود 0
بواسطة:
محمد
غير حقيقي
كل شهر منذ 8-2016 و حتى 7-2017 بسجل قراءة العداد على الموقع الالكتروني الخاص بشركة جنوب القاهرة - المعادي . و مفيش مرة الايصال يجي صح سواء كيلوات او قيمة و المبالغ فارقة جدا جدا جدا و هذه شكوى لمن يريد ان يبحث و يحل هذه المشكلة
عدد الردود 0
بواسطة:
ابو احمد
معايرة خاطئه للعداد الذكى
انا عندى العداد الذكى اكتشفت الان انه بيحاسبنىفى الشريحة السادسة 1.32جنيه فى حين ان المعلن 95قرش للكيلوا قلولى اعمل اية انا جبت العداد الذكى بعد معاناة مع الكشافين الى قاعدين على القهاوى بيكتبوا قراءة
عدد الردود 0
بواسطة:
فتحى محمد
سؤال لم اجد إجابته فى وزارة الكهرباء؟
كيف يتم حساب الاستهلاك فى العدادات المسبوقة الدفع، فالعداد العادى يتم حساب الاستهلاك بعد شهر ونعرف شريحة الدفع، لكن العدادات المسبوقة الدفع يتم الخصم اولا باول قبل معرفة الاستهلاك، ارجو معرفة الاجابه لان احد الموظفين قال إن كل العدادات مسبوقة الدفع لها شريحة واحدة للحساب مهما كان الاستهلاك فهل هذا صحيح؟
عدد الردود 0
بواسطة:
احمد حامد
شغل نصب
الاغرب من هذا ان المواطن يذهب بقراءة العداد لادارة الشركة ومع هذا لا يكتبوها حتى تتراكم القراءات شغل نصب وكأنهم يتفننون فى النصب على الشعب
عدد الردود 0
بواسطة:
محمد هانئ بدر
نصب
والله العظيم نصب ولا ىوجد قراء من اصلة
عدد الردود 0
بواسطة:
البرنس
الوزير بيصور العداد بنفسه ... مفيش فايده
نفس اسلوب كدابين مبارك ( الأمن مستتب ) ونفس القالب الوظيفي التمبل ونفس الوشوش الكلحه ... ولكن لي تعليق علي الكدابين دول ... في تصوري إن عشر موظفين بيروحوا بيت الوزير واحد بيقرا العداد واربعه بيغسلوا المواعين واتنين بيمسحوا البلاط وتلاته في استقبال الوزير ( أي خدمه ياباشا ... اي خدمه ياباشا ) مشكلتكم إنكم فاكرين إن الشعب غبي زيكم ... علي فكره قلتها مليون مره وسأقولها مره أخري ( شعب مصر ليس مكتوبا مرور حكومه ناجحه عليه عبر كل العصور ... ( رجاءا تذكر هذه العباره وإن حدث عكس ذلك يبقي انا مابفهمش حاجه ) والله المستعان . ان .
عدد الردود 0
بواسطة:
صعيد تور بالعداد
منور يا باشا
الرجاء من مباحث الكهربا تشتغل شويه وليس امناء الشرطه لان الامناء شغليين الله ينور فى الاخياء الشعبيه بالذات اللى عنده تكييف له مرتب شهرى عندهم بخلاف المحلات
عدد الردود 0
بواسطة:
جوجو
جربها بنفسك
شوف ياسيدى وجربها بنفسك هايجى لك قراءة هى هى مكتوب عليها متوسط يعنى الكشاف ماكتبش الاستهلاك او معداش وبعدين بعد 3 شهور يجى البيه يعدى ويكتب الاستهلاك / طبعا سعادتك تكون سيبت كل الشرائح المدعمه ودخلت فى شريحة مهببه عشان دول 3 شهور مش شهر يقوم الشركة تحاسبك بقى على 1.35 قرش بدل 95 قرش للكيلو وهاتك يادفع وغلى وكوا ووووو مفيش فايدة فينا مع بعضينا