"منه لله دمر حياتى و رجولتى.. استغل فقرى وحاجتى للمال، وكان يغتصبنى عنوة.. أنا قتلته وخلصت منه".. بهذه الكلمات روى قاتل شاذ جنسياً بشبرا الخيمة، كيف ارتكب جريمته.
وقال "كريم": "طول عمرى فى حالى، وأهلى ناس غلابة، كنت بقوم بجمع القمامة من الشوارع، كى أصرف على نفسى وأعيش، وأسرتى فقيرة نعيش بحجرة فوق سطح إحدى العقارات بشبرا الخيمة، وفى يوم تشاجرت مع أهلى، وتركت المسكن، وجلست على مقهى بمنشية رياض بشبرا الخيمة، وهناك تعرفت على المجنى عليه، وكنت أبكى فتعاطف معى، وأخذنى للعيش معه، بعدما قصيت له ما حدث مع أسرتى، وفرحت جدا أنى وجدت مكانا أسكن به، ولكن اكتشفت أنه شيطان، أرغمنى على شرب المخدرات معه، وقام بالتعدى جنسياً على بعد تهديدى بتلفيق قضية لى وأنه سيدخلنى السجن، لأنه صورنى وأنا بتعاطى مخدرات".
وتابع "كريم" خلال تحقيقات النيابة: "كانت تلك المرة الأولى الذى قام فيها المجنى عليه باغتصابى، وتوالت المرات تحت التهديد، وفضحى أمام أهلى تارة، والتهديد بالأموال الذى أعطاها لى تارة أخرى"، وصمت "كريم" وظل يبكى ويردد: "والله مكنتش عايز أعمل كدا، منه لله، قضى على رجولتى".
وأكمل "كريم": "يوم الحادث أرغمنى أن أذهب إليه، وقام بتناول سيجارة حشيش، وتعدى عليا جنسيا رغم رفضى، وهددنى بالقتل، فأنصعت له، وأنا أبكى، وأقول له منك لله، حرام عليك"، لكنه ظل فى تعديه على، وبعد أن انتهى، نام على كنبة بصالة مسكنه، وكان أسفلها كيس بلاستيك، فاستغليت نومه وقمت بربطه بحبل وخنقته، وأشعلت النيران فى الكيس البلاستيك أسفله، وكلما رأيت النار تشتعل وتأكل فى جسده، كنت أبكى حزنا على نفسى وفرحا بأنى أخذت حقى منه، وحرقته، وخلصت الدنيا من أمثاله، ولو عاد لقتلته ألف مرة"، وفى النهاية طالب المتهم، أن تسامحه والدته على ما فعله وأنه كان رغما عنه.
تلقى اللواء محمد توفيق حمزاوى مدير أمن القليوبية، إخطارا من الرائد أحمد عسر رئيس مباحث قسم شبرا الخيمة أول، بتلقيه بلاغًا من الأهالى، بوجود تصاعد أدخنه من عقار كائن، بمنشيه عبدالمنعم رياض دائرة القسم، ووجود جثة.
وبالانتقال والفحص، تبين للعميد محمد الألفى مدير المباحث الجنائية بالقليوبية، أن الجثة لـ"أحمد خ" 45 سنة، عامل، وتبين أن المتوفى ملقى على كنبة، ومحروق بمسكنه الكائن بالدور الأرضى بمنشية عبدالمنعم رياض دائرة القسم، فتم تشكيل فريق بحث استمر لمدة 11 يوما، من البحث والتحرى، بقيادة العقيد ناصر رفقى، والنقباء يوسف عمران وأحمد الشامى، وتوصل فريق البحث إلى أن وراء ارتكاب الواقعة "كريم ح" 19 سنة، عاطل، مقيم منشية عبدالمنعم رياض دائرة القسم.
وبعد تقنين الإجراءات تمكن النقيب أحمد الشامى من ضبط المتهم، وبمواجهته اعترف بارتكاب الواقعة، وأن المجنى عليه شاذ جنسياً، وكان يجبره على ممارسة الرزيلة معه، وفى يوم الحادث بعد تعدى المجنى عليه جنسياً، استغل نومه وأشعل النيران فيه، فتحرر محضرا بالواقعة، وأحيل المتهم للنيابة التى أمرت بحبسه 4 أيام على ذمة التحقيقات.
