فى كل يوم نسمع عن أخبار
مرة حادث سيارة وأخرى
حادث قطار
وف كل مرة نقول
حكمتك يارب فوق كل حكمة
أو ما باليد حيلة
ناس بتموت وعيال بتتشرد
ما لهمش اى ذنب فى كل اللى بيحصل
يا ترى مين هو المسئول؟
سؤال تملى أردده
ومش لاقى جواب ليه معقول
هل هو القدر؟
هل هو المكتوب؟
ساعة القدر يعمى البصر
حتى يتم المكتوب
لو حد عنده أى إجابة
بيها يقدر يريح بالى
يدلنى بيها طوالى
ربنا يرحم كل قتيل
ويصبر كل قريب
وزى ما قالوا تكون
آخر الأوجاع اللهم آمين