عدد الردود 0
بواسطة:
بنت مصرية
لا هو شيطان ولا انت ملاك !!
بداية انا مش قصدى من كلامى انى ادافع عن المجنى عليه علشان محدش يفهمنى غلط , المجنى عليه حيوان وكان جزائه العادل الحرق فى الدنيا والآخرة , لكن الجانى كمان غلطان , المجنى عليه ارغمه ازاى يشرب معاه مخدرات ؟؟ مش فاهماها دى بصراحة !! يعنى هدده بالسلاح مثلا وشربه مخدرات بالعافية !! مش منطقى يعنى , غالبا الجانى كان أصلا مدمن مخدرات والمجنى عليه استغل ده , فبعد ما شربوا المخدرات وعملوا الدماغ اللى هى , هدده بأنه لو رفض اقامة علاقة معاه هيبلغ عنه البوليس ويقول انه مدمن مخدرات ويحبسه بالصور وللا الفيديو اللى صورهوله وهو بيتعاطى المخدرات , لو الجانى كان متعلم وعنده وعى قانونى كان هيقولله اعلى ما فى خيلك اركبه , النيابة مبتعترفش بصور او فيديوهات اتصورت بدون اذنها , غير ان التعاطى تم فى بيتك وبعلمك وبالأشتراك معاك , يعنى لو بلغت عنى هتبقى بتبلغ عن نفسك انت كمان , انا معنديش مانع نتحبس سوا !! لكن هنقول ان الجانى تفكيره على قده ومحسبهاش كده , ده لو افترضنا حسن النوايا ومقلناش ان الجانى كان راضى يمارس معاه الجنس فى مقابل المأوى والمخدرات , هنفترض انه فعلا هدده زى ما بيقول , طيب ماهو انت بأدمانك اللى اديته الفرصة يبتزك !! محدش بيشرب حد مخدرات بالعافية , مفيش حاجة اسمها أرغمنى على تعاطى المخدرات , لو ده حصل يبقى المجنى عليه مقضاش على رجولتك ولا حاجة , لأنك مكنتش راجل أصلا !! الرجولة مش جنس وبس !! الرجولة شخصية وقدرة على التمسك بالمبدأ واتخاذ القرار الصح !! علشان كده ممكن تبقى بنت , بس راجل , ارجل من واحد زيك على الأقل !! عموما المجنى عليه أخد جزاؤه , وانت كمان هتاخد جزائك , انتوا الأتنين تستاهلوا الحرق !!
عدد الردود 0
بواسطة:
تامر
اعتقد انك صادق .. ومثلك المئات .. ذنبك فى رقبة الدولة
الفقر والفقر والفقر ... يحول الانسان الى حيوان وشيطان ... حسبى الله فى كل مسئول مقصر فى عمله تجاه المجتمع
عدد الردود 0
بواسطة:
مصطفى
فقر ايه اللى يخلى الواحد يتعمل فيه؟؟؟
انا كنت مرة اعرف واحد اوغندى شغال معاى فرد امن فبقوله الباكستانية البنات وهم نوع من الباكستانية موجودين على حدود أفغانستان ومشهور عنهم حبهم للاطفال فيقول لصاحبى لو قالك واحد منهم تعالى معى البيت خلى بالك دول شواذ تعمل ايه،،فقال اروح معاه واضربه واخد فلوسه ههههههههههههه ده الرجالة مش الواد المضطرب ده
عدد الردود 0
بواسطة:
عز الدين
استغرب من التغليق رقم 2
هو كل حادثة هنقول الدولة ؟؟ اي دولة في العالم مسؤلة عن فقر وغنى الناس . ؟؟ هذا شعب متدين بطبعه معدل الزيادة السكانية يقترب من 3 % وهو بالمناسبة اعلى معدل في العالم ويؤمن ان العيل رزقه بيجي معاه ولما يعيش في فقر يقولك الدولة .. هل الدولة مطلوب منها تعلم 90 مليون برة في السربون ولا كامبريدج ؟ ولا تدخل كل الشعب مدارس دولية .. لماذا هذا الفكر الاشتراكي العقيم .. مشاكلكم منكم فيكم .. ثقافتكم البالية التي تأبون تغيرها وجمودكم ورفضكم لتجديد الفكر الديني الذي هو قضى على الفكر من الاساس هو سبب مشاكلكم .. هل ستعترفون بذلك ام ستظلوا تضحكون على انفسكم الى الابد وتقولوا اصل الدولة السبب ؟
عدد الردود 0
بواسطة:
مختار السملوطى
لا حول ولا قوة الا بالله الدنيا فيها مصائب كثيرة
تخطى أل 18 عاما . على الأقل ياخذ فيها تأبيده . ويتسلوا عليه باقى المساجين .
عدد الردود 0
بواسطة:
نورهان
الفقر والجهل بيعمل اكثر من كده
الى رقم واحد انت بدافع عن ايه شيطان بيعمل الاول نفسه ملاك علشام حاجه فى نفسه الولد عندجه تسعه عشر عام والفقر قاضيه عليه وعلى اسرته والثانى خمسة وارعون عام يعنى فاهم هو بيعمل ايه وشوف هو استفل كام طفا او شاب محتاج ديه اكثر سبب الا زيه ديه لازم يقتل بليون مرة ارحموا فقر الشاب والشباب والاطفال وديه بقى مسئوليه وزيرة التضامن الا انه بتقول كلام ويطلع عاكسه ان عايزين وزير مثل وزيرة الاستثمار مش واحد بتعطى الناس بايده وتاخز حق ناس تانيه بايدى اخر زى قضية اصحاب المعاشات احنا اهلينا طلعوه على المعاش والجميلة والالثصفطوطه بتاعة اضامن الاجتماعى مش راضية تعترف بحق بتوع المعاشات بنسبة الثمانون فى المائة احنا اولاد اصحاب المعاشات اخر من نزهق احنا حنطلع نعمل مظاهرة بالوقوف جنب اسرتنا لاننا مش حنسبهم واحدهم ضد توغل السيده الصغيورة والحكومة على حقوقهم
عدد الردود 0
بواسطة:
حلمي
قبل وقف الزيادة السكانية لا أمل
هذا الانفجار السكاني هو المسئول الأول و الأخير عن حالات الفقر المدقعة يا نفوق يا نموت .. تختاروا إيه يا مصريين......
عدد الردود 0
بواسطة:
مصرى اصيل
الفقر ...قسوة الاهل تعمل اكتر من كده!
يعنى لما الاهل بيطردوا ابنهم مبيعرفوش ايه اللى بينتظره بره البيت ...مهما عمل ابنكم حافظوا عليه ومتتطردهوش لكلاب الشوارع ...واحد شاذ سافل عنده 45 سنه استغل جهله وقله خبرته فى الدنيا وارغمه على الرزيله بالتهديد بالسجن والتهديد بالفضيحه امام الاهل ...المجنى عليه الحقيقى هو هذا الشاب المسكين ...امام المجرم القتيل فهو يستحق ان يقتل الف مرة بلا رحمه ومثل هذا الشاب المسكين يجب ان يعالج اولا ...... والسجن بالنسبه له يبقى لصلاح ما تبقى منه ...مش لتدميره للابد ...ارحموا من فى الارض ...ده شخص غلبان اجبر واكره ولا تلوموه وتسخروا منه يكفى مسأته النفسيه
عدد الردود 0
بواسطة:
وليد المصرى
الكفتاجية اشتكوا ..
رغم إنى شايف إن كوبر ده "كفتاجى" بس للأسف فعلآ عنده حق المرة دى .. هو مسئولى الاهلى ازاى يوافقوا على كلام البدرى ده .. إزاى يعنى الفريق يقعد عشر ايام فى تونس .. اولا مش من بعد المسافة يعنى بين مصر و تونس ..و بعدين الفريق هناك قاعد بس تمارين من غير ماتشات .. كان لازم الفريق يرجع القاهره وكان يلعب ماتش ودى فى النص عشان لياقة اللاعيبة .. التمارين بس مش كفاية .. ده غير فعلآ الكلام بتاع الملل ده
عدد الردود 0
بواسطة:
د.أكرم شلبي
لا يوجد تربية في هذا المجتمع
العيب على البيت اللي ربي غلط.. لأن مفيش تربية... شوية عيال عايزة فلوس و خلاص و مخدرات حتى لو باع نفسه... فين أهله اللي المفروض انهم علموه... طب بتخلف ليه لما مش قادر تربي و بترمي في الشارع..